Дајмонд Мол освои две европски награди на Unicorn Awards 2026, едно од водечките европски натпреварувања во индустријата за настани и маркетинг, кое на 7 и 8 септември се одржа во Љубљана, Словенија. Проектот на Дајмонд Мол „Две години сјај – на хуманоста и нема крај“ ја освои првата награда од жирито за најдобар проект во категоријата „Проекти од општествена одговорност“, како и специјалната награда од жирито и публиката.
Ова се првите европски признанија за проектот, кој претходно ја освои и BEAM наградата за најдобар хуманитарен настан во Македонија за 2025 година, со што неговата вредност и општествено влијание сега добиваат потврда и на меѓународно ниво.

Наградениот проект беше реализиран по повод вториот роденден на Дајмонд Мол, во партнерство со ЈП „Лајка“, при што во текот на една недела роденденската прослава беше претворена во заедничка хуманитарна мисија посветена на бездомните животни. Програмата опфати донаторска зона, саем за храна за миленици, бесплатни ветеринарни консултации, ѕид за вдомување, средби со кучиња од прифатилиштето, детски работилници и хуманитарен концерт на кој влезница беше донација на храна за кучиња. Во рамките на иницијативата беа собрани 600 килограми храна за кучиња, беа вдомени повеќе од 10 кучиња, а 10 куќички изработени и насликани за време на детските работилници беа донирани на ЈП „Лајка“. Активностите остварија повеќе од 1,2 милиони прегледи на социјалните мрежи, имаа досег до речиси 600.000 луѓе и поттикнаа поширок јавен интерес за вдомување и одговорна грижа за животните.

„Овие две награди за нас се многу повеќе од меѓународно признание. Тие се потврда дека проектите кои произлегуваат од искрена желба да се направи нешто добро за заедницата можат да бидат препознаени и меѓу најдобрите европски практики. Особено сме горди што, покрај признанието од стручното жири ја добивме и поддршката од публиката, бидејќи токму луѓето и заедницата се суштината на оваа иницијатива“, изјави Селин Анил Октај, Директор за управување со имот на Лимак Скопје.

Значењето на освоените награди е уште поголемо ако се има предвид силната меѓународна конкуренцијата. Имено, на годинашното јубилејно 15. издание на Unicorn Awards беа пријавени 131 проект од 24 земји, меѓу кои Германија, Норвешка, Италија, Австрија, Португалија, Шведска, Грција, Полска, Унгарија и Словенија. Од пријавените проекти, 105 се пласираа во финалето. Во конкуренцијата беа проекти поврзани со големи светски компании, брендови и меѓународни настани, меѓу кои Ferrari, Coca-Cola, Nespresso, Ikea, Sephora, DM…. како и проекти од рангот на завршната церемонија на Зимските олимписки игри Milano Cortina 2026. Во финалето се пласираа и проекти на дел од водечките европски агенции за маркетинг и организација на настани.
Двете награди претставуваат признание за креативноста, успешната реализација и, пред сè, за мерливото општествено влијание на проектот. Тие се признание и за тимот и партнерите вклучени во неговата реализација, но и дополнителен поттик Дајмонд Мол да продолжи да го развива својот концепт на современ лајф-центар што ги поврзува луѓето и создава позитивни промени во заедницата.

Најголемата библиотека во Истанбул, „Рами“, го освои првото место во категоријата „Проект од големи размери“ на наградите „Green Library Awards 2026“, што ги доделува Меѓународната федерација на библиотечни асоцијации и институции (IFLA). Наградата е признание за исклучителниот проект со кој некогашната воена касарна „Рами“ од XIX век беше трансформирана во современ и климатски отпорен јавен простор, без притоа да го изгуби својот историски идентитет. Признанието, доделено од Секцијата за животна средина, одржливост и библиотеки при IFLA, ги признава библиотеките и проектите што се издвојуваат со лидерство, иновативност и значајно влијание во областа на еколошката одржливост. Резултатите од 11-тото издание на наградите беа објавени во рамки на Светскиот библиотечен и информативен конгрес на IFLA во Бусан, Република Кореја, а „Рами“ се издвои меѓу 62 пријавени проекти од 27 земји.

Изградена во периодот од 1826 до 1828 година, „Рами“ повторно ги отвори вратите во 2023 година, по обемни активности за реставрација, реновирање и адаптација. При трансформацијата бил применет принципот на конзервација и адаптивна повторна употреба, со зачувување на историската архитектура и оригиналните материјали.

Денес, библиотеката располага со 36.000 квадратни метри затворена површина и 4.200 места за седење, а комплексот вклучува дигитална библиотека, библиотеки за млади и возрасни и повеќе специјализирани библиотечни оддели. Одржливоста е интегрирана во секој сегмент од функционирањето на библиотеката. Комплексот располага со 51.000 квадратни метри уредена зелена површина, со 696 дрвја, 99.000 грмушки, еколошко езерце и површини со трска, со што се придонесува за урбаниот биодиверзитет и подобрувањето на локалната микроклима. Собраната дождовница се користи за наводнување на зелените површини и за санитарни потреби, додека LED-осветлувањето, сензорските системи, енергетски ефикасната опрема и соларната енергија придонесуваат за намалување на потрошувачката на енергија. Библиотеката применува и селекција на отпад на изворот, одделно управување со опасен отпад, намалување на пластиката за еднократна употреба и дигитализација на административните процеси.

