संस्कृति संरक्षणमा शिक्षाको महत्व शिर्षकमा आयोजना हुने प्रतियोगिताको तयारी पुरा भएको बुद्ध सामुदायिक टेलिभिजनका अध्यक्ष झपट बहादुर गुरुङ -जेभि)ले जानकारी दिनु भयो । बुटवल उद्योग वाणिज्य संघको सभाहलमा आयोजना हुने प्रतियोगितामा रुपन्देहीका १४ वटा विद्यालयको सहभागिता रहेको उहाँले जानकारी दिनुभयो ।
प्रतियोगितामा कान्ति मावि, नवीन औद्योगिक कदर बहादुर रिता मावि , शान्ति नमुना मावि, नोवेल इन्भारोमेन्ट एकेडेमी तिलोत्तमा , लिटिल प्याराडाईज ईग्लिस स्कुल तिलोत्तमा, न्यू लुम्बिनी ईग्लिस बोर्डिङ् स्कूल देवदह, सन मोडेल ईग्लिस बोर्डिङ स्कुल कञ्चन, तिनाउ ईग्लिस बोर्डिङ् स्कूल ,न्यू होराईजन ईग्लिस बोर्डिङ सेकेण्डरी स्कूल , इन्टलक्च्युअल एकेडेमी, लक्ष्मी मावि, ज्ञान पुन्ज ईग्लिस बोर्डिङ् स्कूल ,एभरेष्ट ईग्लिस बोर्डिङ् स्कूल, ज्ञान गंगा पाठशालाले सहभागिता जनाएको कार्यक्रमका सह–संयोजक शेखर अर्यालले जानकारी दिनु भयो ।
प्रतियोगितामा प्रथम पुरस्कार ५० हजार ,द्धितिय ३० हजार ,तृतिय १५ हजार र सान्त्वना ५–५ हजार रहेको कार्यक्रमका संयोजक बाबुराम अर्यालले जानकारी दिनु भयो । कार्यक्रमा बुटवल उपहानगरपालिका मुख्य संरक्षक , तिलोत्तमा नगरपालिका, देवदह , सिद्धार्थ नगर नगरपालिका र कञ्चन गाउँपालिकाको सहकार्यमा हुने छ ।
१४ टीमका बिचमा हुने प्रतिस्प्रर्धामा यसोदा फुड्स प्रालि मुख्य प्रयोजक,अन्नपूर्ण एग्रो इन्टष्ट्रिज प्रालि, अर्घाखाँची सिमेन्ट लिमिटेड प्रायोजक रहेका छन । प्रतियोगिता बिहान १० बजेबाट सुरु हुने छ ।
जसको वरिष्ठ उपाध्यक्षमा नारायण बहादुर थापा, उपाध्यक्ष (थोक) मा कृष्ण प्रसाद शर्मा पोखरेल, उपाध्यक्ष (खुद्रा) मा माधव प्रसाद खनाल, महासचिवमा केदारनाथ नेपाल, कोषाध्यक्षमा कपिल ज्ञवाली, सचिवमा उमेशचन्द्र आचार्य र उप–कोषाध्यक्षमा एकादेव बस्याल निर्वाचित भएका छन ।
साथै सदस्यहरूमा गुज्जन ढकाल, दीपक अधिकारी, मुकेश श्रेष्ठ, मोतिलाल खनाल, लेखनाथ न्यौपाने (गणेश), सजना श्रेष्ठ र सुभेच्छा गौतम निर्विरोध निर्वाचित भएको निर्वाचन अधिकृत अधिवक्ता कृष्ण घिमिरे गाउँलेले बताए ।
अनेरास्ववियु रुपन्देहीका अध्यक्ष अर्जुन गैरहेको नेतृत्वमा सचिव सरोज खनाल, पूर्ण रोका र बुटवल बहुमुखी क्याम्पस कमिटीका अध्यक्ष शशाङ्क बस्यालसहितको टोली राहत सामग्री लिएर रसुवागढीतर्फ प्रस्थान गरेको छ ।
बाढी तथा पहिरोका कारण जनजीवन प्रभावित भएका परिवारलाई दैनिक उपभोगमा आवश्यक पर्ने सामग्री तत्काल उपलब्ध गराउने उद्देश्यले राहत सङ्कलन गरिएको अनेरास्ववियु रुपन्देहीले जनाएको छ । सङ्कलित राहतमा चामल, दाल, तेललगायत खाद्यान्न सामग्रीका साथै लत्ताकपडा र सरसफाइका सामग्री छन् ।
