„კერძოდ, კომუნიკაციების კომისიის მონიტორინგის შედეგად, რომელიც მიმდინარე წლის 10 აგვისტოდან 12 აგვისტოს ჩათვლით პერიოდს მოიცავდა, გამოვლინდა, რომ აღნიშნულ არხზე 21:00 საათიან საინფორმაციო გამოშვებებში იკვეთებოდა მაუწყებლის მიერ ახალი ამბების პირადი დამოკიდებულების/მოსაზრებების საფუძველზე გაშუქება“, – ნათქვამია მარეგულირებლის მიერ 10 სექტემბერს გავრცელებულ განცხადებაში.

ComCom-ის თქმით, ვინაიდან მაუწყებელი ბოლო ერთი წლის განმავლობაში მსგავსი ხასიათის დარღვევისთვის სანქცირებული არ ყოფილა, კომუნიკაციების კომისიამ ის კანონის შესაბამისად, წერილობით გააფრთხილა.

„ვინაიდან აშშ-ის სახელმწიფო დეპარტამენტის მიერ გაჟღერებული გაფართოებული სასანქციო ნუსხა მოიცავს ავიაკომპანიებს, რომლებიც დღეის მდგომარეობით ასრულებენ საჰაერო მიმოსვლას საქართველოსა და ირანს შორის, ქართული მხარე როგორც სხვა შემთხვევებში, ახლაც იმოქმედებს საერთაშორისო სანქციების რეჟიმის სრული დაცვით“, – განაცხადა სააგენტომ.

8 სექტემბერს აშშ-ის სახაზინო დეპარტამენტის უცხოური აქტივების კონტროლის ოფისმა (OFAC) სანქციები დაუწესა 36 სუბიექტს, მათ შორის 27 ირანულ ავიაკომპანიას, „ირანის საავიაციო სექტორის მხარდაჭერისთვის, რომელსაც რეჟიმი იარაღის, პერსონალისა და უკანონო ტვირთის გადასაზიდად იყენებს“.

OFAC-ის მიერ სანქცირებულ ირანულ ავიაკომპანიებს შორისაა Qeshm Air, Varesh Airlines, Sepehran Airlines, Fly Kish Airlines, Taban Airlines და AVA Airlines. „რადიო თავისუფლების“ ქართული სამსახურის ინფორმაციით, ეს კომპანიები თბილისისა და ბათუმის მიმართულებით ახორციელებენ ფრენებს.

„რადიო თავისუფლება“ ასევე იტყობინება, რომ სანქციების გამოცხადებიდან მეორე დღეს, სანქცირებულ ავიაკომპანიებს შორის ერთ-ერთმა – Sepehran Airlines-მა – თეირანიდან თბილისის მიმართულებით რეისი შეასრულა; თვითმფრინავი თბილისში 9 სექტემბერს, 11:51 საათზე დაეშვა.

„საქართველო აქტიურად იცავს და უზრუნველყოფს ჩვენი საერთაშორისო პარტნიორების მიერ დაწესებული სანქციების შესრულებას. ეს ეხება საავიაციო სექტორსაც“, – განაცხადა სამოქალაქო ავიაციის სააგენტომ 10 სექტემბერს.

„საავიაციო ბაზარზე უცხოური ავიაკომპანიების დაშვების პროცესში საქართველო ხელმძღვანელობს ეროვნული კანონმდებლობით, საერთაშორისო სამოქალაქო ავიაციის ორგანიზაციის (ICAO) სტანდარტებითა და ორმხრივი თუ მრავალმხრივი საერთაშორისო შეთანხმებებით“, – აღნიშნა მან.

სააგენტომ განაცხადა, რომ გადაწყვეტილების მიღებისას, საქართველო „ითვალისწინებს ევროკავშირისა და აშშ-ის მიერ დაწესებულ სასანქციო მექანიზმებს“.

მისი თქმით, მგზავრთა, ადგილობრივი საავიაციო ბაზრისა და ინფრასტრუქტურის უსაფრთხოების უზრუნველყოფის მიზნით, „საქართველოს სამოქალაქო ავიაციის სააგენტო წლებია, დამატებითი მონიტორინგის მექანიზმის სახით, ხელმძღვანელობს ამერიკის შეერთებული შტატების სახაზინო დეპარტამენტის უცხოური აქტივების კონტროლის ოფისის სანქცირებულთა სიით (Specially Designated Nationals and Blocked Persons list (“SDN List”) და OFAC-ის მიერ ადმინისტრირებული ყველა სხვა სასანქციო ნუსხით“. შესაბამისად, „აღნიშნული მექანიზმის ფარგლებში, საქართველოს ადრეც შეზღუდული ჰქონდა რამდენიმე ავიაკომპანიის ოპერირება“.

