今日最特別的地方係：要用英文教！老師們不忘要同學實踐職業體驗之餘仲要學埋英文，完全充滿效率。 見同學初初入來有些怕羞，仲要有教育局工作人員同場來攝錄，仲仲要加上用英文講書，今日的難度已經唔係要在2小時內做完個班（其實好考功夫控制時間），而係帶出氣氛...... ]]> 今日有20位東華三院馮黃鳳亭中學學生來上職業體驗班，我地一齊做美味又靚的玫瑰花Cupcakes。

今日最特別的地方係：要用英文教！老師們不忘要同學實踐職業體驗之餘仲要學埋英文，完全充滿效率。
見同學初初入來有些怕羞，仲要有教育局工作人員同場來攝錄，仲仲要加上用英文講書，今日的難度已經唔係要在2小時內做完個班（其實好考功夫控制時間），而係帶出氣氛。明明焗Cupcake咁好玩，大家唔開心就浪費了。

正式開波，講完cupcake應該點做之後，Solo校長補個大大笑容，講返一句：「It is easy, simple and fun. Please relax and enjoy, you can start now.」
（大家唔好笑Solo校長D英文，因為之前被學校老師提點一定要講夾返中四學生程度的英文但又唔可以太簡單，好難搞...）
好彩呢句說話之後，大家返自己station開始整cupcake，全部係有講有笑仲會同Solo一齊開玩笑，先放心哂。

Cupcake 同玫瑰花裝飾之外，同學仲預備左一系列職業相關問題，以下係譯中節錄。

問（1）What is your job？
答（1）我地係蛋糕設計師（cake artist），主要工作係幫客人製作自訂主題蛋糕（tailor made cakes），同時亦會開設蛋糕甜品興趣班俾有興趣人士參加。

問（2）How long have you been working here？What are your job duties？
答（2）我地由2013年開始。平日工作除左製作蛋糕甜品及開設蛋糕班，仲需要處理其他商業性質工作，例如聽電話、回覆whatsapp／fb，工場教室清潔、點貨、訂貨、仲有定期交租金、水電等費用。定期仲要出外進修、籌劃新產品。亦會出席同行的聚會（networking）。

問（3）Why are you interested in this field？
答（3）我地之前從事其他行業，工時很長，但滿足感不大。我地本身很喜歡烘焙，也喜歡不同種類的藝術創作，當觀察身邊人烘焙的時候，發覺烘焙確實帶給人很多歡樂。於是我地決定從事這行業，希望自己的專長能帶給大家歡樂。一份工作是否值得做，除了薪金和發展機會之外，滿足感都是考慮因素。這工作亦為我地帶來更高眼界，技術和藝術方面是永無止盡的，實在很有趣，也刺激自己繼續探索不會原地踏步。所以這行業對自己和客人都是雙贏。

問（4）What Difficulties did you encounter in your job？
答（4）我地都遇到一般創業者同樣的問題，就是工作時間長，尤其開業初期，人手和資源有限時，很多工作都由自己一手包辦，難免每天工作12－16小時。旺季期間甚至數天不能回家。最直接影響就是不夠時間休息，進而是各樣身體勞損，但也不能忽視少見家人朋友的影響。朋友少見了，友誼固然難維繫，而家人承受的壓力更大，因為創業有點像大屠殺，很多初創公司不到數年就會淘汰關門，要生存就只有犧牲時間、精神，務求盡快讓公司上軌道，所以家務和家人的事排得很後。這實在要家人極大容忍的體諒，因為他們不是自願選擇成為大屠殺參與者的家屬。
其次的困難就是賺錢的問題。你現在不是在家焗蛋糕，在家焗蛋糕很開心，喜歡怎樣玩都可以。但現在你做的是生意（business）和創業（start up），要每月交租、員工要出薪金，你就要不斷工作，就算病和累也未必能休息。
另外控制情緒（EQ)也很重要，遇上沒禮貌的客人，也要懂得從容面對，也要學懂放下委屈。這行業其實也適合思想開心正面的人，因為經常會接觸客人，不會因為客人一句說話而不高興一整天是很重要。

問（5）Can you share one of your memorable experiences?
答（5）長期低頭工作，我的肩頸很緊張，下班也未必能紓緩。有一晚睡到半夜突然頸抽筋，一抽就痛到要大叫和標眼淚那種，起床也不行，走路也不行。但一想到翌日有很多蛋糕要交，而別人的重要日子訂了蛋糕，不準時交貨是不行的。你或會問，有其他同事可以頂替我的工作嗎？沒有，因為其他同事已經有自己要做的蛋糕，已沒有空容納我的份。於是我唯有食粒必理痛，行幾步路抽一抽筋這樣照舊返工，最多做慢一些，也要趕了急貨先。我記得當天早上開工四、五小時（好痛呀），終於緊急約到物理治療師，於是立即在中午出去醫治，頸終於不抽筋了，下午繼續回公司做蛋糕，一直至晚上12時才下班（病著工作十幾個鐘！）。基本上這行為有點自殺式，因為物理治療師建議我整個下午都要回家休息，因為就算不抽筋也不代表頸已好轉。但真的沒有人能頂上自己的工作，而做蛋糕，應該說短時間內趕很多蛋糕，是極度高強度的辛苦工作，所以有點覺得自己在玩命。但下班時又覺得自己很厲害，因為在生病的時候身體仍然走到那麼遠。這是很深印象的一次。但現在回想實在不想再體驗多一次了，太痛苦了。