त्यसैगरी, महिलाका लागि आवश्यक पर्ने सेनेटरी प्याडलगायत स्वास्थ्यजन्य सामग्री तथा बालबालिकाका लागि आवश्यक कपडासमेत राहत सामग्रीमा समावेश गरिएको छ । विपत्का बेला खाद्यान्नसँगै स्वास्थ्य, सरसफाइ तथा बालबालिकाको आवश्यकतालाई समेत ध्यान दिएर सामग्री सङ्कलन गरिएको अनेरास्ववियुले जनाएको छ ।
राहत सामग्री प्रभावित क्षेत्रमा पु¥याएर स्थानीय तह तथा अन्य निकायमार्फत मात्र वितरण गर्नेभन्दा प्रभावित परिवारको वास्तविक अवस्था पहिचान गरी प्रत्यक्ष रूपमा पीडितलाई हस्तान्तरण गर्ने तयारी गरिएको अनेरास्ववियु रुपन्देहीले जनाएको छ । यसबाट राहत सामग्री वास्तविक पीडितसम्म पुग्ने र तत्काल आवश्यक पर्ने सामग्री उपलब्ध गराउन सहयोग पुग्ने अपेक्षा गरिएको छ ।
अनेरास्ववियु रुपन्देहीका अध्यक्ष गैरेको नेतृत्वमा गएको टोलीले प्रभावित क्षेत्रका नागरिकसँग प्रत्यक्ष भेट गरी उनीहरूको अवस्थाबारे जानकारीसमेत लिने जनाएको छ । राहत वितरणसँगै बाढीका कारण विस्थापित तथा प्रभावित परिवारलाई आवश्यक सहयोगका विषयमा स्थानीयस्तरमा जानकारी सङ्कलन गर्ने तयारीसमेत गरिएको छ ।
विपत्का समयमा पीडित नागरिकलाई सहयोग गर्नु सामाजिक दायित्व भएको भन्दै अनेरास्ववियुले राहत अभियान सञ्चालन गरेको जनाएको छ । विद्यार्थी तथा युवाको सहभागितामा सङ्कलन गरिएको राहतले बाढी प्रभावित परिवारलाई केही हदसम्म भए पनि तत्काल राहत पुग्ने अपेक्षा गरिएको छ ।
भोटेकोशी क्षेत्रमा आएको बाढीका कारण स्थानीयको घर, व्यवसाय, सडक तथा अन्य भौतिक संरचनामा क्षति पुगेको छ । बाढीपछि प्रभावित क्षेत्रमा खाद्यान्न, लत्ताकपडा, स्वास्थ्य तथा सरसफाइका सामग्रीको आवश्यकता बढेको छ । विशेषगरी महिला तथा बालबालिकाका लागि आवश्यक सामग्रीको अभाव हुन सक्ने भएकाले राहतमा त्यस्ता सामग्रीलाई समेत प्राथमिकता दिइएको अनेरास्ववियुले जनाएको छ ।
राहत सामग्री लिएर गएको टोलीले प्रभावित परिवारको आवश्यकता बुझेर थप सहयोगका लागि समेत पहल गर्ने जनाएको छ । अनेरास्ववियु रुपन्देहीले विपद्का बेला पीडित नागरिकलाई सहयोग गर्न विद्यार्थी तथा युवाको सामाजिक सहभागिता आवश्यक रहेको बताउँदै आगामी दिनमा पनि आवश्यकताअनुसार सहयोग जारी राख्ने जनाएको छ ।
बुटवल उपमहानगरपालिका–६ स्थित कृषि उपज थोक बजार केन्द्रमा ल्याइएको ५० किलो डल्ले खुर्सानी परीक्षण गर्दा विषादी भेटिएको विषादी अवशेष द्रुत विश्लेषण प्रयोगशाला एकाइ बुटवलका नायब प्राविधिक सहायक राजीव भण्डारीले जानकारी दिए।
विषादीयुक्त उक्त खुर्सानीलाइ बुटवल उपमहानगरपालिकासँग समन्वय गरी डम्पिङ साइटमा लगेर खाल्डो खनी नष्ट गरिएको छ ।