სააგენტომ დასძინა, რომ საქართველო „მომავალშიც ზედმიწევნით უზრუნველყოფს საერთაშორისო მოთხოვნების დაცვასა და გააგრძელებს აღნიშნული მექანიზმებით ხელმძღვანელობას“.

ოფიციალური პრესრელიზის თანახმად, კობახიძე საფრანგეთში პრეზიდენტ ემანუელ მაკრონის მიწვევით იმყოფება. სამიტის გახსნას კობახიძე დელეგაციასთან ერთად დაესწრო, რომლის შემადგენლობაში საგარეო საქმეთა მინისტრი მაკა ბოჭორიშვილი, თავდაცვის მინისტრი ირაკლი ჩიქოვანი და მთავრობის ადმინისტრაციის უფროსი ლევან ჟორჟოლიანი არიან.

„მნიშვნელოვანია, ევროპას ჰქონდეს თავისი ხედვა, თავისი დამოუკიდებელი პოლიტიკა კოსმოსის საკითხებთან დაკავშირებით“, – განაცხადა კობახიძემ. „ჩვენი, როგორც პატარა ქვეყნის, რესურსები ამ მიმართულებით შეზღუდულია, თუმცა ჩვენ ვართ გადაწყვეტილებების მიღების ნაწილი“.

მან ასევე განაცხადა, რომ სამიტზე საქართველო კოსმოსის უსაფრთხოებასთან დაკავშირებულ სამ დეკლარაციას შეუერთდა. „მომავალშიც გავაგრძელებთ მჭიდრო პარტნიორობას ჩვენს ევროპელ კოლეგებთან ამ საკითხებთან დაკავშირებით. საქართველო თავიდან ბოლომდე იქნება ჩართული შესაბამისი გადაწყვეტილებების მიღების პროცესში“, – აღნიშნა კობახიძემ.

10 სექტემბერს მედიასთან საუბრისას კობახიძემ ასევე განაცხადა: „ჩვენთვის მნიშვნელოვანია ამ სამიტზე სხვადასხვა მხრიდან მოსაზრებების მოსმენა, პოზიციების მოსმენა იმისათვის, რომ სამომავლოდ ჩამოაყალიბოს ქვეყანამ სწორი პოზიცია ყველა საკითხთან დაკავშირებით და მიიღოს სწორი გადაწყვეტილებები“.

როგორც კობახიძემ, ისე ბოჭორიშვილმა ხაზი გაუსვეს სამიტის მნიშვნელობას მაღალი დონის ორმხრივი შეხვედრების გამართვის კუთხით.

სამიტზე 100-ზე მეტი ქვეყნის გადაწყვეტილების მიმღები პირები, პროფესიონალები და ბიზნესის წარმომადგენლები შეიკრიბნენ. გამომსვლელებს შორის იყვნენ ევროკომისიის პრეზიდენტი ურსულა ფონ დერ ლაიენი და პრეზიდენტი მაკრონი.

კომენტარი გინებას შეიცავს, თუმცა უცნობია, ვინ არის მისი უშუალო სამიზნე. რაზმაძე ამბობს, რომ ის მიმართული იყო სიმონიანისა და ვლადიმერ სოლოვიოვის მიმართ. ეს უკანასკნელიც კრემლის პროპაგანდისტია, რომელიც ასევე ფიგურირებს ვიდეორგოლში, სადაც სიმონიანი კომენტარს აკეთებს.

რაზმაძის მიერ სოციალურ მედიაში ნაჩვენები უწყების თანახმად, შინაგან საქმეთა სამინისტროს სიძულვილის ენის წინააღმდეგ ბრძოლის სამმართველომ ადმინისტრაციული წარმოება დაიწყო მისი კომენტარის თაობაზე, სადაც ნათქვამია: „ამათი დედას შევე*ი “ნა კალენიახ” – აშკარა მინიშნება სიმონიანის კომენტარზე, რომელიც ვიდეოში ამბობს, რომ საქართველოს მმართველები „დედა რუსეთს“ „მუხლებზე“ შეევედრებიან, რომ „დედა რუსეთში“ დააბრუნონ.

უწყების თანახმად, რაზმაძის მიმართ საქმე ადმინისტრაციულ სამართალდარღვევათა კოდექსის 166-1 მუხლით აღიძრა, რაც „წვრილმან ხულიგნობას“ გულისხმობს და 500-დან 3000 ლარამდე ჯარიმით ან 20 დღემდე ადმინისტრაციული პატიმრობით ისჯება.

