Mendoj se nuk është plotësisht ashtu. Politika shqiptare ka sot nevojë urgjente për një parti të re të qendrës së djathë, në kuptimin e plotë të fjalës: të frymës, organizimit, të objektivave, të programit, te serozitetit, të aleancave të brendshme e të jashtme etj. Gjendja në të cilën ndodhet sot Partia Demokratike e plakut 82-vjeçar Sali Berisha, nuk jep shpresë më për sukses në konkurrencën politike të saj. Kjo duket nga fakti se, megjithëse opozitën e votojnë rreth 700 mijëz njerëz, në sheshin e saj të protestës me zor i katandisen 2000 protestues.

Demokratët e vërtetë pra, e kanë bërë dalje me kohë Berishën dhe familjen e tij politike. Të stërlodhur prej 13 vitesh në opozitë, ata ose rrinë në shtëpi të dëshpëruar ditën e votimit, ose e hedhin votën kot, ku të dalë. Në këto rrethana të humbjes përfundimtare të shpresave te plaku Mere, ata kërkojnë një alternativë të re, edhe pse e krijuar kjo kohë me pare. E kanë kërkuar edhe në këto vitet e fundit me krijimin e disa partive të reja, por këto kanë qëlluar kallpe që në fillimet e tyre dhe nuk japin shpresë për ngritje të mëtejshme.

Pikërisht në këto rrethana të dëshpërimit të thellë të demokratëve nga pamundësia për të riardhur në pushtet, na shfaqet zoti Topi. Rikthimi i tij në “shtëpinë” e dikurshme të politikës se djathe eshte e qarte se nuk është bërë me kokeshkrepjen personale të tij. Ia kanë kërkuar të tjerët, ata qe e kane pare veten te perjashtuar padrejtesisht nga partia, qe të rikthehet edhe nje here në “instikamin” e vjetër, pas një shkëputjeje rreth njëzetëvjeçare, tani me më shumë përvojë politike.

Zoti Topi e ka staturën për të qenë një figurë e kompletuar që mund të mbledhë njerëz pranë partisë ku rikthehet. Me një karrierë të gjatë në politikë, deputet dhe kryetar i grupit parlamentar, president i Republikës, edhe në kohën e “pauzës” së tij 20 – vjecare, nuk ka qenë jashtë politikës. Ka qenë këtu me mendimet dhe opinionet e tij në media për ngjarjet kryesore të ditës. Ai nuk është Profesor Pilinxhi, që zbriti nga qielli me “Benz Mercedes” për të shpëtuar Shqipërinë. Kjo do t’i bëjë shumë demokratë, të lodhur nga dështimet historike te partisë së tyre Demokratike, të shikojnë një shpresë të re në këtë fushë.

Zoti Topi dhe mbështetësit e tij në partinë ku u rikthye e dinë që në Shqipëri egziston sot një segment i gjerë i elektoratit shqiptar që ndihet dhe është faktikisht i papërfaqësuar në institucionet e shtetit shqiptar prej shumë kohësh. Eshtë një fushë e gjerë ku mund të veprojë ajo parti për të mbledhur vota. Premisat objektive për sukses pra janë aty. Është çeshtje e aftësive të tyre subjektive pastaj nëse do të dinë t’i shfrytëzojnë ato premisa.

Kostot e kësaj lëvizjeje të re në politikën e së djathës shqiptare, natyrisht që do t’i paguajë Partia Demokratike, e mbajtur peng prej 36 vjetësh nga Sali Berisha dhe klani i tij në atë parti. Telashi i lëvizjes së fundit te Topit pra, është i asaj partie, ashtu sic jane nje thes me telashe te tjera. Partia e Topit do të “luajë” fort me elektoratin e krahut të djathtë. Terreni për të mbledhur vota është atje. Zgjedhjet lokale jane ne prag, sa per “prove gjenerale” keto. Zoti Topi dhe të tjerë në partine e drejtuar nga zoti Oketa e dinë këtë. Hapësira për kompromis midis tyre dhe Berishës është zero. Të tjerat i dinë vetë ata, se nuk janë axhaminj në politikë.