उनका अनुसार तरकारीमा अर्गानोफस्फेट समूहको विषादीको मात्रा ३५ प्रतिशतभन्दा बढी देखिएमा तत्काल उपभोग गर्न नमिल्ने हुन्छ। ३५ देखि ४५ प्रतिशतसम्म विषादी देखिएको अवस्थामा केही दिन क्वारेन्टाइनमा राखी पुनः परीक्षण गरिन्छ। पुनः परीक्षण गर्दा विषादीको मात्रा ३५ प्रतिशतभन्दा कम देखिएमा मात्र उपभोग गर्न योग्य मानिन्छ। तर ४५ प्रतिशतभन्दा बढी विषादी देखिएमा त्यस्तो तरकारी नष्ट गर्नुपर्ने प्रावधान रहेको उनले बताए।
बुटवल कृषि उपज थोक बजार केन्द्रमा दैनिक रूपमा बिक्रीका लागि आउने फलफूल तथा तरकारीमा विषादी अवशेष परीक्षण हुँदै आएको छ।
स्वतन्त्र नागरिक समूहको आयोजना तथा सिमली फाउन्डेसन नेपालको सह–आयोजनामा सम्पन्न कार्यक्रममा अम्बा, टाँकी, टिक, सलिफा, चिउरी लगायत सयभन्दा बढी विभिन्न प्रजातिका बिरुवा रोपिएको आयोजकले जनाएको छ।
वृक्षारोपण कार्यक्रममा इलाका प्रहरी कार्यालय बुटवलका प्रमुख प्रहरी नायब उपरीक्षक निशान्त श्रीवास्तव, नेपाल सरकारका पूर्व उपसचिव, रोटरी क्लब अफ लुम्बिनीका चार्टर प्रेसिडेन्ट, सामाजिक अभियन्ता, बुद्धिजीवी, विभिन्न संघसंस्थाका प्रतिनिधि, युवा तथा स्थानीयवासीहरूको उल्लेखनीय सहभागिता रहेको थियो।
कार्यक्रमलाई सम्बोधन गर्दै सिमली फाउन्डेसन नेपालका कार्यकारी निर्देशक डा. शिशिर अर्यालले वृक्षारोपणले वातावरण संरक्षण, हरियाली प्रवर्द्धन तथा जैविक विविधताको संरक्षणमा महत्वपूर्ण योगदान पुग्ने विश्वास व्यक्त गरे। उनले वातावरणीय सन्तुलन कायम राख्न, हरित क्षेत्र विस्तार गर्न तथा आगामी पुस्तालाई स्वच्छ र स्वस्थ वातावरण हस्तान्तरण गर्ने उद्देश्यले वृक्षारोपण कार्यक्रम आयोजना गरिएको बताए।
डा. अर्यालले सिमली फाउन्डेसन नेपालले यसअघि पनि करिब आधा दर्जन विद्यालयमा अक्षयकोष स्थापना गरिसकेको जानकारी दिँदै आफूले आर्जन गर्ने आम्दानीको १५ प्रतिशत सामाजिक सेवामूलक कार्यमा खर्च गर्दै आएको उल्लेख गरे। शिक्षा, वातावरण संरक्षण र सामाजिक उत्तरदायित्वका क्षेत्रमा फाउन्डेसनले निरन्तर काम गर्दै आएको उनले बताए।
कार्यक्रमका प्रमुख अतिथि इलाका प्रहरी कार्यालय बुटवलका प्रमुख प्रहरी नायब उपरीक्षक निशान्त श्रीवास्तवले जन्मदिन, विवाह वर्षगाँठ तथा अन्य विशेष अवसरहरूमा कम्तीमा एउटा बिरुवा रोप्ने र त्यसको संरक्षण गर्ने संस्कारको विकास गर्नुपर्नेमा जोड दिए। उनले वृक्षारोपण मात्र गरेर दायित्व पूरा नहुने उल्लेख गर्दै रोपिएका बिरुवाको नियमित संरक्षण, स्याहार–सम्भार र हुर्काउने जिम्मेवारीमा सबैको सक्रिय सहभागिता आवश्यक रहेको बताए।
