एक वक्तव्य जारी गर्दै अध्यक्ष ओलीले भदौ २३ गते युवाहरूले आफ्ना माग राखेर सुरु गरेको आन्दोलन शान्तिपूर्ण भए पनि भोलिपल्ट २४ भदौमा योजनाबद्ध रूपमा घुसपैठ गराई हिंसा भड्काइएको बताउनुभयो । उहाँले सो क्रममा ज्यान गुमाएका युवा तथा कर्तव्य पालनाका क्रममा खटिएका सुरक्षाकर्मीहरूप्रति श्रद्धाञ्जली अर्पण गर्दै घाइतेहरूको शीघ्र स्वास्थ्यलाभको कामना गर्नुभएको छ ।

ओलीले २४ भदौमा सार्वजनिक तथा निजी सम्पत्ति, संरचना र राजनीतिक स्थलहरूमा भएको तोडफोड, लुटपाट तथा आगजनीलाई राष्ट्रिय इतिहासको दुःखद क्षण भन्नुभएको छ ।

उहाँले सो घटनाका दोषीहरूलाई अहिलेसम्म कानुनी दायरामा नल्याइएको र विभिन्न प्रतिवेदनहरू गुपचुप राखिएको भन्दै प्रश्न उठाउनुभएको छ । दोषीलाई उन्मुक्ति दिने प्रयासले दण्डहीनतालाई बढावा दिने उल्लेख गर्दै उहाँले निष्पक्ष छानबिन गरी दोषीमाथि कारबाही हुनुपर्ने माग गर्नुभएको छ ।

अध्यक्ष ओलीले लोकतन्त्रमा नागरिकले आफ्ना माग र असन्तुष्टि शान्तिपूर्ण रूपमा राख्न पाउने अधिकार संविधानले सुनिश्चित गरेको भए पनि हिंसा र अराजकता स्वीकार्य हुन नसक्ने स्पष्ट पार्नुभएको छ । उहाँले देशमा विद्यमान दण्डहीनता र अराजकताविरुद्ध सबै शक्तिहरूलाई एकताबद्ध भएर उभिन आह्वानसमेत गर्नुभएको छ ।

काठमाडौँ। बीपी स्मृति दिवसको अवसरमा एक भिडियो सन्देश दिँदै नेपाली कांग्रेसका सभापति गगन कुमार थापाले २०८२ भदौ २३ र २४ गते भएका घटनाहरूको गम्भीर तथा निष्पक्ष छानबिन गरी दोषी ठहरिएका सबैलाई कानुनी कारबाहीको दायरामा ल्याउनुपर्ने बताउनुभएको छ ।

भिडियो सन्देशमार्फत बोल्दै सभापति थापाले भदौ २३ गते युवाहरूले आफ्ना जायज माग र असन्तुष्टि व्यक्त गर्ने क्रममा भएको दमन र मानवीय क्षतिको सत्यतथ्य बाहिर ल्याउनुपर्ने बताउनुभयो । राज्यको अत्यधिक बल प्रयोगबाट युवाहरूको ज्यान गएको घटनाको जिम्मेवारीबाट कोही पनि उम्किन नमिल्ने र त्यसको यथार्थ विवरण अविलम्ब सार्वजनिक गरिनुपर्ने उहाँको भनाइ थियो ।

यसैगरी, भदौ २४ गते सार्वजनिक तथा निजी सम्पत्ति, संरचना र राजनीतिक स्थलहरूमा भएको तोडफोड तथा आगजनीका घटनाहरूको ढाकछोप गर्ने प्रयास कदापि स्वीकार्य नहुने उहाँले स्पष्ट पार्नुभयो । सरकारले पूर्वप्रतिबद्धता अनुसार यस घटनाको निष्पक्ष छानबिनका लागि न्यायिक आयोग गठन गर्नुपर्ने र दोषीलाई कडा भन्दा कडा सजाय दिनुपर्ने माग उहाँले भिडियो सन्देशमा गर्नुभयो ।

बीपी कोइरालाको विचार र आदर्शलाई स्मरण गर्दै सभापति थापाले युवाहरूले भ्रष्टाचारमुक्त, जवाफदेही र सुशासनयुक्त राज्य निर्माणका लागि उठाएका आवाज जायज रहेको बताउनुभयो । युवाहरूको बलिदानीलाई व्यर्थ जान नदिने र बदलिएको कांग्रेसले उनीहरूको सपना पूरा गर्न नेतृत्वदायी भूमिका खेल्ने प्रतिबद्धता समेत उहाँले व्यक्त गर्नुभयो ।

