Вредноста на набавката на јужнокорејските повеќецевни ракетни лансери изнесува 435,2 милиони евра без ДДВ, а компанијата „Ханвха аероспејс“ треба да ги испорача до 2029 година.

Хрватската влада претходно нагласи дека предностите на овој систем се можноста за користење ракети со различен калибар, големата флексибилност, силната огнена моќ и многу краткото време на реакција.

Станува збор за лансери што веќе ги набавија Норвешка, Естонија и Полска, која за нив произведува и ракети.

Анушиќ потпиша и договор со полската компанија „ВБ електроникс“ за испорака и интеграција на систем за управување и командување со лансерите.

– Со ова вооружување Хрватска добива способности какви што во моментов нема, ниту пак некогаш ги имала – рече премиерот Андреј Пленковиќ на церемонијата на потпишување на договорите.

„Чунму К239“ ќе ги надополни договорените системи „ХИМАРС“, ќе ги зголеми дострелот и огнената моќ на Хрватската војска, ќе ги диверзифицира правците на снабдување и дополнително ќе ја зајакне способноста за одвраќање, додаде премиерот, осврнувајќи се на ракетниот систем што Хрватска претходно го нарача од САД.

Анушиќ за „Чунму“ рече дека „заедно со Рафалите ќе биде ударна и најмоќната сила“ на Хрватската војска. Тој нагласи дека не станува збор за „еднонасочен однос“, во кој Хрватска купува, а Јужна Кореја продава, туку дека во реализацијата на проектот ќе биде вклучена и хрватската компанија „Кончар“.

Хрватскиот министер за одбрана ја пофали јужнокорејската индустрија за вооружување поради „многу пристапната цена, врвниот квалитет и многу брзата испорака“, што, како што истакна, е од клучно значење во постојните геополитички околности.

Претседателот на Управниот одбор на „Ханвха“, Бу-Хван Ли, истакна дека компанијата сака „да продолжи и да ја продлабочи соработката со Хрватска“ и дека ќе се „фокусира на трансферот на технология и знаење“. Тој ја нарече Хрватска „долгорочен партнер“ и изрази надеж дека одбранбената индустрија на Јужна Кореја „ќе го најде своето место во оваа земја“.

Јужнокорејскиот министер за одбрана Ан Ѓу-бек рече дека продажбата на системот „Чунму“ „внимателно се следи“ во неговата земја и дека станува збор за „кулминација“ на соработката меѓу двете географски оддалечени држави, но со сличен историски пат во борбата за безбедност и независност.

– Се наоѓаме на различни краеви на светот, но имаме заеднички елементи во историјата – сместени сме во важни геополитички простори, но имаме силен дух со кој нашите народи го зачувале својот идентитет – рече тој.

Покрај договорите со корејската и полската компанија, во Банските дворови беше потпишан и Меморандум за разбирање меѓу Министерството за одбрана на Хрватска и Министерството за одбрана на Јужна Кореја.

МИА

Маршалот на воздухопловството сер Ричард Најтон изјави дека тој број на загинати е дел од вкупно 1,5 милиони војници на Русија исфрлени од строј во Украина.

Британските податоци главно се совпаѓаат со податоците кои ги објави украинската армија.

Официјални лица во Москва засега не го коментираа тврдењето на Најтон.

Руската армија, која е бројчено надмоќна во однос на украинската, тешко напредува на бојното поле, а западните официјални лица и аналитичари велат дека темпото на руското напредување оваа година значително забавило.

Најтон изјави дека вооружените сили на Русија изгубиле и „огромна“ количина воена опрема: повеќе од 10.000 оклопни и заштитни возила, 3.000 системи за противвоздушна одбрана и артилериски системи, повеќе од 370 авиони и хеликоптери.

Тој не изнесе податоци за загубите на Украина.

Ниту Москва ниту Киев не изнесуваат податоци за своите загуби на бојното поле. 

МИА

Зеленски на Фејсбук наведе дека во Саратовската и Волгоградската област се погодени едно претпријатие и објект на нафтената индустрија.

„Имаме добри резултати од нашите удари од долг дострел насочени кон намалување на рускиот потенцијал за водење војна“, напиша Зеленски.

Според него, украинските сили извеле напади и врз цели во Дагестан, Удмуртија, Тулската, Нижненовгородската, Пермската и Самарската област, како и во Црното Море.

Зеленски им се заблагодари на припадниците на украинските сили и на сите кои работат на развојот на украинските воени способности, со цел, како што наведе, во Русија „да не останат безбедни места“ за објектите кои ја поддржуваат војната.

Украинската страна во последните месеци ги интензивираше нападите со дронови и други средства од долг дострел врз руската енергетска инфраструктура и индустриските објекти.

Според податоците на Меѓународната агенција за енергетика, состојбата во рускиот сектор за преработка на нафта се влошува, додека санкциите го отежнуваат обновувањето на капацитетите по сè поинтензивните напади на украинските дронови.