The post Një telash më shumë për Partinë Demokratike first appeared on AlbTimes.

The post “Ne jemi ‘best friends’”, Françeska Murati flet për herë të parë pas ndarjes nga partneri: Duhemi si shokë, takohemi çdo ditë first appeared on AlbTimes.

Këto masa do të zbatohen vetëm në zonat ku provohet se banesat turistike po rëndojnë krizën e strehimit dhe çmimet. Sipas rregullave të reja, një zonë do të konsiderohet nën presion të lartë kur blerja e një shtëpie kërkon të paktën tetë ose dhjetë vite të ardhurash.

Në këto rajone kritike, qytetet dhe qeveritë do të mund të vendosin kufij për apartamentet turistike apo rregulla më të forta regjistrimi. Megjithatë, Brukseli sqaron se kufizimet nuk do të vendosen automatikisht, por duhet të jenë të argumentuara dhe përkohshme.

Nga ana e saj, platforma Airbnb e ka kundërshtuar këtë qasje, duke pretenduar se shkaku kryesor i krizës mbetet mungesa e ndërtimeve të reja. Përpara se këto ndryshime të kthehen në ligj të detyrueshëm, propozimi duhet të kalojë edhe miratimin zyrtar të Parlamentit Europian.

The post BE, rregulla të reja për “Airbnb”, qytetet mund të kufizojnë qiratë në zonat me krizë strehimi first appeared on AlbTimes.

Deputetet socialiste kanë reaguar ashpër në lidhje me sulmet ndaj koleges së tyre, ngjarje për të cilën kanë kërkuar që të merren sa më shpejt masat e duhura për personat e përfshirë.

Pas kësaj ka reaguar infulencerja Dea Mishel Hoxha, e cila përkrah dy aktivistet duke theksuar se përplasja me Luarasin nuk është sum verbal.

“Iris Luarasi o kurvë. Ky është një shembull i dhunës me bazë gjinore, ose ndryshe antifeminizmit. Të sulmosh një grua në moral, në parim, në dinjitet, në diçka shumë personale.

Nëse do të ishe ofenduar në këtë mënyrë si feministe, do të të mbroja dhe unë. Sulmi verbal që ka ndodhur ndaj teje Iris, është i një natyre tërësisht tjetër.

Ato vajza që të quajnë vegël qeverie dhe hajdute, nuk janë antifeministe. Ato janë dy protestuese të pakënaqura nga qeveria ku ti bën pjesë.

Është e turpshme që një njeri të përdore kauzën e ta shtrembëroje sipas vetes” shprehet Dea Mishel Hoxha në një video-mesazh të shpërndarë në rrjet, pasditen e sotme, një ditë pas incidentit të ndodhur mes Luarasit dhe aktivisteve.

Poshtë postimit të sja të bërë pasditen e sotme Dea Mishel shkruan se video në fjalë shërben si leksion për feminizmin.

“Pak leksion per feminizmin dhe per sigurine e vajzave ne Shqiperi. Cdo vajze duhet te reagoje per kete rrembim dhe dhune qe eshte ushtruar dje nga policia! Eshte e frikshme! Mos u beni feministe sa per klikime! Reagoni kur duhet!”, shkruan influencerja.

The post Iris Luarasi o k*rvë/ Influencerja replikon me deputeten socialiste: Ky do të ishte s*lm, jo ai që thua ti first appeared on AlbTimes.

Ndryshimi në paraqitjen e deputetes së Partisë Socialiste, Zegjine Çaushi, u vu re gjatë seancës së parë të këtij sesioni parlamentar dhe ngjalli diskutime të shumta.

Parukieri dhe make-up artisti Olti Shulla, i cili u kujdes për pamjen e saj, shpjegoi se transformimi është realizuar përmes grimit dhe stilimit të flokëve, duke mohuar çdo ndërhyrje estetike në fytyrën e deputetes.

Sipas Shullës, për sytë është aplikuar një teknikë që i ka dhënë atyre një pamje më të tërhequr dhe formë më këndore.

“U fol shumë për plastikë, ndërhyrje, gjëra të tilla, por nuk ka asgjë”, deklaroi ai.