काठमाडौँ। राष्ट्रिय स्वतन्त्र पार्टी (रास्वपा) का सभापति रवि लामिछानेले प्रतिनिधि सभाको बैठकमा सम्बोधन गर्दै भदौ १० गते रसुवाको भोटेकोशीमा आएको विनाशकारी बाढीबाट प्रभावित नागरिकको तीव्र गतिमा खोजी, उद्धार, राहत तथा पुनर्स्थापना गर्न सरकारसँग माग गर्नुभएको छ ।

सम्बोधनका क्रममा सभापति लामिछानेले विपद्को यस कठिन घडीमा राज्य भग्नावशेषभित्र नागरिकको प्राण खोजिरहेको उल्लेख गर्नुभयो । उहाँले बाढीपहिरोमा परी ज्यान गुमाएका तथा प्रभावित भएका नागरिकहरू जलवायु अन्यायको शिकार भएको टिप्पणी गर्नुभयो ।

नेपालले सामना गरिरहेको जलवायु संकट र त्यसबाट भइरहेको भौतिक तथा मानवीय क्षतिबारे विश्व समुदायलाई तथ्यसहित बुझाउन सरकारले प्रभावकारी जलवायु कूटनीति अघि बढाउनुपर्ने र जलवायु न्यायका लागि अन्तर्राष्ट्रिय मञ्चहरूमा आवाज उठाउनुपर्ने उहाँको भनाइ थियो ।

सम्बोधनका क्रममा लामिछानेले प्राकृतिक विपद्का कारण उत्पन्न यस्तो राष्ट्रिय पीडालाई कसैले पनि राजनीतिक हतियार वा अंकगणितको विषय बनाउन नहुने बताउनुभयो । यतिबेला सबै दल, सरकार र नागरिक मिलेर पीडितको आँसु पुछ्नुपर्नेमा उहाँले जोड दिनुभयो ।

उहाँले राहत तथा उद्धार कार्यमा महिला, बालबालिका, अपाङ्गता भएका व्यक्ति र ज्येष्ठ नागरिकको सुरक्षालाई विशेष प्राथमिकतामा राख्नुपर्ने बताउनुभयो । हराइरहेका नागरिकको खोजीमा आधुनिक प्रविधिको प्रयोग बढाउन र घरबारविहीन भएका परिवारलाई तत्काल सुरक्षित अस्थायी आवासको व्यवस्था मिलाउन सरकारको ध्यानाकर्षण गराउनुभयो ।

सभापति लामिछानेले विगतका विपद्हरूबाट झैँ यो भग्नावशेषबाट पनि नेपाली जनता फेरि उठ्ने विश्वास व्यक्त गर्नुभयो । उहाँले राज्यका सम्पूर्ण निकाय, सुरक्षाकर्मी र स्वयंसेवकहरूलाई थप प्रभावकारी रूपमा मैदानमा खटिन आग्रह गर्दै एकीकृत पुनर्निर्माण र पुनर्स्थापनाको दीर्घकालीन योजना ल्याउन सरकारसँग आग्रह गर्नुभयो ।

गत भाद्र १० गते आएको भोटेकोशी बाढीका कारण रसुवा, नुवाकोट, धादिङ, गोर्खालगायतका जिल्लामा ठूलो मानवीय तथा भौतिक क्षति भएकोप्रति दुःख व्यक्त गर्दै रिसोर्टले सहयोग रकम प्रधानमन्त्री दैवीप्रकोप उद्धार कोषमा जम्मा गरेको हो ।

प्राकृतिक विपत्तिले कयौँ परिवारलाई घरबारविहीन बनाएको र सिङ्गो मुलुकसहित पर्यटन क्षेत्रलाई स्तब्ध बनाएको रिसोर्टका प्रबन्ध निर्देशक श्यामकाजी महतले बताउनुभयो ।

विपद्को यस घडीमा राज्य र बाढी प्रभावित क्षेत्रलाई पर्यटन क्षेत्रको तर्फबाट पनि साथ र सहयोग हुनुपर्छ भन्ने सोचकासाथ सहयोग हस्तान्तरण गरिएको महतले जानकारी दिनुभयो ।