Во „Рами“ практично се применува холистички пристап, со поврзување на еколошките, социјалните, културните и образовните аспекти. Преку културни програми, обуки, практични работилници и информативни услуги поврзани со животната средина, библиотеката придонесува за развој на климатската писменост и одговара на културните, образовните и уметничките потреби на заедницата. Центарот за пристапни ресурси овозможува библиотечните услуги да бидат достапни за корисници со различни потреби, додека одделението за реставрација „Шифахане“ се грижи за зачувување на ретки ракописи и печатени материјали за идните генерации. Библиотеката работи 24 часа дневно, седум дена во неделата, а во случај на катастрофи служи и како безбедна собирна точка. Благодарение на одржливите практики, „Рами“ стана првата библиотека во Туркије со „Biosphere Sustainable Museum Certification“, како и првата во земјата што ги поседува „Сертификатот за нулта отпад“ и „Сертификатот за зелена енергија“.

Од отворањето во 2023 до крајот на 2025 година, библиотеката ја посетиле повеќе од 8,2 милиони луѓе. Со успешната трансформација, „Рами“ денес е пример како историското наследство, современите библиотечни услуги, заштитата на животната средина и потребите на заедницата можат да се обединат во современ и одржлив јавен простор.

Винарската визба „Тиквеш“ ја потврди својата доминација на меѓународните вински натпревари, овој пат освојувајќи вкупно 15 високи награди на престижните Mundus Vini Summer Tasting 2026 и Citadelles du Vin 2026, меѓу кои и специјални награди за најдобар производител и за најдобри вина од Македонија. Со новите успеси, винарницата уште еднаш докажа дека во земјава има потенцијал за создавање светски брендови кои во силна конкуренција се истакнуваат со своите уникатни вредности.

На Mundus Vini Summer Tasting 2026, „Тиквеш“ освои десет признанија од кои три се исклучително значајни специјални награди. „Тиквеш“ беше прогласен за најдобар производител од Македонија и ги освои наградите за најдобро вино од земјава во категориите бели и црвени вина. Наградата за најдобро бело македонско вино му припадна на Bela Voda White 2025, кое воедно освои и златен медал, додека наградата за најдобро македонско црвено вино му беше доделена на Barovo Red 2022, исто така одликувано со златен медал. Со злато од натпреварот се вратија и Babuna Red 2023, Bela Voda Red 2022, Luda Mara Red Cuvée 2024 и Babuna White 2025.

Со новите успеси, македонската винарница уште еднаш го потврдува препознатливиот карактер на своите вина, кои и во силна меѓународна конкуренција се издвојуваат со својот тероарен потпис, комплексност и моќ. Особена тежина на овие резултати им даваат и строгите правила на Mundus Vini. Согласно пропозициите на натпреварот, со медали може да бидат одликувани најмногу 40 проценти од сите пријавени вина. Во ваква селективна конкуренција, секое признание добива особена вредност, а двете Best of Show признанија за најдобро вино од Македонија и наградата за најдобар производител се издвојуваат како врв на овогодишниот успех.

„Овој успех е силна потврда дека вината што ги создаваме во ,Тиквеш’ се одликуваат со врвен квалитет, автентичност и успешно се издвојуваат и во најсилната меѓународна конкуренција. Особено нè радува што признанијата доаѓаат за вина од наши различни тероари и различни стилови, што покажува дека потенцијалот на македонското лозарство може да даде врвни резултати во широк спектар на вински категории. Наша амбиција е да продолжиме да создаваме вина со препознатлив печат и врвен квалитет, кои со право ќе го претставуваат македонското вино на светската сцена“, изјави Светозар Јаневски, претседател на Управниот одбор на „Тиквеш“.
Одличниот резултат на „Тиквеш“ е потврден и на Citadelles du Vin 2026, каде водечкиот македонски вински бренд освои три златни одликувања. Domaine Lepovo Grand Cuvée 2023 беше одликувано со голем златен медал, а го освои и специјалното признание Prix Special North Macedonia. Со златен медал беа наградени и Barovo Red 2022 и Bela Voda White 2023. На овогодишното издание на Citadelles du Vin учествуваа 369 вина од 16 земји, кои ги оценуваа 45 професионални дегустатори од 19 земји.
Последните награди на Винарската визба „Тиквеш“’ се резултат на континуираниот процес на унапредување на квалитетот, при што сите процеси почнувајќи од одгледување на виновата лоза па се производството на вино, се одвиваат согласно највисоките стандарди.

