18. september
kl 17-20
5-10 trinn
Gimle, Kong Oscarsgate 18
Dansekonsert med Audhilds
Kiosk, biljard, airhockey, bordtennis, krea-krok, nintendo switch og mykje meir moro
]]>
Vinnaren av årets rebusløp var laget “Dei einaste” som vann med 50 poeng totalt. Ferden gjekk frå Finnegården til Nedre Hamburgersmauet nr 8 (der det var to ringerklokker). På vegen var dei innom mellom anna Rosenkrantztårnet, som dei likte spesielt godt, og Dreggkaien, i nærleiken av Beffen. Etter rebusløpet var det sommarfest i storsalen i Gimle med mykje god mat! Vinnarlaget, som bestod av Jone og Rasmus, kunne løfta vandrepokalen til stor jubel frå salen!
]]>
Bergen ungdomslag Ervingen har fått 100.000 kr frå Sparebanken Norge. Pengane fekk me til Juniorspelemannslaget. Tusen takk til Linn Bergseth som var med på utdelinga og spelte for dei andre som var til stades! Og tusen takk til Sparebanken Norge.
Tysdag 23. juni frå kl. 17 og utover feirar vi jonsok på hytta på Eidsholmen.
Ta med eigen grillmat, nemnda stiller med varme grillar, kaffi og kaker.
Utover kvelden blir det rebus for dei yngste, dans, bålbrenning m.m.
Ta gjerne med eit instrument om du har.
Velkomen til små og store!
]]>
Ta med familien, venner, naboen, lagsfolk eller kven du måtte ynskja på laget ditt og bli med. Ta med noko godt til korgefesten etterpå også. :)
Passar for 14-100 år!
]]>
17. mai i Bul Ervingen
Bli med på 17. mai-feiring med Bul Evingen.
Kl. 10.00 Hovudprosesjonen – Koengen, kolonne 5
Kl. 11.30-14.30 Kafe i Gimle
Kl. 16-16.30 Folkedansframsyning på Torgallmenningen
17. mai-dugnad?
Har du lyst og tid til å hjelpa til med 17. mai-feiringa i Bul Ervingen?
Me treng både faneberarar, kakebakarar, kafearbeidarar, songarar, spelmenn, dansarar mm
Har du høve til å jobba dugnad, bidra i prosesjonen, baka osb; fyll ut skjemaet
]]>
Barnelaget og folkedanslaget deltek på danses dager, laurdag 25. april kl. 12.05 på Torgallmenningen.
Program for dagen finn du her.
]]>Oslo, 18,-19. april var det duka for landsmøte i Noregs Ungdomslag. Helga var fylt med seminar, kurs, debatt, dans og 86 røysteføre utsendingar i salen.
Noregs Ungdomslag fyller 130 år i 2026. Møtet vart offisielt opna med eit utdrag frå diktet «Fram peiker pila», skrive av Jan-Magnus Bruheim til 75-årsjubileet for 55 år sidan. Terje Svindseth las diktet, ledsaga av nydelege tonar frå Julia Vinogradova og Sigrid Vågan Aunsmo på hardingfele.
Styreleiar Tone Mjelde opna landsmøtet med ei lita teaterframsyning, til stor latter og glede for dei frammøtte, før ho holdt opningstale.
Alle utsendingane fekk utdelt den heilt nye jubileumsboka «Samfunnsbygging i 130 år», skriven av Jan Kløvstad og Lene Storhaug.
Utsending frå Bergen ungdomslag Ervingen var styreleiar Dagrun Daltveit Slettebø, som i tillegg til å delta på landsmøtet også deltok på seminaret «Broderi med Barbro» om fredagen. Her fekk ho læra å brodera Hulda-mønster på grillvottar.
Laurdag kveld var det middag og dansefest. Under middagen fekk Else Elise Sætre Bullhus ei velfortent oppmerksemd for innsatsen sin i Noregs Ungdomslag. Etter middagen spelte «Flatlusa» opp til dans.
Kven veit? 2026 vart avgjort denne helga, og vinnarane kunne endeleg offentleggjerast. Førsteplassen gjekk til Bergen ungdomslag Ervingen, lag A (Øystein, Dag, Berit og Borghild). Me er sjølvsagt veldig stolte over at dei klokaste hovuda i landet er å finna i Bul Ervingen!
]]>
Omlag 20 spente og forventingfulle born fekk sitt førest møtet med hardingfele og folkemusikk no like før påske, då Bergen ungdomslag Ervingen, saman med Bergen Kulturskole, starta opp rekrutteringsprosjekt på ein SFO i Bergen.
Prosjektet skal gå føre seg heilt til utgangen av mai, og dei som har lyst å halda fram får lov å ta med seg fela heim og spela på dei i sommarfeien også.
Som instruktørasr i prosjektet har me fått med hardingfelelærarane i Bergen Kulturskole, Elna Selle og Ingvild Kleiveland Vevle. Dei er også instruktørar i Bergen Juniorspelmannslag, saman med Ida Marie Rognsvåg, som også er instruktør for aspirantspelmannslaget i Bul Ervingen, der dei sfo-borna etterkvart kan få bli med å spela saman med dei andre spirantane i Bul Ervingen. Etter ei stund kan dei ta steget opp i Bergen Juniorspelmannslag.
Prosjektet starta med at me gjekk gjennom fele-lageret til Bul Ervingen og fann ut at no var det veldig mange små feler som såg triste ut, då dei ikkje vart spelt på. Då fann me ut at no var det på tide å gjera noko med desse felene, og kontakta ein heldig SFO som fekk tilbodet om å bli med i prosjektet. Me lyste ut 12 plassar, og fekk 19 på melde. Eit luksusproblem tenkte med, og skaffa nokre fleire små feler.
Og jammen vart det lyd i felene alt første øvingsdag. SFO-borna kosa seg og var svært stolte over å få læra å både halda, laga lyd, pakka opp og ned fela av kassen, og korleis ta best mogleg vare på fela. På toppen av det heile fekk dei læra ein liten slått alt første dagen. Så no går heile SFO rundt og nynnar på “Dagen er ny, kykeliky”.
“Det gøyeste var at det gikk an å spille på en fele med bare fingrene”, oppsummerte ei av deltakarane etter første øvingstime.
Etter at alle hadde fått sagt namnet sitt og kva som var favorittdyret, viste assistent Ingeborg og instruktør Ingvild fram hardingfelene og spelte ein slått til SFO-borna, som var starstruck frå første augneblink. “Synes ikke den ligner på en løve eller drage… det ser ut som en hund!”, meinte ei av jentene då Ingvild fortalde om hovudet på fela. Så var det utdelinga var feler, og borna var klar til å prøva å halda, klimpra og prøva å få lyd i fela. “Koffor har ikke min fele en sånn hund?”, lurte ein anna jente på.
“Skal vi også bruke sånn pinne når vi spiller?” var eit av spørsmåla som kom i løpet av timen – og svaret er at bogen skal nok brukast den også, men førebels har den ferie.
Mykje tyder på at første time var suksess, for i etterkant har det kome inn endå fleire påmeldingar frå sfo-born som vil delta i prosjektet.