問（6）What personal qualities do we need if we want to work in this field?
答（6）我當然可以告訴你應該讀哪些文憑或課程，實在太簡單了，你知道去哪裡讀後、再加上你用功去讀，這行業的專業技術一定會得到，你的工作一定如行雲流水，所以也不是我現在要說的事。文憑及課程的名稱大家有興趣可以下課後再告訴大家。
現在要說的最重要的事，應該是如何令公司一直生存下去，因為現在假設你要進入這職業，除了烘焙，還有很多要兼顧的事，例如如何找更多客人、如何令同樣的產品但唯獨你賺得更多錢、在哪裡宣傳會有更多人看到、如何處理無禮的客人、如何留住好的員工等等。在這短時間內很難完全分享，但對於16歲的你們來說應該大部份人都不知道自己將來要做什麼，我在16歲時也不知道要做什麼，所以我的建議是，現在先做個好奇心旺盛的人。什麼事物也學一些、知道一些，例如去上興趣班。金錢不足也不要緊，不一定要付錢學，可以走過街上見到車，就認識各車的牌子、型號；在公共交通工具上，認一下週圍的街名，家裡有壞掉的電器，在扔掉之前拆開內部看一下，上網看不同事物（記著是有用的事）的片、文章也可以。
以我為例，我當初不明白為何學校要我拿毛筆寫書法，現在卻完全應用到我為曲奇餅和蛋糕提字。而又，在我中五那年互聯網才剛剛興起，突然有一天不知為何我想自己寫網頁，就去書店買書學寫html code。到今天公司的網頁（公司網頁當然不是自己寫的，是找專業公司寫的）在使用時總遇到一些小問題，例如掉了行、圖片大小要調較等，由於我懂html code，我自己打幾段code已經解決了問題不用到處求救。而又，我曾經從事新聞記者，經常在鏡頭前做直播，當時訓練了自己將一些內容在短時間內用簡短的說話講出來，這也幫助了我現在開蛋糕班、對群眾說話時可言簡意核、又不慌不忙的說出來，而不會講到窒窒下。另外我也做過Marketing、PR、報紙的飲食記者...全部經驗都對現在的工作絕對有幫助，很多事自己都懂做，實在為我省回太多的時間和金錢了。這些都是令你成為「全人」，你不做蛋糕師，去做其他行業，打工或創業也好，也幫到你十分多。應用Steve Jobs所講的：「Stay hungry，Stay foolish。」

我地一直忙於出貨、出班，年中無休，直到每年農曆新年我地先會真正休息幾日（其實都唔算真正...新年期間照樣有客人電話／whatsapp查詢，不過我地就一定唔返工場開爐）。放假前大家發哂誓：「如果有客新年期間要蛋糕一定唔接，一定要真正休息！」因為大家確實好疲勞，腰背勞損的更加靠CNY爭取時間休息，整年無去旅行的更加急急腳飛走去放鬆。 但大家暗底都知個誓只係...係咁易發下，更加冇加個「毒」字在前面。前年Solo校長都要年初二返去開爐（上次係一田百貨要幫熊本熊慶祝生日，所以叫我地用熊本熊個頭做生日蛋糕，跟住要生日主角切爛自己個樣）exactly就係初頭話「新年死都唔開工呀」結果因為主題太吸引於是都決定要做。 今年又係發完「誓」之後，又有極吸引主題引誘校長 －－－－－ 做磁浮！幻想到成品太好玩，所以今年又決定破戒新年開爐。邀請大家睇左成品先：]]> 好耐冇update blog，大家豬年快樂。

我地一直忙於出貨、出班，年中無休，直到每年農曆新年我地先會真正休息幾日（其實都唔算真正...新年期間照樣有客人電話／whatsapp查詢，不過我地就一定唔返工場開爐）。放假前大家發哂誓：「如果有客新年期間要蛋糕一定唔接，一定要真正休息！」因為大家確實好疲勞，腰背勞損的更加靠CNY爭取時間休息，整年無去旅行的更加急急腳飛走去放鬆。

但大家暗底都知個誓只係...係咁易發下，更加冇加個「毒」字在前面。前年Solo校長都要年初二返去開爐（上次係一田百貨要幫熊本熊慶祝生日，所以叫我地用熊本熊個頭做生日蛋糕，跟住要生日主角切爛自己個樣）exactly就係初頭話「新年死都唔開工呀」結果因為主題太吸引於是都決定要做。