„Тиквеш“ е единствена винарница во регионот која во континуитет применува иновации, алатки базирани на вештачка интелигенција и воведува дигитализација и зелени технологии. Сите активности се базираат на интегриран научен пристап што ја позиционира винарницата како лидер во современото лозарство и винарство.

ЕОС Матрих Македонија уште еднаш потврдува дека големината на пазарот не е пресудна за извонредноста на резултатите, како и дека континуираниот успех се гради со долгорочна работа, професионалност и постојано унапредување.

Континуитетот во остварувањето силни деловни успеси и амбицијата за постојан раст ја позиционираат ЕОС Матрих Македонија како „скриен шампион“ во рамки на Групацијата. Иако работи на еден од помалите пазари, компанијата со години покажува дека оперативната извонредност, иновациите и претприемачкиот дух можат да создадат влијание што е далеку посилно од големината на самиот пазар.
Едно од клучните, а воедно и најзначајно достигнување во досегашното работење на компанијата е најголемиот откуп на портфолио во историјата на ЕОС Матрих Македонија, при што интегрираниот обем е речиси половина од сите претходно реализирани аквизиции на компанијата. Ова достигнување е резултат на долгорочна работа, континуирано унапредување на процесите, автоматизација, скалабилност и постојано барање поефикасни начини за работење.

Стратешкото значење и успешното работење на ЕОС Матрих Македонија неодамна беа потврдени и со посетата на високото раководство на Групацијата. Во земјава престојуваа Петра Шарнер-Волф, извршна директорка на Otto Group, Марвин Рамке, главен извршен директор на EOS Holding GmbH, како и Карстен Тидоу, одговорен за Источна Европа во EOS Групацијата. Во фокусот беа новите деловни можности и инвестиции, како и начинот на кој автоматизацијата и вештачката интелигенција дополнително го поддржуваат растот на компанијата.
Со повеќегодишно искуство и значајни инвестиции, ЕОС Матрих Македонија е еден од клучните чинители во финансискиот сектор во земјава. Компанијата денес управува со портфолио од 150.000 предмети, од кои над 20 отсто се веќе затворени, додека вкупните инвестиции на македонскиот пазар надминаа 30 милиони евра. Покрај преземањето комплексни портфолија на нефункционални пласмани, компанијата континуирано инвестира во дигитални алатки и напредни ИТ решенија, со што дополнително ја унапредува ефикасноста и квалитетот на своето работење. ЕОС Матрих Македонија од година во година ги унапредува своите деловни процеси, со цел да се создадат нови решенија и да се одговори на идните предизвици на пазарот.

„Тоа што сме помал пазар никогаш не ја ограничи нашата амбиција. Постојано бараме нови начини за раст, иновации и создавање вредност. Неодамнешната посета покажа дека она што го градиме е важно не само за нашиот пазар, туку и за целата EOS Групација“, изјави Катерина Бошевска, главен извршен директор на EOS во Македонија.
Извршната директорка на Otto Group, во својата објава по посетата ја истакна енергијата, експертизата и претприемачкиот дух на тимот во Северна Македонија.

„Силните деловни резултати се градат врз силни партнерства, јасно стратешко размислување и одговорност. Приказната за EOS во Северна Македонија нè потсетува дека одличните резултати не се одредени од големината на пазарот“, нагласи Шарнер-Волф.

Успехот на ЕОС Матрих Македонија беше препознаен и од главниот извршен директор на EOS Holding GmbH, кој посочи дека претприемачкиот дух што го покажува компанијата е пример од кој може да учи целата Групација.
„Годините на постојана енергија, решителност и амбиција ја направија Катерина и нејзиниот тим клучен играч во нашата индустрија во Северна Македонија. Ова уште еднаш покажува дека нашите компании на помалите пазари не се споредни проекти, туку важни двигатели на успехот на целата Групација“, порача Рамке.

Во деловната 2025/26 година, Групацијата EOS реализираше втор највисок обем на инвестиции во својата историја, со вкупно една милијарда евра вложени во портфолија на побарувања. Источна Европа остана еден од клучните двигатели на растот, а во рамки на регионот значајни инвестиции и аквизиции беа реализирани и на помалите пазари.

Во таков контекст, резултатот на ЕОС Матрих Македонија е препознаен и од Групацијата EOS. Компанијата покажува дека и на помал пазар е можно да се даде значаен придонес кон стратегиските цели на голема меѓународна Групација.