Për modelimin e flokëve janë përdorur onde, si edhe teknika balayage me nuanca karameli dhe tone të ngrohta. Synimi, sipas parukierit, ishte krijimi i një paraqitjeje më elegante.

“Gjithmonë jemi munduar që ta nxjerrim sa më zonjë në pamje dhe gjithmonë brenda profesionit të saj”, u shpreh Shulla.

Ai shtoi se gjatë punës me deputeten nuk ka vërejtur shenja të ndonjë ndërhyrjeje estetike në fytyrën e saj.

“Nëse do të kishte ndërhyrje, do të kishte ndryshuar shumë. Me aq sa e kam trukuar, nuk kam parë ndërhyrje në fytyrën e saj”, tha Olti Shulla.

The post Olti Shulla sqaron ndryshimin në pamjen e Zegjine Çaushit: Nuk ka pasur ndërhyrje estetike first appeared on AlbTimes.

Evan Hubinger, i cili punon për përshtatjen e sistemeve të avancuara të inteligjencës artificiale me interesat njerëzore, bëri këtë vlerësim pasi kolegu i tij në Anthropic, Jacob Coxon, dha dorëheqjen për shkak të frikës se kompanitë kryesore të teknologjisë po garojnë drejt sistemeve që mund të mos jenë në gjendje t’i mbajnë nën kontroll.

“Ne vërtet besojmë seriozisht se inteligjenca artificiale mund të vrasë të gjithë njerëzimin”, shkroi Hubinger në X të mërkurën. “Personalisht, mendoj se ka më shumë se 10% gjasa që kjo të ndodhë brenda dekadës së ardhshme.” Ai shtoi se Anthropic po “bën më të mirën”, por ende nuk ka një plan për kontrollin e sigurt të superinteligjencës dhe “nuk është qartësisht në rrugën e duhur” për të gjetur një të tillë.

Hubinger theksoi se, ndërsa modelet aktuale të inteligjencës artificiale paraqesin rrezik të ulët, ekziston shqetësimi se sistemet e ardhshme mund të fillojnë të përmirësojnë veten në mënyrë rekursive, duke u bërë me shpejtësi më të afta se njerëzit, përpara se të zhvillohen masat e nevojshme mbrojtëse.

Coxon, i cili më parë ka punuar në OpenAI, njoftoi largimin e tij nga Anthropic të martën, duke akuzuar të dyja kompanitë se po injorojnë “pasojat që prekin qytetërimin” dhe se “po garojnë drejt superinteligjencës që përmirëson veten dhe po luajnë bixhoz me jetët tona”.

“Njerëzit që po ndërtojnë inteligjencën artificiale besojnë seriozisht se ajo mund të na vrasë të gjithëve deri në fund të dekadës”, shkroi ai, duke këmbëngulur se paralajmërimet “nuk janë një truk marketingu”.

Coxon i tha Wall Street Journal se, në skenarët më agresivë, situata mund të dalë “jashtë kontrollit” që në fund të vitit 2027. Ai argumentoi se edhe kompanitë me programe të forta sigurie mbeten të bllokuara në një garë, pasi kanë frikë se konkurrentët do të ecin përpara nëse ato ngadalësojnë ritmin.

Si Anthropic, ashtu edhe OpenAI deklarojnë publikisht se i marrin seriozisht rreziqet dhe po investojnë ndjeshëm në masat e sigurisë. Drejtuesit e tyre kanë mbështetur gjithashtu thirrjet për një koordinim më të madh nga qeveritë dhe për mekanizma që do të mundësonin ngadalësimin e zhvillimit, nëse do të ishte e nevojshme. Megjithatë, të dyja kompanitë kanë vijuar të zhvillojnë modele gjithnjë e më të fuqishme.

The post Paralajmërimi i frikshëm: Ka shanse që AI të zhdukë njerëzimin në dekadën e ardhshme first appeared on AlbTimes.

Duke u ndalur te mishi i importuar, Sula tha se është konstatuar një fenomen ku mishi nga vendet e Amerikës Latine kalonte drejt Kosovës dhe më pas rikthehej në Shqipëri.