प्रबन्ध निर्देशक महतले विपत्तिबाट पीडित बनेका नागरिकका लागि तत्काल राहत, स्वास्थ्य, सुरक्षा तथा पुनर्स्थापनाका कामलाई प्रभावकारी बनाउन सरकार, सुरक्षा निकाय, सामाजिक संघसंस्था, निजी क्षेत्र र आम नागरिकबीच बलियो सहकार्य र एकता हुनुपर्नेमा जोड दिएका छन् ।

भदौ २२ गते अर्थ मन्त्रालयमा आयोजित कार्यक्रममा नेपाल टेलिकमकी प्रबन्ध निर्देशक संगीता पहाडी (अर्याल) ले उक्त सहयोग रकमको चेक माननीय अर्थमन्त्री डा. स्वर्णिम वाग्लेलाई हस्तान्तरण गर्नुभयो।

विपद्को यस घडीमा बाढीप्रभावित क्षेत्रका बासिन्दालाई तत्काल राहत पुगोस् र पुनर्स्थापनामा सहयोग पुगोस् भन्ने उद्देश्यले कर्मचारीहरूले आफ्नो तर्फबाट यो योगदान गरेका हुन्।

यसैबीच, नेपाल टेलिकमले आफ्ना कर्मचारीहरूको व्यक्तिगत सहयोगबाहेक संस्थागत (कोपोरेट) रूपमा पनि केही दिनभित्रै थप राहत तथा सहयोग रकम उपलब्ध गराउने प्रतिबद्धता जनाएको छ।

अर्थ मन्त्रालयमा आयोजित एक कार्यक्रमका बीच नाइमाकी अध्यक्ष ऋतु सिंह वैद्यको नेतृत्वमा पुगेको प्रतिनिधिमण्डलले उक्त सहयोग रकम अर्थमन्त्री वाग्लेलाई बुझाएको हो।

कार्यक्रममा नाइमाका बोर्ड सदस्यहरू यमुना श्रेष्ठ र हेमन्त गोल्छा, नाइमा प्रिन्सिपल मेम्बर CIMEX Inc. का प्रमुख कार्यकारी अधिकृत (CEO) साहिल श्रेष्ठ, नाइमाका कार्यकारी निर्देशक राज कुमार दुलाल, कार्यक्रम संयोजक ज्ञानु अधिकारी तथा नाइमाको डिजिटल एजेन्सी (Digipal) का उत्सव कार्कीको उपस्थिति रहेको थियो।

बाढीका कारण प्रभावित बनेका परिवारको उद्धार, राहत तथा पुनर्स्थापनामा मद्दत पुगोस् भन्ने उद्देश्यले यो सहयोग उपलब्ध गराइएको नाइमाले जनाएको छ। संस्थाले यस मानवीय पहलमा साथ, सहयोग र सहकार्य प्रदान गर्ने आफ्ना सम्पूर्ण सदस्य कम्पनीहरूप्रति विशेष आभार व्यक्त गरेको छ।

साथै, विपद्को यस कठिन र दुःखद घडीमा प्रभावित समुदाय र समग्र राष्ट्रको साथमा नाइमा सदैव अग्रपङ्क्तिमा उभिने प्रतिबद्धतासमेत व्यक्त गरिएको छ।

पर्यटन विभागले दिएको जानकारीअनुसार यही भदौ १० गते भोटेकोशीमा गएको बाढीमा परेर ३४ देशका ५८७ विदेशी पर्यटक बेपत्ता भएका हुन्।

बेपत्ता भएका विदेशी पर्यटकमध्ये २५६ पुरुष, ३२९ महिला र दुई अन्य रहेका छन् । बेपत्ता भएका विदेशी नागरिकमध्ये सबैभन्दा बढी छिमेकी मुलुक भारतका रहेका छन्। विभागले दिएको जानकारीअनुसार भारतका १८४ नागरिक बेपत्ता भएका छन्।

यसबाहेक अष्ट्रेलियाका ३३, बेलारुसका दुई, क्यानडाका ३०, फिनल्यान्डका एक, फ्रान्सका चार, जर्मनीका आठ, हङ्गेरीका एक, आइरिसका दुई, इजरायलका एक, लिथ्वानियाका एक, मलेसियाका ५५ र नेदरल्यान्डका दुईजना बेपत्ता भएका छन् ।