МИА

– Унгарија сака да види силни членки на ЕУ, силна Централна Европа и пред сè посилна ЕУ отколку што е сега. Ова бара искрен дијалог и поставување на агендата за прашања што доминираат во животите на луѓето, а не идеолошки прашања на раздор. Унгарија е подготвена, објави Маѓар на Фејсбук.

Тој денеска е во Братислава, каде се одржува состанок на Вишеградската група (В4). Средбата е фокусирана на борбата против илегалната миграција, координирано дејствување против растечките цени на енергијата и за следниот буџет на Европска Унија.

На средбата на В4 учествуваат полскиот, чешкиот и словачкиот и ирскиот премиер, чија земја претседава со ЕУ.

Вишеградската група е формирана во 1991 година од Унгарија, Полска, Чешка и Словачка со цел промовирање на заеднички економски интереси, поттикнување на слободна трговија, развој на транспортна инфраструктура и соработка во областа на енергетиката.

Оваа година, Маѓар најави можноста за проширување на В4 во уште неколку земји. 

МИА

Бројот на патници од Германија во САД во првата половина од 2026 година се намали за 14,2%, соопшти во среда Германската туристичка асоцијација (DRV). Слична беше ситуацијата и во јули. Во Швајцарија, бројката се намали за 16,5%.

Доколку трендот продолжи, бројот на патувања во САД од Швајцарија во 2026 година ќе биде на исто ниво како и во 2007 година, изјави Андреа Бефа, директорка на Швајцарската туристичка асоцијација (SRV), за новинската агенција AWP.

Тоа би претставувало пад од 25% од почетокот на 2025 година, кога претседателот на САД Доналд Трамп ја презеде функцијата. Во Германија, падот на годишно ниво во 2025 година изнесуваше 11,3%.

Политичката ситуација е една од неколкуте причини за неподготвеноста за патување, вели Торстен Шефер, раководител на комуникациите во DRV.

Во репрезентативна анкета спроведена за DRV во февруари, околу половина од приближно 2.000 испитаници ја наведоа политичката и социјалната ситуација во САД.

На ова беа додадени цените и условите за влез, вклучително и административниот товар за аплицирање за Електронскиот систем за авторизација на патување (ESTA) за влез без виза.

Понатаму, големите настани како што е Светското првенство во фудбал, кое се одржа во САД, меѓу другите локации, генерално доведоа до пад на туристичките патувања, вели Шефер. Туристите се плашеа од повисоки цени отколку во други периоди од годината.

Сепак, и покрај сите овие случувања, САД остануваат привлечна опција за одмор. „Во 2025 година, САД беа најпопуларната дестинација за долги релации за Германците во целина – и покрај падовите во споредба со 2024 година“, рече Шефер, „и, врз основа на тековните бројки за резервации, многу е веројатно дека ќе останат така и оваа година“.

извор:Racin.mk

Балканските превозници со месеци алармираат за штетните последици од правилото „90 дена во 180 дена“, коешто го ограничува престојот во Шенген-зоната за граѓаните од земјите надвор од ЕУ. Нивното главно барање е воведување посебен режим за професионалните возачи, бидејќи нивниот престој е за работни обврски и меѓународен транспорт, а не за туристички цели.

Во Србија блокадата на преминот е веќе потврдена, а кон акцијата се приклучуваат и превозниците од Македонија, БиХ и Црна Гора.

Претседателот на Здружението за меѓународен транспорт на Србија, Неѓо Мандиќ, истакна дека нивна желба не е да дојде до блокада, но дека компаниите веќе се соочуваат со сериозен дефицит на кадар кој има право на влез во ЕУ.

Според Мандиќ, граничните контроли се дополнително застрожени и возачите се враќаат дури и за прекорачување од само еден ден.

„Практично остануваме без возачи и самите сме блокирани, бидејќи не можеме да работиме“, изјави Мандиќ.

Тој признава дека евентуалната блокада ќе им предизвика финансиска штета и на самите превозници, но смета дека без дополнителен притисок проблемот нема да биде решен доволно брзо.

Оваа реакција следува откако на 31 август транспортните здруженија организираа протести пред претставништвата на ЕУ во Скопје, Белград, Сараево и Подгорица. Македонските превозници тогаш предупредија дека без привремено решение, следниот чекор се токму границите.

Eвентуалната блокада на товарниот сообраќај може да предизвика доцнење на испораките, високи дополнителни трошоци за компаниите и сериозни прекини во синџирите на снабдување.

извор: Libertas.mk

Според издадените одобренија за градење, предвидената вредност на објектите изнесува 7 995 108 илјади денари, што е за  74.8 % помалку во однос на истиот месец од претходната година.

Намалената вредност се должи на фактот дека во референтниот период минатата година е издадено одобрение за градба за ветерен парк (за производство на електрична енергија од обновливи извори) во општините Штип, Радовиш и Карбинци. 

Од вкупниот број издадени одобренија за градење, 227 (61.9 %) се наменети за објекти од високоградба, 39 (10.6%) за објекти од нискоградба и 101 (27.5 %) за објекти за реконструкција.