“Mishi që vjen nga vendet e Amerikës Latine në Shqipëri e ka taksën 15%, ndërsa Kosova e ka pasur 0. Shkonte në drejtim të Kosovës dhe kthehej si mish nga Kosova, ndërkohë që shitej në tregun shqiptar”, tha Sula.

Ai deklaroi se për këtë çështje janë shtuar kontrollet në pikat doganore dhe janë larguar inspektorë që, sipas tij, bashkëpunonin apo kishin marrëdhënie me subjekte të caktuara. Sula bëri të ditur gjithashtu se më 3 shtator është ndaluar mish i ardhur nga Brazili për shkak të riskut.

Kryeinspektori foli edhe për misrin me aflatoksinë, duke deklaruar se janë larguar nëntë inspektorë pas rasteve të konstatuara në pikën doganore të Hanit të Hotit.

Për karburantet, Sula tha se qëllimi i inspektimeve nuk është ndëshkimi i biznesit për shkelje të vogla, por se masat duhet të jenë të menjëhershme kur preket interesi publik.

“Menjëherë reagohet: bllokimi i pikës së karburantit, marrja e mostrave, pezullimi i aktivitetit, deri në heqjen e licencës”, deklaroi ai.

Sula pranoi gjithashtu se integriteti i trupës së inspektimit nuk është në nivelin e duhur, duke thënë se ka inspektorë që favorizojnë subjekte të caktuara. Ai njoftoi se deri në mars 2027 synohet dixhitalizimi i sistemit, ku subjektet do të përzgjidhen për kontroll sipas nivelit të riskut.

Në studio, Sula foli edhe për marrëdhënien me kryeministrin Edi Rama, duke deklaruar se në gjashtë muaj në detyrë ka pasur “zero ndërhyrje” prej tij për favorizimin e ndonjë subjekti. Ai tha se komunikimi mes tyre është thuajse i përditshëm dhe se Rama i përcjell edhe gjatë natës problematikat që merr nga qytetarët. Fati im si kryeinspektor është që kam një mbështetje të jashtëzakonshme nga Kryeministri Edi Rama.

Dashnor Sula: Dihet si funksionojnë gjërat në Shqipëri, presione etj. Para 1 jave kemi pasur një takim me Kryeministrin e Shqipërisë dhe ai ka qenë konkret. I jam drejtuar drejtpërdrejt: 6 muaj në detyrë e kam pasur 0 ndërhyrjen nga Kryeministri i Shqipërisë për të favorizuar ndonjë subjekt, 0. Të njëjtën gjë e kam bërë me kryeinspektorët rajonalë poshtë.

Pra, ky është standardi që duhet të vendoset, se në momentin që fillon ndërhyn Kryeministri te Inspektori i Përgjithshëm, Inspektori i Përgjithshëm ndërhyn te kryeinspektori qendror, kryeinspektori qendror te kryeinspektorët rajonalë, kryeinspektorët rajonalë tek inspektorët, u prish sistemi, u shkatërrua.

Sidorela Gjoni: Më përpara mendonit që Rama kontrollonte çdo gjë?

Dashnor Sula: Jo, nuk e thashë atë, nuk e them dhe nuk e di.

Sidorela Gjoni: Më përpara, më përpara.

Dashnor Sula: Nuk e di absolutisht dhe kam bindjen. Pse? Pse nuk e bën me mua?

Sidorela Gjoni: Të habit kjo gjë?

Dashnor Sula: Jo, nuk më habit. Ka qenë një ndër arsyet pse unë pranova sfidën që më drejtoi Kryeministri i Shqipërisë, që lashë kostumin e politikanit dhe vesha kostumin e nëpunësit të shtetit. Ia kam bërë të qartë Kryeministrit që unë me bashkëpunëtorët e mi do të duhet të punoj ashtu siç duhet, në respektim të ligjit dhe të jem korrekt, do të duhet të kem pavarësinë sipas ligjit. Dhe po ju them që kam komunikim thuajse të përditshëm dhe nuk është se jam nga ata që të bëj me dije mesazhet e Kryeministrit, por mbështetjen që më ka dhënë. Po ju them edhe rastet që Kryeministrit të Shqipërisë i ankohen, normalisht se ka informacion për të gjitha gjërat. Ai menjëherë, nuk kalon gjysmë ore, një orë, reagon dhe pret përgjigje si është zgjidhur problemi dhe kjo është shumë pozitive.