Генерале Младићу,
Ви сте своје место у српској историји обезбедили својим патриотизмом и самопожртвовањем.
Генерале, никада нећу заборавити Ваше савете које сте ми давали о томе како треба да се понашам у политици. Тако може да поступа само брат према брату.
Први пут ћу јавно рећи и колико сте волели и поштовали македонски народ. Цео Запад се трудио да то искриви, као што су Хаг и Запад покушавали да Вас представе као ратног злочинца.
Своје борце гледали сте као сопствену децу и увек сте ишли испред њих. Хвала Вама, али и Вашој племенитој породици, која је имала велико срце и која је знала да дочека сваког искреног патриоту.
Када сте Ви у питању, генерале, не смеју да постоје партијске поделе и опредељења. Видим да неки „ваљни“ данас не смеју чак ни да Вам одају поштовање, већ су се сакрили као пацови у своје рупе, да им случајно не би замерио Запад и да не би угрозили своје позиције.
Вечно ћете живети у срцу сваког правог Србина, а Ваша љубав према српском роду преносиће се са генерације на генерацију.
Нека Вам је вечна слава и нека Вас Бог благослови.
Драгиша Милетић

Италијанскиот пливач, Алесио Окипинти, се закити со титулата победник на 39-тиот Охридски пливачки маратон. Денеска, на патеката „Климе Савин“, која се протега од Свети Наум до Охрид и е долга 25 километри, тој ја заврши трката за време од 5 часа, 3 минути и 44 секунди.

Најдобриот македонски пливач во овој настан беше Петар Цеков, кој финишираше како третопласиран.

На целта на Кејот „Македонија“ пливачите беа пречекани од претседателката Гордана Сиљановска-Давкова, која е главен покровител на маратонското настанување.

Наградниот фонд за трката изнесува 15.000 долари и ќе биде распределен за првите тројца натпреварувачи во двете категории.

Жителите на неколку населби во скопскиот регион денеска ќе се соочат со прекин во снабдувањето со електрична енергија поради планирани работи на електродистрибутивната мрежа. Помеѓу 07:55 и 14:55 часот, без струја ќе останат делови од Петровец, како и корисниците во Огњанци, Чојлија, Бадар, Кожле, Катлановско Блаце и неколку други објекти во околината. Во Јурумлери, исто така, ќе има прекини…

На граничните премини Табановце и Богородица, времето на чекање за влез и излез од државата изнесува од 40 минути до еден час. На останатите гранични премини нема подолги задржувања. Оваа информација доаѓа од Автомото сојузот на Македонија, кој исто така известува за зголемен интензитет на сообраќајот.

Хуманоиден робот, развиен од кинеската компанија „Honor“, успеа да истрча 100 метри за само 9,32 секунди, објави кинеската државна телевизија во саботата. На тој начин, постави нов светски рекорд, надминувајќи го постигнувањето на јамајканскиот спринтер Јусеин Болт.

Роботот, именуван „Лајтнинг“, достигна максимална брзина од 14,5 метри во секунда за време на подготвителната трка за вторите Светски игри на хуманоидните роботи, кои се одржаа во Пекинг истата сабота.

Овој резултат го подобри светскиот рекорд на 100 метри за мажи од 9,58 секунди, кој беше поставен од Болт на Светското првенство во атлетика во Берлин во 2009 година.

Лајтнинг, исто така, победи и на 21-километарскиот полумаратон во Пекинг во април оваа година, со време од 50 минути и 26 секунди, што е побрзо од светскиот рекорд поставен од човек.

Висината на роботот при полумаратонот изнесуваше 169 сантиметри, со должина на нозете од 95 сантиметри. По тоа, истражувачите ги продолжија неговите нозе за десет сантиметри, на 1,05 метри, пред почетокот на Светските игри на хуманоидни роботи, информира кинеската телевизија.

Пред споменикот на паднатите борци и жртвите на фашизмот во селото, се собраа бројни жители кои со едноминутно молчење оддадоа почит кон загинатите. Цвеќе положија претставниците на Месната заедница на Леуново.

На 21 август 1943 година, 130 куќи во селото беа целосно запалени, а неколку жители изгубија свои животи. Неколку дена пред тоа, италијанската војска и балистите ги запалија куќите во соседното село Никифорово. После палењето, луѓето се распрснаа по околните села, како што се Маврово, Маврови Анови и Гостивар.

На одбележувањето, присутните ги поздравија Владо Лазарески и Душко Шаревски, кои ги потсетија на трагичните настани од 1943 година и страдањата на жителите во Леуново и околните села.

„Леунчани, ве носи младоста, но во текот на времето секогаш имавте здрав разум и бевте на правата страна на историјата. Овој трагичен настан остави длабоки рани. Не беа само соседствата уништени, туку и душите на семејствата. Сеќавањето на жртвите и нивната борба е обврска за помладите генерации, кои мора да ги почитуваат и пренесуваат историските вредности за страдањата и жртвите за слобода што ги даде населението од овој крај. Леуново му е потребно различно размислување, но пред сè, заедништво и единство за подобра иднина. Други села немаме и не сакаме да имаме – мораме сите да го заштитиме“, беше нагласено во обраќањето.

Запуштената зелена површина на плоштадот „Македонија“ во Скопје наскоро ќе добие нов облик. Во тек се хортикултурни активности кои ќе го збогатат просторот со свежо зеленило. Градоначалникот на Општина Кисела Вода, Орце Ѓорѓиевски, истакна дека главната цел е централниот градски простор да биде поуреден и попривлечен за граѓаните. Паралелно со ова, се работи и на обновување на оштетените површини…

Фестивалот на креативен документарен филм „МакеДокс“ свечено беше отворен на 20-ти август во Куршумли ан, со традиционалниот поздрав од екипата, која ја пречека публиката со кромид во рака. Просторите на Куршумли ан беа преполни со љубители на документарниот филм.