Од вкупно 367 објекти, на 209 (56.9 %) како инвеститори се јавуваат физички лица, а на 158 (43.1 %) објекти инвеститори се деловни субјекти. 

Во извештајниот период е предвидена изградба на 1 248 станови со вкупна корисна површина од 100 440  м2

МИА

Уапсениот 66-годишен монах, Вачирајан Ви, бил старешина на угледниот храм Ват Путаисаван во древната престолнина Ајутаја, а се сомнева дека во текот на две години во повеќе од 20 наврати присвојувал пари од донации наменети за храмот, пренесува Би-Би-Си. По апсењето тој е разрешен од монашката служба.

Будистичките монаси на Тајланд полагаат завет на целибат и се одрекуваат од материјална сопственост.

Полицијата соопшти дека утврдила два текови на пари поврзани со признаниците за донации кои монахот ги издавал во име на храмот. Еден дел од парите бил наменет за реновирање на храмот, додека другиот се однесувал на купување амајлии и други свети предмети.

– Но парите од двата текови не влегоа на сметката на храмот. Ниту еден бат – изјави главниот инспектор Патанасак Бупасуван.

За време на претресот на куќата на монахот полицијата вчера пронашла готовина и златни полуги чија вкупна вредност надминувала 100 милиони бати. Истрагата траела до доцна во ноќта, пренесува тајландскиот весник „Д Нејшн“.

Со преглед на снимките од надзорните камери полицијата пронашла и снимка од монахот како има сексуален однос со жена во својата трпезарија. Таа е идентификувана како 47-годишната Пуњави Рунгруанг, која е исто така уапсена поради сомнение дека му помагала на службено лице во незаконски активности.

Полицијата од нејзината куќа запленила 35 златни амајлии, околу 1,5 килограми златни полуги и накит, со вкупна проценета вредност од околу 6,04 милиони бати. Инспекторите се сомневаат дека осомничената му помагала на монахот во управувањето со парите стекнати со проневера, наведувајќи дека низ нејзините банкарски сметки годишно минувале десетици милиони бати.

Истрагата беше покрената во средината на јули по анонимна пријава во која монахот беше обвинет за недолично однесување и злоупотреба на средствата на храмот. Полицијата не ја исклучува можноста во случајот да се вмешани уште две или три лица.

Случајот е најнов во низата скандали кои во последните години ја потресоа будистичката заедница на Тајланд, а кои вклучуваат монаси кои го кршат заветот на целибат, тргуваат со дрога и вршат финансиски криминал.

Во јули минатата година полицијата отвори телефонска линија за пријавување монаси поради недолично однесување, откако беше откриено дека најмалку девет монаси имале сексуални односи со една жена, која потоа ги уценувала со фотографии и снимки за речиси 12 милиони долари.

МИА

Британските медиуми пренесуваат дека станува збор за маж, кој починал во вторникот, во градот Гвака, изјави Галеква Вундаве.

Мажот патувал од покраината Јужен Киву, во источен Конго, преку Руанда и Уганда, пред повторно да се врати во Конго и да пристигне во Суд-Убанги, покраина што се граничи со Република Конго и Централноафриканската Република.

Директорот на Националниот институт за биомедицински истражувања во Киншаса, Жан-Жак Мујембе, денеска потврди дека мажот бил позитивен на вирусот ебола.

Властите стравуваат дека бројот на луѓе кои биле во контакт со заразеното лице би можел да биде голем, со оглед на тоа што пациентот користел патен и речен транспорт.

Затоа, соседните провинции и држави би можеле да бидат изложени на ризик, на Икс напиша Жан-Жак Мбунгани, поранешен министер за здравство и пратеник од областа.

Локалниот пренос на вирусот сè уште не е потврден во провинцијата Суд-Убанги, што значи дека сè уште не е додаден на списокот на провинции официјално погодени од епидемијата, која првпат беше потврдена кон средината на мај.

Актуелната епидемија на ебола, 17-та по ред во Конго, досега зафатила 6.942 лица, од кои 3.349 починале, покажуваат најновите податоци на владата на ДР Конго, што ја прават втората најголема епидемија на ебола досега, по епидемијата во Западна Африка во 2014-2016 година.

МИА

Таа истакна дека нејзиниот добротворен потфат, во чии рамки за 24 часа се искачи на трите највисоки врвови во Британија за да се соберат пари за заболените, бил начин да ѝ се оддолжи на оваа здравствена установа.

– Искачувањето на трите највисоки врвови во земјата беше мој мал начин да кажам благодарам – изјави Кејт Мидлтон.

Собраните средства ќе бидат искористени за развој на нов специјалистички Центар за холистичка благосостојба и закрепнување.

Во текот на јули принцезата откри дека се искачила на највисоките планини во Англија, Шкотска и Велс за да собере пари за добротворна организација која се грижи за лица заболени од рак.

Принцезата помина низ циклус превентивна хемотерапија во лондонската болница откако на почетокот на 2024 година ѝ беше откриен рак.

МИА