यस्तै, न्युजिल्यान्डका पाँच, पोर्चुगलका दुई, रसियाका आठ, सिङ्गापुरका नौ, दक्षिण अफ्रिकाका छ, स्पेनका दुई, युक्रेनका ५४, बेलायतका ३२, अमेरिकाका ६७, जापानका पाँच, फिलिपिन्सका एक, काजकिस्तानका तीन, बेल्जियमका दुई, स्विडेनका एक जना बेपत्ता भएका छन्। यसैगरी, लाटभियाका ३३, स्विजरल्यान्डका एक, इटलीका दुई, चीनका २६, भियतनामका एक, इस्टोनियाका एक र पोल्यान्डका दुई पर्यटक बेपत्ता भएका छन् ।

हालसम्म ३०७ विदेशी पर्यटकको सफल उद्धार गरिएको विभागले जनाएको छ । उद्धार भएकामध्ये २५४ पुरुष र ५३ महिला रहेका छन्। यसैगरी, बाढीपछि सम्पर्कविहीन भएकामध्ये सात जना (दुई पुरुष, चार महिला र एक अन्य) हाल सम्पर्कमा आएका छन् । स्थानीय प्रशासन र सुरक्षा निकायले बेपत्ता भएकाको खोजी र राहत कार्यलाई तीव्रता दिएका छन्।

काठमाडौँ, भदौ २२ (सेप्टेम्बर ७, २०२६) — राष्ट्रपति रामचन्द्र पौडेलले भोटेकोशी र त्रिशूली नदी तटीय क्षेत्रमा आएको भीषण बाढी तथा पहिरोले निम्त्याएको संकटको घडीमा सम्पूर्ण देशलाई एकजुट हुन आह्वान गर्नुभएको छ।

रसुवा र नुवाकोटका बाढी प्रभावित क्षेत्रहरूको स्थलगत निरीक्षण गरी फर्किएपछि सोमबार अपराह्न नेपाल टेलिभिजनमार्फत राष्ट्रका नाममा सम्बोधन गर्दै उहाँले यो समय विभाजनको नभई राजनीतिक विवाद र दोषारोपणभन्दा माथि उठेर राहत, पुनर्निर्माण र पुनःस्थापनामा जुट्ने समय भएको स्पष्ट पार्नुभयो।

राष्ट्रपति पौडेलले खोजी तथा उद्धार कार्यलाई निरन्तरता दिँदै विस्थापित नागरिकहरूका लागि खानपिन, शुद्ध खानेपानी, सुरक्षित आवास र स्वास्थ्य उपचारको तत्काल प्रबन्ध मिलाउन सरकारको ध्यानाकर्षण गराउनुभयो।

विशेषगरी बाढीबाट प्रभावित बालबालिका, ज्येष्ठ नागरिक, अपाङ्गता भएका व्यक्ति, गर्भवती तथा सुत्केरी महिलाहरूको संरक्षण र हेरचाहमा ध्यान दिनुपर्नेमा उहाँले जोड दिनुभयो। साथै, उहाँले विपद्को यो कठिन परिस्थितिमा आफ्नो ज्यान जोखिममा राखेर उद्धार कार्यमा निरन्तर खटिएका नेपाली सेना, नेपाल प्रहरी, सशस्त्र प्रहरी बल, स्वास्थ्यकर्मी र स्थानीय स्वयंसेवकहरूको योगदानको उच्च प्रशंसा गर्दै मृतकहरूप्रति श्रद्धाञ्जली र शोकसन्तप्त परिवारमा समवेदना व्यक्त गर्नुभयो।

नेपालजस्ता संवेदनशील पर्यावरणीय जोखिममा रहेका मुलुकहरूले जलवायु परिवर्तनको भारी असर भोग्नुपरेको तर्फ संकेत गर्दै राष्ट्रपति पौडेलले अन्तर्राष्ट्रिय समुदायसमक्ष ‘जलवायु न्याय’ को जोडदार माग गर्नुभयो ।