कार्यक्रममा सहभागीहरूले वातावरण संरक्षणका लागि सामूहिक प्रयास अपरिहार्य रहेको उल्लेख गर्दै यस्ता अभियानलाई निरन्तरता दिनुपर्ने धारणा राखेका थिए। आयोजकका अनुसार वृक्षारोपण अभियानले स्थानीय क्षेत्रमा हरियाली वृद्धि गर्नुका साथै वातावरणीय सन्तुलन कायम राख्न दीर्घकालीन योगदान पुग्ने अपेक्षा गरिएको छ।
]]>
बिहीबार बुटवलमा आयोजित पत्रकार सम्मेलनमार्फत पार्टीले स्थानीय तहदेखि समुदायस्तरसम्म नागरिकको सक्रिय सहभागितामा श्रम अभियान सञ्चालन गरिने जनाएको हो। अभियानमार्फत श्रमको सम्मान, सामूहिक सहभागिता र सामाजिक रूपान्तरणलाई प्राथमिकतामा राखिने पार्टीको भनाइ छ।
पत्रकार सम्मेलनमा बोल्दै लुम्बिनी प्रदेश अध्यक्ष तुलबिर दर्लामीले श्रम संस्कृतिलाई समाजको आधारभूत मूल्यका रूपमा स्थापित गर्न प्रदेशभर अभियान विस्तार गरिने बताए। उनले अभियानमा आम नागरिकलाई सक्रिय रूपमा सहभागी हुन आग्रह गर्दै श्रममार्फत समाज परिवर्तन सम्भव रहेको धारणा व्यक्त गरे।
दर्लामीले श्रम अभियन्ता हर्क साम्पाङको नाम र सालिकसहित ‘हर्क साम्पाङ श्रम पार्क’ निर्माण गर्ने योजना अघि सारिएको जानकारी दिए। साथै, श्रमसँग सम्बन्धित संग्रहालय तथा वृद्धाश्रम स्थापना गर्ने योजना पनि पार्टीले अघि बढाएको उनले बताए।
कार्यक्रममा लुम्बिनी प्रदेशका प्रवक्ता गोबिन्द गिरिले वर्तमान सरकारले अघिल्ला सरकारहरूको तुलनामा केही सकारात्मक कामको सुरुवात गरेको उल्लेख गर्दै जनताको अपेक्षा पूरा गर्न अझ धेरै काम गर्न आवश्यक रहेको बताए।
यस्तै, संगठन विभाग प्रमुख नगेन्द्रराज श्रीनेतले श्रम संस्कृतिको विकासले समाजमा आत्मनिर्भरता, अनुशासन, सहकार्य र सकारात्मक परिवर्तनको वातावरण सिर्जना हुने विश्वास व्यक्त गरे।
लुम्बिनी प्रदेश सचिव केबी रानाले पार्टीको संगठन विस्तारसँगै श्रम अभियानलाई प्रभावकारी रूपमा सञ्चालन गरिने र प्रदेशका विभिन्न जिल्लामा जनसहभागितामूलक कार्यक्रम सञ्चालन गरिने जानकारी दिए।
]]>
मुक्तिधाम टोल विकास संस्था अन्तर्गत रहेको हरिहर मन्दिर, मुक्तिघाट (कर्साघाट) क्षेत्रमा रोटरी क्लब अफ बुटवलसहित रोट्याक्ट, ईन्ट्याक्ट गरि एक दर्जन क्लबहरुको संयुक्त वृक्षारोपण कार्यक्रममा १ हजार ५ सय बिरुवा रोपिएको हो ।
रोटरी इन्टरनेशनल डिष्ट्रिक ३२९२ को १ लाख वृक्षारोपण गर्ने लक्ष्य अनुसार क्लबबाट सो क्षेत्रमा विरुवा रोप्नुका साथै संरक्षणको अभियान समेत अघि बढाउने क्लबका अध्यक्ष यदुनाथ पाण्डेले बताए । करीब २ बिगाहा क्षेत्रमा रहेको मुक्तिघाटको नदीउकास क्षेत्रमा आर्कषक रोटरी पार्कको अवधारणा अघि बढाउने क्लबको तयारी रहेको उनले बताए ।