今年又係發完「誓」之後，又有極吸引主題引誘校長 －－－－－ 做磁浮！幻想到成品太好玩，所以今年又決定破戒新年開爐。邀請大家睇左成品先：

View this post on Instagram

Thank you Solo for this amazing #levitate #cheesecake with #mydoll on it ...my #birthday so special thank you to @junejune_the_fish and @dearyvonneman to organize this #gathering #party

A post shared by Jay De Swan (@jaytjung) on Feb 8, 2019 at 7:20am PST

蛋糕上面的主角係Julien，係一位 Aerial Dance 導師，任何空中運動例如Hoop、Pole、Silk、Flying Fantasy （類似吊威也的舞蹈）佢都樣樣皆精。校長睇過Julien上 2017 Asia's Got Talents 時的表演，其實都幾感動。2019年佢決定留港開設Air Dance Studio，蛋糕就係開張加Julien生日用的。最初對方構思只係在蛋糕上面打印食用Logo就ok，但諗諗下，Julien玩Hoop呢個主題，如果唔趁熱加入磁浮就真係浪費左大好機會了，因為成件事實在太Match，唔係所有主題都o岩玩磁浮但今次真係o岩哂。所以年初三返工做蛋糕都覺得好值，一於玩磁浮！

然後惡夢先開始。首先，新年前要試到磁浮成功先。
搵磁浮device係最花時間同精神，價錢唔平，買左返黎試重量，你知有D國內產品，同你講承重1kg但落到黎其實只承到300g都有，完全唔得。所以中間又要去搵local公司搵device。
然後就要去搵盡量輕身的物料做公仔、金色環，尤其個環，走好多地方搵先搵到咁輕咁幼又係金色的。加上新年前倒數日子先左騰右騰去搵物料，其實時間比平時更趕。
所以單是磁浮公仔一part的製作，就已花了兩星期先完成，係每日兼顧平時出貨同出班之後再花時間研究的，好彩as planned 可以在新年前搞掂，否則成個新年都會發惡夢。不過而家回想，其實玩新野係又累又開心的。

而「非磁浮」那part，即係下面個蛋糕就更加係駕輕就熟，只需要年初三回來開爐就得，的確係抖少左一日。不過老土都係o個句，聽到大家現場大叫蛋糕好靚，真係新年開工都值回票價。

View this post on Instagram

#happybirthday #auroraairdancehk #grandopening #happytojoinyourparty #congratulations #好warm好有愛嘅studio #開張大吉 #祝生意興隆 #集郵是必須的

A post shared by JoEy凱詩 (@hoisze_t) on Feb 8, 2019 at 2:55pm PST

好勤力，CEO一早已經做好artwork，睇埋紙版，一月頭settle好哂，跟住只係等過年前日子收貨。

件事就係冇咁順利......]]> 俾大家睇下，今年CEO親手設計的利是封。

好勤力，CEO一早已經做好artwork，睇埋紙版，一月頭settle好哂，跟住只係等過年前日子收貨。

件事就係冇咁順利，半個月後，即係臨過年前個幾星期，間廠話，唔好意思，搵勻成個倉都唔見有你D利是封，我地應該做漏左。
咁，而家呢刻開機印趕得切嗎？
就係趕唔切，做燙金那位師傅已經一早參與春運呢個動物大遷徒。
咁眼前只有兩條路：（1）過年後補印返俾我地（咁都虧佢講得出） （2）退款
咁都冇得揀，都係退款。
有D野，大吵大鬧都解決唔到，利是封又唔會出返黎，我地都好平靜，但心中嬲嬲地。

最後決定香港印，但貴左，數量少左。
不過效果都唔錯！已經封哂利是喇！

利是封仲有存貨，預埋之後幾年用，睇下黎緊有冇機會派俾你。

客戶服務同事，每日覆的message數量真係好驚人，睇睇張圖，我乜都唔駛講...]]>

客戶服務同事，每日覆的message數量真係好驚人，睇睇張圖，我乜都唔駛講...

然後你都知，因為我地專做tailor made 蛋糕，所以每個蛋糕全部唔同做法，每個客同我地一來一回講好多句 x 好多天，先confirm到一個蛋糕order，可想而知係幾咁長氣。客戶服務同事每日只坐o係度長期打字、聽電話，諗下客人的要求應該點先做到，唔夠一陣又有新客人問新野但係舊客人的問題仲未答哂，如此輪迴，堅係壓力大。

等我地俾D掌聲客戶服務同事。（啪啪啪啪啪）

亦等我地俾D掌聲大家，有時我地回覆得慢，唔係偷懶，而係已經盡力追趕你地個post，謝謝大家耐心等候。