अब गरिने पुनर्निर्माण र पुनःस्थापनाका क्रममा नेपालले आफ्नो परम्परागत विकासको ढाँचामा पुनर्विचार गर्नुपर्ने आवश्यकता औंल्याउँदै उहाँले दीर्घकालीन सुरक्षा र वातावरणीय सन्तुलनलाई ध्यानमा राखेर भौतिक संरचनाहरू निर्माण गर्नुपर्ने सन्देश दिनुभएको छ।

शासकीय सुधारका १०० कार्यसूचीमार्फत् सरकारले हुलाक सेवालाई परम्परागत हुलाक सेवाबाट सरकारी कुरियर सेवातर्फ रूपान्तरण गर्ने नीति लिएसँगै हुलाकले महत्वपूर्ण सरकारी कागजात नागरिकको घरदैलोसम्म पुर्याउने गरी सेवा विस्तार गरिरहेको छ ।

राहदानी, सवारी चालक अनुमतिपत्र, शैक्षिक प्रमाणपत्र, स्वास्थ्यसम्बन्धी रिपोर्टलगायत कागजात नागरिकको घरमै पु¥याउने कामलाई अवार्डका लागि महत्वपूर्ण आधार मानिएको विभागका महानिर्देशक पंगेनीले जानकारी दिनुभयो ।

१४औँ एपीपीयू कंग्रेसमा महानिर्देशक पंगेनीको नेतृत्वमा नेपालबाट तीन सदस्यीय प्रतिनिधिमण्डल सहभागी भएको थियो । नेपाली प्रतिनिधिमण्डलले विभिन्न सत्रहरुमा नेपालको तर्फबाट सहभागी भई आगामी दिनको हुलाक प्रणालीको अवस्था यसको आधुनिकीकरण, हालसम्म भएका काम र सरकारका प्राथमिकताबारे जानकारी गराएको थियो ।

हुलाक सेवा विभागका महानिर्देशक पंगेनीले नेपालको कठिन भौगोलिक अवस्थाका कारण हुलाक सेवा सञ्चालनमा विभिन्न चुनौती रहेको उल्लेख गर्नुहुँदै सडक तथा सञ्चार पूर्वाधार कमजोर भएका दुर्गम क्षेत्रमा समेत भरपर्दो हुलाक सेवा पु¥याउन पूर्वाधार निर्माणसहित सुधारका कामहरु भइरहेको बताउनुभयो । सरकारी सेवा नागरिकको घरसम्म पु¥याउने र प्रत्येक सेवा सरल, छिटो तथा भरपर्दो बनाउने उद्देश्यसहित हुलाकको भूमिका विस्तार भइरहेको उहाँको भनाई छ ।

त्यस्तै, एपीपीयूअन्तर्गत सीमापार विद्युतीय व्यापार र क्षेत्रीय हुलाक ढुवानी सञ्जाल विस्तारका विषयमा पनि नेपालले धारणा राखेको थियो । नेपालका स्थानीय तथा मौलिक उत्पादनलाई अन्तर्राष्ट्रिय बजारसम्म पु¥याउन हुलाक सञ्जाललाई प्रभावकारी माध्यमका रूपमा विकास गर्न सकिने बारे एपीपीयू कंग्रेसमा आवाज उठाइएको हो ।

विशेषगरी साना उद्यमी, किसान तथा ग्रामीण समुदायका उत्पादनलाई बजारसँग जोड्न हुलाकले ढुवानीको सेतुका रूपमा काम गर्न सक्ने र क्षेत्रीय विद्युतीय व्यापार तथा हुलाक ढुवानी मार्गमार्फत नेपालका साना उत्पादकलाई एसिया प्रशान्त क्षेत्र हुँदै विश्व बजारसम्म पु¥याउन सदस्य राष्ट्रबीच सहकार्य आवश्यक रहेको विषय नेपालले महत्वका साथ उठाएको महानिर्देशक पंगेनीले बताउनुभयो ।

कंग्रेसको पूर्ण बैठकमा नेपाललाई विशेष समय उपलब्ध गराइएको थियो । सो अवसरमा महानिर्देशक भट्टराई पंगेनीले नेपालमा आएको विनाशकारी बाढीबाट भएको क्षतिबारे समेत जानकारी गराउनुभएको थियो । उहाँले विपद्का समयमा सडक, पुल र दूरसञ्चार सेवा अवरुद्ध हुँदा हुलाक तथा सञ्चार सञ्जालको महत्व अझ बढ्ने बताउनुभयो । विपद्का समयमा सूचना, राहत सामग्री, औषधि तथा आवश्यक सरकारी सेवा नागरिकसम्म पु¥याउन हुलाकको पहुँच महत्वपूर्ण हुने उहाँको भनाइ छ ।