कार्यक्रममा बुटवल उपमहानगरपालिकाका नगरप्रमुख खेलराज पाण्डेयले गाउपालिका हुदै उपमहानगरपालिका भएको सो क्षेत्रमा भौतिक विकासको गति लिईरहेको दाबी गरे । नरेनापुर आधारभुत विद्यालयको शैक्षिक विकास, कृषि ब्यवसायीक केन्द्रको निमार्ण, कर्साघाटमा शवदाह गृह निमार्ण, मुक्तिधाम संरक्षणको काम समेत अघि बढेको उनले बताए ।
यसका साथै सबै जाती, धर्म र संस्कृति संरक्षणमा पालिकाबाट योजना अघि बढाएको उनले बताए । क्लबबाट गर्ने हरेक कामलाई दिगो हुने गरि लाग्नुपर्ने सुझाव दिदै उनले हरियाली र पर्यावरणका हिसाबबाट उचित क्षेत्रको छनौट भएको उनले बताए ।
कार्यक्रममा पीडीजी राजेन्द्र प्रसाद ध्वजु रोटरीको सामाजिक कार्यको सात क्षेत्र अन्तरगत वातावरण जस्तो महत्वपूर्ण क्षेत्रमा अहिले क्लबहरुको परियोजना अघि बढेको बताए । यहा गरिएको वृक्षारोपणको कामसंगै क्लबबाट संरक्षणका लागि रोटरीको पहिचान दिने गरि परियोजना तयार गर्न उनले आग्रह गरे ।
कार्यक्रममा बुटवल उपमहानगरपालिकाका प्रवक्ता तथा वडा अध्यक्ष शिव रानाले बुटवलको समग्र विकासमा साझेदारीको महत्वबारे प्रकाश पार्दै स्थानीय सरकार, संघसंस्था र स्थानीयवासीबीचको सहकार्य आवश्यक रहेको बताए ।
उनले विकास निर्माण तथा सामाजिक अभियानलाई प्रभावकारी बनाउन सबै पक्षबीच सहकार्य र समन्वय अपरिहार्य रहेको उल्लेख गरे । बिरुवा रोपेर मात्र वातावरण संरक्षण नहुने भन्दै त्यसको नियमित हेरचाह र संरक्षणमा सबैको साझा जिम्मेवारी आवश्यक रहेको उनले बताए ।
कार्यक्रममा क्लबका एसाइन्मेन्ट एजी ओमप्रकाश जैसी, क्लबका मेन्टर हरि पौडेल, पूर्वअध्यक्ष कृष्ण अर्याल, मुक्तिधाम टोल विकास संस्थाका अध्यक्ष प्रेम प्रसाद पौडेल र सचिव दिवाकर घिमिरेले वातावरण जोगाउने गरि रोटरी ईन्टरनेशनलको लक्ष्य अनुसार वृक्षारोपण र यसको संरक्षणको कामलाई सार्थक बनाउने गरि लाग्नुपर्ने बताए ।
आईतबार अमला, तेजपत्ता, कदम, पलास, निम, मोरंङा, अम्बा, कटहर, चिउरी, बाससहित विभिन्न बिरुवाहरु वृक्षारोपण गरिएको सर्भिस प्रोजेक्ट डाईरेक्टर तथा कार्यक्रम संयोजक रोहिनी श्रेष्ठले बताईन । रोटरी क्लब अफ बुटवलले वातावरण संरक्षण, हरियाली प्रवद्र्धन तथा सार्वजनिक क्षेत्रलाई आकर्षक र वातावरणमैत्री बनाउने उद्देश्यसहित आगामी दिनमा पनि वृक्षारोपण तथा संरक्षणका कार्यक्रमलाई निरन्तरता दिने जनाएको छ ।
]]>
शनिबार बुटवलमा आयोजित पत्रकार सम्मेलनमा फुलबारी गाइज बुटवलका अध्यक्ष तेजु राना मगरले युवाहरूको क्षमता विकास, स्थानीय खेल प्रतिभाको पहिचान तथा खेलकुदप्रति आकर्षण बढाउने उद्देश्यले प्रतियोगिता आयोजना गरिएको जानकारी दिए। उनले खेलकुद मनोरञ्जनको माध्यम मात्र नभई अनुशासन, नेतृत्व क्षमता र सामाजिक एकताको आधारसमेत भएको बताए।