На свеченото отворање, присутните ги поздравија Сара Ферро и Дарко Набаков во име на целата екипа на „МакеДокс“.

– Од 20-ти до 27-ми август сме повторно тука со мотото „Само сонот е стварност“. Можеби звучи како бегство од реалноста, но всушност за нас тоа е токму спротивното. Соништата нè поттикнуваат да ја менуваме реалноста, да создаваме, да откриваме нови поврзувања и да веруваме дека можеме да ги промениме работите. Филмот е токму сон кој некој успеал да го оствари на платното. Оваа година, нашето мото добива и дополнителна вредност. „Само сонот е стварност“ е истоимената книга на една од најистакнатите филмолози, Илинденка Петрушева, наша драга Бабе – рече Набаков, по што Сара Ферро додаде: „Никој случајно не ја нарекува мојата баба Бабе. Тие зборови одразуваат нејзината големина и несебичност во споделувањето на знаењето, особено со млади луѓе кои започнуваат со кариерата во културата и филмот. Бабе беше голем поддржувач на овој фестивал. Нејзината љубов кон културата и филмот е неверојатна и служи како инспирација за сите нас. Иако она сега гледа филмови на некое друго место, вредностите што ни ги остави сигурно ќе продолжат да живеат во нас и да не водат во продолжението на нејзината мисија. Документарниот филм е сведоштво за времето во кое живееме, за луѓето околу нас и за вистините кои наоѓаме, понекогаш токму по гаснењето на светлата и осветлувањето на платното. Нашата мисија е приказните кои ви ги донесуваме да останат достапни за што поголем број на луѓе“, изјави Ферро.

– Фестивалот постои за неговата публика, но постои и благодаряјќи на неа. Дојдете на „МакеДокс“, гледајте документарни филмови, поддржете нè. Во текот на следните осум дена, ви нудиме да заедно сонуваме во Куршумли ан, Сули ан, пред Музејот на Македонија и во дополнителната програма на фестивалот во „Лабораториум“ и Албански театар. Да гледаме филмови. Да разговараме. Не секогаш да се согласуваме. Да откриваме нови луѓе, нови приказни и нови светови. И можеби барем за момент да поверуваме дека нашата реалност може да изгледа малку поинаку – додаде Ферро.

Филмската програма започна со проекција на краткиот филм „Цвеќињата стојат молкум, сведочат“ на Тео Панагопулос и долгометражниот документарец „Кон запад, во Запата“ на Дејвид Бим. Филмот „Кон запад, во Запата“ се фокусира на Ланди и Мерцедес кои се борат да го израснат својот син во мачните услови на економска криза и општествени немири. Нивната приказна е полна со болни разделби и важни одлуки, но и со обидите да ја задржат семејната близина. Филмот е интимен портрет на истрајноста и љубовта во времиња на тешкотии.

Во музичкиот сегмент „Ноќни приказни“, беше изведен проектот „Концертно пијано на Спејс докс едишн“ во соработка со Саша Латука и Емил Петро, а во полноќните часови, диџеј сетот го направи Зоки Бејбе.

Фестивалот „МакеДокс“ ќе се одржува од 20-ти до 27-ми август во Куршумли ан, Музеј на Македонија, Сули ан, „Лабораториум“ и Албански театар во Скопје.

Партнери на „МакеДокс“ се ППФП, МКЦ – Младински културен центар, Кинотека на Република Северна Македонија и фестивалската мрежа „Doc Around Europe“.

Седумнаесеттото издание на „МакеДокс“ е поддржано од Агенцијата за филм на Република Северна Македонија, Програмата МЕДИА на „Креативна Европа“, Институтот „Јунус Емре“ во Скопје, амбасадите на Франција, Шпанија и Италија, Словенечкиот филмски центар, Халк Банка, Скопско смут, Музеј на Македонија, Археолошкиот музеј, Факултетот за ликовни уметности, Едукативниот културен центар „Лабораториум“, Албански театар – Скопје, хотел „Мериот“, кафе и филм „Котур“ и такси „Глобал“.

Медиумски покровители на 17. „МакеДокс“ се Слободен печат, Нова Македонија, МТВ – Прв програмски сервис, МКД.мк, УМНО.мк, СДК.мк, Плус Инфо, Окно, Офф.нет, Е-магазин, Лице в лице, Радио МОФ, Радио Џез ФМ, Радио Канал 103, Радио Антена 5, Радио Бубамара, Лајф Радио, Види Вака, Гледај.мк, Кајгана Медиа, Култура Бета, Трн, Блен.мк, Медуза, Екран.мк и Паноптикум.мк.