एपीपीयू कंग्रेसमार्फत् नेपालले आधुनिक, भरपर्दो, समावेशी र नागरिककेन्द्रित हुलाक प्रणाली निर्माणका लागि अन्तर्राष्ट्रिय सहयोगको आवश्यकता पनि औँल्याएको छ । प्रविधि हस्तान्तरण, कर्मचारीको क्षमता विकास, डिजिटल प्रणाली, विद्युतीय व्यापार तथा वातावरणमैत्री प्रविधि र विपद् प्रतिरोधी हुलाक पूर्वाधार निर्माणमा सहयोग गर्न अन्तर्राष्ट्रिय समुदायसँग नेपालले आग्रह गरेको छ ।

१४औँ एपीपीयू कंग्रेसमा एसिया प्रशान्त क्षेत्रका ३२ सदस्य राष्ट्रका प्रतिनिधि सहभागी भएका थिए । कंग्रेसमा क्षेत्रीय हुलाक सेवा आधुनिकीकरण, डिजिटल रूपान्तरण, सीमापार व्यापार, हुलाक ढुवानी तथा सदस्य राष्ट्रबीच सहकार्यका विषयमा छलफल भएको थियो

सिड्नी । नेपालमा हालै आएको बाढीका कारण ज्यान गुमाएका व्यक्तिहरूको सम्झना तथा प्रभावित परिवारप्रति ऐक्यबद्धता जनाउँदै अष्ट्रेलियाको न्यू साउथ वेल्समा दीप प्रज्वलन कार्यक्रम आयोजना गरिएको छ ।

फेडरेसन अफ नेप्लिज कम्युनिटी एसोसिएसन अफ अष्ट्रेलिया (FeNCAA NSW) र अस्ट्रल नेप्लिज कम्युनिटी क्लब (ANCC) को सहकार्यमा आयोजित कार्यक्रममा सहभागीहरूले नेपालका बाढीपीडितप्रति श्रद्धाञ्जली व्यक्त गर्दै उनीहरूको परिवारप्रति समवेदना तथा ऐक्यबद्धता प्रकट गरेका थिए ।

कार्यक्रममा संघीय सांसद तथा विरिवाका प्रतिनिधि एनी स्टान्ली, लेपिङटनका सांसद नाथन हागार्टी, लिभरपुलकी सांसद चारिश्मा कलियान्दा तथा अष्ट्रेलिया–नेपाल चेम्बर अफ कमर्सका मानार्थ व्यापार प्रतिनिधिको उपस्थिति थियो ।

त्यस्तै, FeNCAA NSW का प्रतिनिधि, गैरआवासीय नेपाली संघ (एनआरएनए) अष्ट्रेलियाका प्रतिनिधि, विभिन्न नेपाली संघसंस्थाका प्रतिनिधि, सामुदायिक अगुवा, नेपाली अभिभावक समूह तथा अष्ट्रेलियामा रहेका नेपाली समुदायका सदस्यहरूको कार्यक्रममा सहभागिता थियो ।

कार्यक्रमको सञ्चालन स्वस्ति वाचन गुरु (Swasti Vachan Guru) ले गरेका थिए ।

नेपालमा बाढी तथा प्राकृतिक विपद्का कारण ठूलो जनधनको क्षति भइरहेका बेला अष्ट्रेलियामा रहेका नेपालीहरूले दीप प्रज्वलनमार्फत दुःखमा रहेका नेपालीहरूसँग आफूहरू साथमा रहेको सन्देश दिएका हुन् ।

कार्यक्रम आयोजकहरूले कार्यक्रममा सहभागी सबैप्रति आभार व्यक्त गर्दै प्रेम, प्रार्थना, करुणा र ऐक्यबद्धताका साथ उपस्थित भएकाले कार्यक्रम अर्थपूर्ण बनेको बताएका छन् ।

कार्यक्रममा सहभागीहरूले ‘एक समुदाय, एक हृदय, नेपालका लागि एकजुट’ भन्ने सन्देशसहित नेपालप्रति आफ्नो एकता र समर्थन व्यक्त गरेका थिए।