Sidorela Gjoni: Është investuar, do të thuash?

Dashnor Sula: Totalisht, po të them pra. E beson që nuk është turp me ta thënë që më është bërë telefoni duke e mbajtur te veshi. Ai në 12 të natës, 1 të natës, të shkruan për problemet që i çojnë qytetarët dhe unë e vlerësoj maksimalisht. Edhe unë reagimin ndaj qytetarëve e kam të menjëhershëm dhe i japim një zgjidhje çdo problematike që ka qytetari. Pra, është shumë e rëndësishme transparenca.

Sidorela Gjoni: Ke nostalgji për kohën si politikan, si deputet?

Dashnor Sula: Tani, 20 vite në politikë, isha 2005-2025 dhe nuk pretendoj që unë kam bërë “uau” në politikë, por mendoj që kam vendosur 2 tulla, duke filluar nga personaliteti im, integriteti im. Nuk është për t’u mburrur, por unë jam nga politikanët që nuk është përfolur 20 vite për afera korruptive, po 0. Dhe këtë ia kam thënë edhe Kryeministrit të Shqipërisë, po ua deklaroj të gjithë qytetarëve shqiptarë: nëse një i afërm i imi, nëse një person i imi, kushdo qoftë, abuzon, jo të ma provojë, i kam thënë Kryeministrit, por të dyshohet ndaj meje apo bashkëpunëtorëve të mi të afërt, jo iki, por hedh çelësat e largohem. Ky është standardi që duhet të vendosim, ndryshe ne nuk rrisim besimin te qytetarët.

The post Dashnor Sula rrëfen komunikimin me Ramën: Më shkruan në 1-2 të natës first appeared on AlbTimes.

Në një intervistë për Deutsche Welle, ambasadori gjerman në Tiranë, Karl Bergner, vendos theksin te tre çështje të ndjeshme: investimet strategjike, zbatimi real i reformave dhe pavarësia e drejtësisë në luftën kundër korrupsionit.

Teksa qeveria shqiptare synon të përmbyllë kapitujt e negociatave brenda vitit të ardhshëm, diplomati gjerman e bën të qartë se shpejtësia e procesit do të varet nga gatishmëria e Shqipërisë për të ndërmarrë dhe zbatuar reforma, përfshirë ato që prekin interesa të rëndësishme ekonomike.

Një prej shembujve që Bergner veçon është pikërisht ligji për investimet strategjike. Ambasadori kërkon kalimin drejt një ligji të unifikuar për investimet, në vend të skemës aktuale, duke kujtuar se Shqipëria është angazhuar në Agjendën e Reformave ta realizojë këtë ndryshim deri në fund të vitit. Sipas tij, kjo do të garantonte më shumë transparencë dhe kushte të barabarta konkurrence për bizneset.

Por mesazhi më i fortë lidhet me drejtësinë. Në një moment kur marrëdhënia mes politikës dhe institucioneve të drejtësisë vijon të jetë në qendër të debatit publik, ambasadori gjerman e konsideron respektimin e pavarësisë së gjyqësorit dhe luftën e papenguar kundër korrupsionit, përfshirë korrupsionin në nivelet e larta, si kushte të panegociueshme për rrugën drejt BE-së.

Në këtë mënyrë, mesazhi i Berlinit për Tiranën shkon përtej kalendarit të integrimit: mbyllja e kapitujve deri në vitin 2027 kërkon rezultate konkrete, reforma që zbatohen edhe kur prekin interesa të forta ekonomike dhe një drejtësi që duhet të jetë e lirë të godasë korrupsionin edhe në nivelet më të larta.

-Zoti Ambasador, si do t’i përshkruanit marrëdhëniet dypalëshe mes Shqipërisë dhe Gjermanisë?