Ваш,

МакеДокс

Денес својот роденден го слави Васил Тоциновски, еден од најплодните современи македонски писатели, есеисти, книжевни критичари и преведувачи. Неговото творештво и научен ангажман, кој трае децении, остави значаен белег во македонската култура и книжевност.

Васил Тоциновски е роден на 22 август 1946 година во Стојаково, Гевгелиско. Неговата кариера е исклучително разновидна и опфаќа различни области, вклучувајќи литература, новинарство, телевизиско управување и универзитетска настава.

По завршувањето на Рациновата стипендија, дипломирал на Филолошкиот факултет во Скопје во 1969 година, на групата за Историја на книжевностите на народите од СФРЈ. Постдипломските студии по македонска книжевност ги завршил во 1984 година, а докторска дисертација одбранил во 1989 година со темата „Атанас Раздолов – живот и дело“.

Тој значајно време работел на Телевизија Скопје, дваесет години од 1969 до 1989 година. Бил водител на телевизискиот дневник, уредник, а подоцна и главен уредник на Втората програма од 1981 до 1984 година. Раководел и секторот за училишна и научна програма од 1985 до 1988 година.

Тоциновски, како телевизиски автор, напишал сценарија за околу педесет документарни филмови и серии кои се емитувале на Југословенската радио-телевизија, а остварил и соработки во странство, вклучувајќи земји како Советскиот Сојуз, Италија и Германија.

Од 1989 до 1992 година, Тоциновски бил директор на Институтот за фолклор во Скопје, по што продолжил со научна работа на Институтот за македонска книжевност при Универзитетот „Св. Кирил и Методиј“.

Во својата академска кариера, Тоциновски имал значајно влијание во Хрватска. Како редовен професор на Катедрата за македонски јазик и литература на Филозофскиот факултет во Риека работел од 2008 до пензионирањето во 2014 година.

Тоциновски бил главен уредник на „Современост“, едно од најважните македонски списанија посветени на литературата и културата. Неговиот опус опфаќа поезија, проза, хуморески, раскази за деца и млади, есеи и критики, кои оставија длабок впечаток во литературниот систем.

Меѓу неговите дела се истакнуваат „Тајна во сонот“, „Отворена врата“, „Златокосото дете“ и многу други. Конкретно, неговиот придонес во изучувањето на македонската книжевна историја е особено важен, со бројни студии и монографии.

Тоциновски активно истражува и осветлува значајни аспекти од XX век и периодот помеѓу двете светски војни. Неговиот опус не се ограничува само на македонскиот контекст, туку неговите дела се преведувани на бројни јазици.

Тој е автор на бројни редакции и избори од македонското литературно наследство, а неговите библиографски трудови опфаќаат стотици рецензии и студии за македонски и светски автори.

За својот труд во литературата, Тоциновски е добитник на многу значајни награди, како „Крсте Мисирков“, „Гоце Делчев“, „Златно перо“ и „Струшко слово“, награди кои ја потврдуваат неговата посветеност на македонскиот јазик и култура.

Неговото животно дело служи како пример за долгогодишна преданост кон македонската книжевна традиција, со цел да им ги пренесе вредностите на новите генерации. Редакцијата на „Екран“ му посакува добро здравје и нови литературни успеси.

На 39. Охридски пливачки маратон, денеска во водите на Охридското Езеро, ќе учествуваат 16 маратонци, од кои 11 во машка и 5 во женска конкуренција.

Маратонците од Македонија, Србија, Турција, Канада, Италија, Шпанија, Португалија и Аргентина ќе се натпреваруваат на патеката „Климе Савин“ која е долга 25 километри, од Свети Наум до Градското пристаниште во Охрид.

Меѓу натпреварувачите кои го бранат образот на Македонија се Александар Илиевски, Петар Цеков, Леонид Мишевски и Росана Гошева.

Во машка конкуренција покрај нашите пливачи, ќе настапат и Матеа Видовиќ од Србија, Умит Кемал Џенгиз од Турција, Филип Лакас од Канада, како и Алесио Окипинти и Николо Ричарди од Италија. Од Шпанија ќе учествуваат Енеко Саезмиера и Даниел Понсе Хименез, додека Португалија ќе ја претставува Кристијано Карамело Сантос.

Во женска конкуренција, покрај Гошева, ќе пливаат и Елена Лионело од Италија, Милица Љубисављевиќ од Србија, а од Аргентина ќе учествуваат Рита Ванеса Гарсија и Мајте Ајлен Пука.

Стартот на маратонот е планиран за 11 часот од Свети Наум, а целта е Градското пристаниште во Охрид, што ќе се оствари во времетраење од околу пет часа, зависно од условите на патеката.

Наградниот фонд на годинашниот маратон изнесува 15 илјади долари, а паричните награди ќе бидат распределни за најдобрите пливачи во двете категории.

Покровители на маратонот се Општина Охрид, Министерството за спорт и претседателот на Република Македонија, додека технички организатор е Пливачкиот клуб „Охридски бранови 2008“.