फुलबारी गाइजले यसअघि तीन संस्करणका फुटसल प्रतियोगिता सफलतापूर्वक सम्पन्न गरिसकेको छ। पहिलो संस्करणमा ५० हजार रुपैयाँ पुरस्कार राशिबाट सुरु भएको प्रतियोगिता दोस्रो संस्करणमा ७५ हजार रुपैयाँ र तेस्रो संस्करणमा १ लाख रुपैयाँ पुरस्कार राशिसहित आयोजना गरिएको थियो।
खेल संयोजक सरोज दर्लामीका अनुसार अहिलेको चौथो सस्करणको विजेताले १ लाख २५ हजार रुपैयाँ तथा उपविजेताले ६० हजार रुपैयाँ नगद पुरस्कार प्राप्त गर्नेछन्। प्रतियोगितामा २२ टोलीको सहभागिता रहनेछ।
त्यसैगरी, सर्वोत्कृष्ट खेलाडीलाई नगद १० हजार रुपैयाँसहित कप प्रदान गरिनेछ भने उत्कृष्ट गोलकिपर र सर्वाधिक गोलकर्ता, हाई स्कोरर लाई जनही ५ हजार रुपैयाँ नगद तथा कपबाट सम्मान गरिनेछ।
कार्यक्रममा बुटवल उपमहानगरपालिकाका प्रवक्ता शिव रानाले फुलबारी गाइजले खेलकुदसँगै शिक्षा, स्वास्थ्य, वातावरण संरक्षण, सरसफाइ अभियान, जनचेतनामूलक कार्यक्रम, रक्तदान तथा वृक्षारोपणलगायत सामाजिक क्षेत्रमा उल्लेखनीय योगदान पुर्याउँदै आएको बताए।
पत्रकार सम्मेलनमा संस्थाका वरिष्ठ सल्लाहकार हसन्त लामा, लाफा समूहका अध्यक्ष बबिन थापा तथा दिनेश थापाले प्रतियोगिताको सफलताको शुभकामना व्यक्त गरेका थिए।
]]>
शनिबार बुटवलमा भएको अधिवेसनबाट महासंघको उपाध्यक्ष भुन बहादुर कुवर मगर, सचिव काशीराम पोखरेल, कोषाध्यक्ष अग्नी कुमार अग्रहरी तथा सदस्यहरुमा मदन कृष्ण आचार्य, सन्दिप ढुगाना सर्वसम्मत निर्वाचित भएका प्रमुख निर्वाचन अधिकृत ओम बहादुर बस्नेत छन।
कार्यक्रमको एक समारोहका बिच नेपाल फर्निचर तथा फर्निसिङ ब्यवसायी महासंघका केन्द्रिय अध्यक्ष राजेश कुमार अग्रवालले उद्घाटन गर्दै सागठनिक रुपमा सबल बनाउने र प्रदेश संरचनालाई स्वयक्त बनाउने गरि विधान संसोधनको प्रक्रियामा रहेको बताए। संघको आवश्यकता किन छ भन्ने बुझाउदै बढिभन्दा बढि जिल्लालाई समेट्न उनले आग्रह गरे।
कार्यक्रममा केन्द्रिय महासचिव सुबेन्द्र जोशीले सदस्य बिस्तार गर्दै संस्थालाई थप बलियो बनाउने गरि अघि बढेको बताए। सदस्यहरुको समस्या समाधानका लागि केन्द्रस्तरमा निरन्तर पहल भैरहेको उनले बताए।
कार्यक्रममा बुटवल फर्निचर उद्योग संघका पूर्व अध्यक्ष विष्णु कुमार श्रेष्ठले संस्था स्थापनादेखि निरन्तरता दिन चुनौती रहेको अनुभव सुनाए। संस्थामा अहिले उद्योग र ब्यापार दुबै किसिमका सदस्यहरु रहेको भन्दै पहिचानको समस्या अौल्याए। नया टिम नेतृत्व गर्ने र योगदान दिने गरि आउन समेत उनले आग्रह गरे।
कार्यक्रममा फर्निचर उद्योग संघ रुपन्देहीका अध्यक्ष जिवकान्त काफ्लेले ८० प्रतिशत स्वदेशी कच्चा पदार्थबाट चल्ने उद्योग धरासाही हुने अवस्थामा पुगेको बताए। सरोकारवाला निकायहरुलाई यस विषयमा राम्रो ज्ञान भएपनि आवश्यक पहल नभएको उनले दुखेसो गरे। रुपन्देहीमा फर्निचर मेलाको तयारीमा रहेको भन्दै यसमा सबैको साथ र सहयोग जरुरी रहेको उनले बताए।