Karl Bergner: Shqipëria dhe Gjermania bashkëpunojnë ngushtë në fusha të ndryshme politike, përfshirë politikën e jashtme dhe sigurinë. Si vende evropiane dhe partnere në NATO, përballemi me të njëjtat sfida që burojnë nga ndryshimet në rendin botëror dhe nga kërcënimi që paraqet lufta e agresionit të Rusisë kundër Ukrainës.

Një peshë të konsiderueshme ka edhe bashkëpunimi ekonomik. Gjermania është donatori më i madh dypalësh i Shqipërisë dhe synon të përmirësojë jetën e përditshme të qytetarëve shqiptarë përmes forcimit të infrastrukturës (furnizimit me ujë dhe energji, trajtimit të ujërave të ndotura dhe menaxhimit të mbetjeve) si dhe përmes mbështetjes së zhvillimit të qëndrueshëm ekonomik në qytete dhe, në një masë edhe më të madhe, në zonat rurale. Gjithashtu, në kuadër të bashkëpunimit tonë dypalësh, punojmë për të luftuar ndryshimet klimatike përmes gjelbërimit të ekonomisë, si dhe për të mbështetur vendin në përshtatjen ndaj kushteve gjithnjë e më ekstreme të motit të shkaktuara nga ndryshimet klimatike.

Në Gjermani po rritet interesi për Shqipërinë, veçanërisht si destinacion turistik. Në të njëjtën kohë, diaspora shqiptare në Gjermani po merr një rëndësi gjithnjë e më të madhe. Mes saj ka një numër sipërmarrësish krijues dhe të suksesshëm, të cilët po ndërtojnë ura të reja mes Gjermanisë dhe Shqipërisë. Të dyja këto prirje forcojnë lidhjet mes qytetarëve të dy vendeve tona dhe i japin një shtysë marrëdhënieve tona ekonomike dhe kulturore.

-A i mbështet Gjermania ambiciet e Shqipërisë dhe vendeve fqinje për t’u anëtarësuar në BE? Sa realist e konsideroni synimin e Shqipërisë për të përfunduar negociatat e anëtarësimit deri në fund të vitit 2027?

Karl Bergner: Shqipëria dhe vendet e tjera të Ballkanit Perëndimor janë pjesë e familjes evropiane. Për këtë arsye, ne e mbështesim fuqimisht anëtarësimin e tyre në Bashkimin Evropian.

Qëndrimi i kahershëm i Gjermanisë është se anëtarësimi në BE i të gjitha vendeve kandidate duhet të bazohet në meritë. Për rrjedhojë, afatet varen nga shpejtësia dhe tërësia e reformave të tyre. Në këtë kontekst, ne e njohim ambicien e Shqipërisë për të përfunduar negociatat e anëtarësimit deri në fund të vitit 2027. Në rrugën drejt anëtarësimit të plotë, vendi ka bërë përparim të prekshëm, ndërkohë që mbeten ende detyra të rëndësishme.

Përveç përmirësimit të jetës së përditshme të shumë shqiptarëve, asistenca e gjerë teknike dhe financiare e përmendur më sipër synon gjithmonë të mbështesë edhe anëtarësimin e Shqipërisë në BE. Kjo shtrihet nga financimi i ndërtimit të impianteve të trajtimit të ujërave të ndotura në një sërë qytetesh shqiptare (si parakusht për kapitujt që lidhen me mjedisin) deri te mbështetja e ministrive të ndryshme për përafrimin e legjislacionit me standardet e BE-së. Por, në fund, vendimtare është vendosmëria e Shqipërisë për t’i ndërmarrë dhe zbatuar këto reforma, edhe kur ato janë të vështira apo prekin interesa të rëndësishme ekonomike.

Një shembull është miratimi i një ligji të unifikuar për investimet, në vend të ligjit aktual për investimet strategjike. Shqipëria është zotuar në Agjendën e saj të Reformave që ta bëjë këtë deri në fund të këtij viti, ndërsa Parlamenti Evropian, në rezolutën e tij të fundit, ka përsëritur kërkesat e mëparshme të BE-së. Sipas meje, ky do të ishte një hap shumë i rëndësishëm për të garantuar transparencën dhe kushte të barabarta konkurrence për të gjitha bizneset.