Овој маратон носи долгогодишна традиција, започната во 1950-тите, и е една од најзначајните спортски манифестации во Охрид и Македонија. Првиот маратон на релацијата Горица – Охрид беше одржан во 1954 година, а од 1962 година се исплива подолгата релација Пештани – Струга – Охрид, која е долга 36 километри.

По обновувањето на маратонот во 1992 година, трката се организира на патеката „Климе Савин“, која во почетокот беше долга 30 километри.

Низ годините, маратонецот привлекувал многу познати имиња од светот на маратонското пливање, а рекордер по бројот на победи е Бугаринот Петар Стојчев со 11 триумфи. Првиот македонски победник во современата историја на маратонот е Евгениј Поп Ацев, кој победи на 29. издание во 2015 година, додека во 2016 година триумфираше и Томи Стефановски.

На наша територија во моментот се активни најмалку 20 пожари на отворен простор, од кои 11 се во критична фаза. Ова го соопшти директорот на Дирекцијата за заштита и спасување, Стојанче Ангелов. Тој истакна дека денеска избувнале многу сериозни пожари, а најтешка е ситуацијата во струмичкиот регион. Специфично, најкритичен е пожарот во близина на…

Август во Битола ќе заврши со уникатна музичка вечер, во која 88 клавиши и една виолина ќе создадат ново доживување на класичната музика.

Вечерва, со почеток во 20 часот, во UTOPIA ќе се одржи настанот „88 КЛАВИШИ – UTOPIA ПОСЛЕ МРАК“, каде што пијанистот Арда Мустафаоглу ќе настапи заедно со специјалниот гостин, виолинистот Јаков Ангелов.

Концептот на вечерта е инспириран од самиот инструмент. Пијаното е составено од 88 клавиши – 52 бели и 36 црни, но комбинациите кои може да се создадат со нив се бесконечни.

Мустафаоглу е еден од најинтересните претставници на новата генерација македонски пијанисти. Свири на пијано од шеста година и има освоени бројни први награди и Grand Prix признанија на меѓународни натпревари. Неговото патување во светот на музиката ги опфати и европските сцени, со настапи во Париз, Хамбург, Бон, Верона и Истанбул.

Тој има настапувано со Македонската филхармонија, а своето музичко образование го продолжува во Германија, каде што дополнително го развива својот уметнички талент.

На сцената ќе му се приклучи Јаков Ангелов, македонски виолинист кој својата кариера ја гради во Германија. Како млад музичар, Ангелов се претставувал како солист со Македонската филхармонија, а неговото присуство ќе овозможи уникатна средба помеѓу два различни инструмента и два музички стила.

„88 КЛАВИШИ“ не претставува традиционален концерт во класична концертна сала. Организаторите најавуваат интимна атмосфера, каде што пијаното и музичарите ќе бидат поблиску до публиката, со пригушено светло и ограничен број на места.

Токму таа непосредност е клучен елемент на концептот „UTOPIA ПОСЛЕ МРАК“ – музиката ќе се слуша и доживее одблизу, во простор каде што публиката не е само набљудувач, туку и дел од самата атмосфера.

Влезницата чини 250 денари и вклучува добредојдено пијалок, а бројот на места е ограничен.

Една вечер, 88 клавиши и една виолина – доволно за августот во Битола да заврши со музика која се слуша одблизу.

Во нашата земја е регистриран нов случај на смрт од западнонилска треска, извести денес директорот на Клиниката за инфективни болести, Фадил Цана. Според неговата изјава, станува збор за пациент од 73 години со тешка клиничка слика и низа соодветни придружни заболувања, кои придонеле за неповолен исход. Пациентот беше хоспитализиран 22 дена и од самиот почеток на приемот…

До кој степен сме спремни да се жртвуваме заради другите? И колку долго можеме да опстаеме во врска во која постепено почнуваме да сомневајме во сопствените чувства, спомени и избори?

Токму овие прашања ги разгледува романот „Во август“ од чешкиот автор Јакуб Стањура, кој недавна беше објавен на македонски јазик од издавачката куќа „Антолог“.

Главната протагониска, Даниела, секоја година во август доживува некоја загуба. За разлика од луѓето околу неа, за кои летото е време на радост и безгрижност, август за неа носи болка, анксиозност и сеќавања од минатото. Во нејзината фамилија недостасува искрена комуникација, па Даниела се повлекува во светот на книгите и пишувањето.

Таа со голем ентузијазам студира англиски јазик и книжевност, а по завршувањето на првата година на студиите, го запознава Штепан. Нивната врска на почетокот ѝ изгледа како шанса конечно да избега од сенките на минатото и од тешките августовски периоди.

Но, она што на изгледа како излез од болката, постепено се претвора во нова неизвесност.

Во овој психолошки интензивен роман, Стањура на деликатен начин ја истражува темата на гаслајтингот – форма на манипулација во која постепено се замаглува границата меѓу вистината и илузијата. Жртвата започнува да сомнева во својата перцепција, спомени, одлуки, па дури и во самиот свој разум.