कार्यक्रममा महासंघका वरिष्ठ उपाध्यक्ष ओम बहादुर बस्नेत, कोषाध्यक्ष अशोक कुँवर, सहकोषाध्यक्ष कृष्ण न्यौपाने, पूर्व केन्द्रिय सदस्य सावित्रा टण्डन, पत्रकार सुमन अधिकारीले शुभकामना दिए।
प्रदेश अध्यक्ष सुरेन्द्र ज्ञवालीले आफुहरु लामोसमयदेखि नितिगत र ब्यवहारिक समस्याको कारण समस्या भोग्नुपरेको दुखेसो गरे। स्वदेशकै कच्चा पदार्थ कुहिने अवस्था र अरबौको काठ र काठजन्य पदार्थ भित्रिरहेको उनले बताउदै नितिगत रुपमा पहल जरुरी रहेको बताए।
फर्निचर उद्योगको बिस्तार, विकासमा समेत कठिनाई रहेको हुदा प्रत्येक प्रदेशमा फर्निचर ग्रामको पहल गर्न उनले आग्रह गरे।
कम्पनीका अनुसार नेपालमा प्रोटोन ब्रान्डको दोस्रो विद्युतीय सवारीका रूपमा ल्याइएको इ.मास ५ सहरी जीवनशैली तथा दैनिक यात्रालाई थप सहज, स्मार्ट र आधुनिक बनाउने उद्देश्यका साथ बजारमा ल्याइएको हो ।
हालै मलेसियामा आयोजित ‘अलायन्ज डीएसएफ भेहिकल अफ द इयर अवार्ड-२०२६’ मा ‘इलेक्ट्रिक कम्प्याक्ट भेहिकल अफ द इयर-२०२६’ उपाधि जित्न सफल इ.मास ५ अत्याधुनिक प्रविधि, स्मार्ट सुविधा र आकर्षक डिजाइनले सुसज्जित रहेको कम्पनीले जनाएको छ ।
यसमा १४.६ इन्चको स्पर्श-संवेदनशील सूचना तथा मनोरञ्जन प्रणाली, ताररहित एप्पल कारप्ले र एन्ड्रोइड अटो सुविधा उपलब्ध छ । साथै, ७० लिटर क्षमताको अगाडिको सामान राख्ने स्थान (फ्रङ्क), ३७५ लिटरसम्म विस्तार गर्न सकिने पछाडिको सामान राख्ने भाग तथा ३२ वटा सामान राख्ने छुट्टाछुट्टै स्थान रहेको व्यावहारिक डिजाइनले दैनिक प्रयोगदेखि लामो दूरीको यात्रासम्म सहज अनुभव प्रदान गर्ने कम्पनीको दाबी छ ।
सार्वजनिककरण कार्यक्रममा रुपन्देही उद्योग संघका अध्यक्ष कृष्णप्रसाद पराजुली, जगदम्बा अटोमोबाइल्सका वरिष्ठ महाप्रबन्धक सुशील क्षेत्री तथा बालाजी अटोमोबाइल्सका विशाल जैसवाललगायतको उपस्थिति रहेको थियो ।
प्रोटोन इ.मास ५ प्राइम र प्रिमियम गरी दुई संस्करणमा उपलब्ध छ । विशेष प्रारम्भिक अफरअन्तर्गत प्राइम संस्करणको मूल्य ३२ लाख र प्रिमियम संस्करणको मूल्य ३६ लाख रुपैयाँ निर्धारण गरिएको कम्पनीले जनाएको छ ।
इच्छुक ग्राहकले अब बुटवलस्थित प्रोटोनको आधिकारिक प्रदर्शन कक्ष (सोरुम) मा पुगेर गाडीको प्रत्यक्ष अवलोकन, परीक्षणात्मक सवारी (टेस्ट ड्राइभ) तथा यसको आधुनिक प्रविधि र सुविधाको अनुभव लिन सक्नेछन् । साथै, सीमित अवधिसम्म लागू हुने विशेष प्रारम्भिक मूल्यमा बुकिङ (अग्रिम नाम दर्ता) समेत खुला रहेको कम्पनीले जनाएको छ ।
]]>