Arritja e objektivit të anëtarësimit në BE varet gjithashtu nga aftësia e administratës publike, por edhe e komunitetit të biznesit, për të përvetësuar standardet e BE-së. Fakti që Gjermania është donatori më i madh dypalësh i Shqipërisë tregon edhe njëherë për angazhimin tonë të fuqishëm për të ndihmuar Shqipërinë në çdo hap të rrugëtimit.

-Reforma në drejtësi ka hyrë në një fazë vendimtare. Cilat janë pritshmëritë konkrete të Gjermanisë nga institucionet e drejtësisë në Shqipëri për dy vitet e ardhshme?

Karl Bergner: Një shtet i fortë i së drejtës, mbrojtja e të drejtave themelore dhe një demokraci pluraliste janë në themel të vlerave evropiane. Respektimi i pavarësisë së gjyqësorit dhe përpjekjet e papenguara kundër korrupsionit, përfshirë rastet e korrupsionit në nivele të larta, janë parakushte të panegociueshme për përparimin e Shqipërisë në procesin e anëtarësimit në BE.

Në këtë drejtim, reforma në drejtësi ka qenë një faktor kyç që ka mundësuar avancimin e procesit të anëtarësimit të Shqipërisë në BE. Për të ardhmen, Shqipëria është zotuar për reforma të mëtejshme që lidhen me shtetin e së drejtës. Ky ka qenë fokusi kryesor i Gjermanisë në rrugën e Shqipërisë drejt anëtarësimit në BE prej shumë vitesh dhe i tillë do të mbetet. Ne besojmë se Shqipëria do të vazhdojë dhe do të shtojë përpjekjet për të forcuar shtetin e së drejtës dhe pavarësinë e gjyqësorit, si dhe për të luftuar korrupsionin dhe krimin e organizuar, për të përmendur disa nga fushat më të rëndësishme. Ndryshimi i ligjeve nuk mjafton: si BE-ja, ashtu edhe qytetarët shqiptarë presin të shohin ndryshime reale dhe të prekshme në praktikë, si dhe krijimin e kapaciteteve të nevojshme në administratën publike dhe institucionet e pavarura.

The post “S’ka BE pa reforma”/ Gjermanët ultimatum Ramës: Shfuqizoni ligjin e investimeve strategjike, duart larg drejtësisë first appeared on AlbTimes.

Rasti u zbulua pasi vajza u dërgua për vizitë mjekësore nga nëna e saj. Gjatë kontrollit, mjeku dyshoi për shenja që mund të lidhen me abuzim seksual dhe vuri familjarët në dijeni, çka më pas çoi në denoncimin e ngjarjes në polici.

Autoritetet greke nisën hetimet për të përcaktuar se çfarë kishte ndodhur dhe nëse abuzimi i dyshuar ishte përsëritur për një periudhë të gjatë. Nga të dhënat e mbledhura gjatë hetimit, 51-vjeçari u vu në pranga.

Sot, më 10 shtator, ai është paraqitur para prokurorit në Korfuz, ku ka kërkuar kohë për të përgatitur dëshminë e tij. Sipas mediave greke, shqiptari i ka mohuar akuzat e ngritura ndaj tij.

Në proces janë përfshirë edhe prindërit e 8-vjeçares, të cilët kanë depozituar kallëzim penal.

Ndërkohë, hetimet vijojnë për të përcaktuar kohëzgjatjen e abuzimit të dyshuar, rrethanat në të cilat ka ndodhur dhe çdo element tjetër që mund të ndihmojë autoritetet në zbardhjen e plotë të rastit.

The post Korfuz/ 51-vjeçari shqiptar akuzohet se abuzoi sek*ualisht me mbesën 8-vjeçare first appeared on AlbTimes.

The post Apple zbulon iPhone 18, iPhone Duo dhe Apple Watch! Risitë dhe çmimet e pajisjeve të reja first appeared on AlbTimes.