Преку приказната на Даниела, романот го анализира влијанието на блиските луѓе врз нашата самосвест, но и въпросот колку сме спремни да се жртвуваме за да ја задржиме љубовта, врската или надежта дека работите можат да се променат.

„Во август“ е роман кој не прави едноставна поделба на добри и лоши ликови. Наместо тоа, постепено гради психолошка напнатост и го вовлекува читателот во перспективата на Даниела, оставајќи го да се запраша каде завршува нејзината вистина, а каде започнува туѓото влијание.

Објавувањето на книгата на македонски јазик е можност за ова современо чешко литературно дело да допре до нова публика, а истовремено ја отвора темата за разни форми на манипулација во интимните релации – тема која сè почесто се дискутира и надвор од книжевниот контекст.

Книгата е дел од проектот „ЕУрека“, кофинансиран од програмата „Креативна Европа“ на Европската Унија.

Соединетите Американски Држави и Канада не успеаја да постигнат договор за трговија, што би довело до укинување на надоместоците од 50 проценти, кои Вашингтон ги наметнува на одредени канадски производи. Премиерот изјави: „Одлучив да ги прекинам преговорите. Она што го постигнавме не е доволно за да ги исполнат нашите цели во интерес на канадскиот народ. Сите промени што ги направивме во последно време не се во согласност со нашите потреби…”

Тесла најавува јавно лансирање на својот Cybercab во Остин, Тексас. Ова возило, без волан и педали, е дизајнирано за целосно автономно превезување на патници. Компанијата веќе успешно тестира Cybercab во услови без возач на приватни патишта, а исто така се одржани обуки за итните служби во Остин за справување со возилото во вонредни ситуации. Сепак, најголемиот предизвик што стои пред нив е безбедноста…

Од почетокот на годината, повеќе од десет европски земји пријавиле случаи на локално пренесен вирус Западен Нил, што е зголемување во однос на истиот период минатата година, информира Европскиот центар за превенција и контрола на болести. Случаите се забележани во Германија, Франција, Австрија, Шпанија, Грција, Италија, Холандија, Северна Македонија, Романија, Србија и во други земји. Според податоците …

Жешко и сончево, со можни попладневни нестабилности

Денеска нè очекува претежно сончево и многу топло време, со мала до умерена локална облачност. Попладне, особено во планинските предели, ќе има услови за краткотраен пороен дожд и грмежи. Ќе дува слаб до умерен ветер од западен и северозападен правец.

Според Управата за хидрометеоролошки работи (УХМР), максималните дневни температури ќе се искачат до околу 41 степен во Гевгелија и Демир Капија, а само за еден степен пониски се очекуваат во Скопје и Велес.

Во Скопје времето ќе биде сончево и исклучително топло, со мала до умерена облачност. Ќе дува слаб до умерен северозападен ветер.

Од недела следува постепено опаѓање на температурите. Попладневните часови ќе донесат локална нестабилност со пороен дожд, грмежи и засилен ветер. Понекаде се можни поинтензивни непогоди со силен ветер и појава на град.

Во Ликовната галерија на Центарот за култура “Марко Цепенков” во Прилеп, синоќа е отворањето на изложбата “Тивок ритам на формите” од уметницата Милица Алимпиќ Илиќ.

На оваа изложба, уметницата представува дела каде женските фигури се истакнати како главни носители на визуелната и емоционалната нарација.

Отворањето на изложбата го предводеше Бранко Трајкоски, кој истакна дека делата на Милица Алимпиќ Илиќ претставуваат соединение на геометриска апстракција, организам и метафизичко сликарство, комбинирајќи геометриски фигуративен модернизам и современ кубизам со влијанија од арт деко.

„Темата е насочена кон женската енергија, движењето, емоционалната состојба и просторот. Со спојот на сценскиот дизајн, циркусите и геометриската архитектура во позадина, се приближува до духот на руската авангарда. Во некои од сликите, мистериозната перспектива, необичните рамки, прозорците и атмосферата на осаменост и интроспекција наликуваат на амбиентот во делата на Џорџо де Кирико“ – изјави Трајкоски за време на отворањето на изложбата.

Милица Алимпиќ Илиќ е академска уметница од Србија, позната по реализираните бројни изложби и активностите во едукацијата и илустрацијата.

Италијанскиот тенисер Јаник Синер, поради проблеми со десното колено, нема да учествува на Гренд слем турнирот УС Опен. Веста ја сподели преку своите социјални мрежи.

Во последните денови, Синер се подготвуваше во Монте Карло, но неговиот тим процени дека не е доволно подготвен за натпреварувањето.

„Работев напорно со мојот тим и со медицинскиот персонал, но за жал, моравме да донесеме тешка одлука – оваа година нема да настапам на УС Опен“, напиша Синер.

Неговото отсуство ќе биде значителен удар за организаторите, бидејќи Синер беше сметан за еден од главните фаворити за освојување на титулата. Во 2024 година, тој го освои УС Опен, додека минатата година заврши како втор, по поразот во финалето од Карлос Алкараз.