„საქართველოს შინაგან საქმეთა სამინისტრო მედავება იმას, რომ რუს პროპაგანდისტებს, მარგარიტა სიმონიანისა და ვლადიმირ სოლოვიოვს რატომ მიაყენე შეურაცხყოფა და რატომ აგინეო“, – განაცხადა რაზმაძემ 10 სექტემბის ვიდეომიმართვაში.

10 სექტემბრის განცხადების თანახმად, იოსელიანმა შეხვედრები გამართა აშშ-ის სახელმწიფო დეპარტამენტის ევროპის და ევრაზიის საქმეთა ბიუროს (EUR), დემოკრატიის, ადამიანის უფლებებისა და შრომის ბიუროს (DRL), ნარკოტიკებისა და სამართალდამცავ ორგანოებთან საერთაშორისო თანამშრომლობის ბიუროს (INL), ასევე საგარეო დახმარების ოფისის [სავარაუდოდ, საგარეო დახმარების ზედამხედველობის ოფისის (FAO)] წარმომადგენლებთან.

უწყების თქმით, იოსელიანმა ამერიკულ მხარეს საქართველოში ადამიანის უფლებათა მდგომარეობის შესახებ ინფორმაცია მიაწოდა და ისაუბრა ქვეყანაში ადამიანის უფლებათა მდგომარეობის ძირითად ტენდენციებსა და მისი რეკომენდაციებს შესახებ. შეხვედრებზე „განსაკუთრებული ინტერესი გამოითქვა გამოხატვის თავისუფლების, ეფექტიანი გამოძიებების წარმართვის მნიშვნელობასა და რელიგიური და ეროვნული უმცირესობების უფლებების საკითხებისადმი, საუბარი შეეხო ასევე, ოკუპირებულ ტერიტორიებზე მცხოვრები ადამიანების უფლებრივ მდგომარეობას“.

ამავე განცხადების თანახმად, აშშ-ს სახელმწიფო დეპარტამენტში გამართულ შეხვედრებზე ლევან იოსელიანმა ყურადღება გაამახვილა სახალხო დამცველის აპარატსა და ამერიკულ ინსტიტუტებს შორის „მრავალწლიან თანამშრომლობაზე“; ხაზი გაუსვა „საქართველოს მისწრაფებას, განაგრძოს სვლა დემოკრატიული პრინციპების განმტკიცების მიმართულებით და იმედი გამოთქვა, რომ ამ პროცესში ამერიკის შეერთებული შტატების მჭიდრო მხარდაჭერა მომავალშიც გაგრძელდება“.

განცხადება მას შემდეგ გაკეთდა, რაც რუსულმა სახელმწიფო მედიასაშუალებამ „რია ნოვოსტიმ“ „ქართველ საზოგადო მოღვაწეზე“ ბესიკ დანელიაზე დაყრდნობით გაავრცელა ინფორმაცია, რომ ქართველმა მოხალისეებმა, ე.წ. „დონეცკის სახალხო რესპუბლიკაში“, „ჰუმანიტარული მისიის“ ფარგლებში, რუს სამხედროებს „წმინდა გაბრიელ ურგებაძის რაზმიდან“ და „ნევსკის ბრიგადიდან“ მოტოციკლები და სალოცავი ოთახები გადასცეს.

უფრო ადრე, იანვარში, „მოსკოვის საპატრიარქოს სამხედრო დანაყოფის“ Telegram არხმა გაავრცელა ინფორმაცია „გაბრიელ ურგებაძის სახელობის ახალი მართლმადიდებლური დანაყოფის“ შექმნის შესახებ „სპეციალური სამხედრო ოპერაციის ზონაში“, რომელიც ეთნიკური ქართველებისგან შედგება.

ამ ცნობებს საქართველოს საპატრიარქოს საზოგადოებასთან ურთიერთობის დეპარტამენტის ხელმძღვანელის ანდრია ჯაღმაიძის კრიტიკა მოყვა.

„საქართველოს მართლმადიდებელი ეკლესია ემიჯნება ღირს გაბრიელ აღმსარებლისა და სალოსის სახელის სამხედრო მოქმედებათა გამართლებისა თუ მხარდაჭერის მიზნით გამოყენების ფაქტს“, – იტყობინება გაზეთი „საპატრიარქოს უწყებანი“ 9 სექტემბერს ანდრია ჯაღმაიძის სიტყვებზე დაყრდნობით.

აღნიშნა რა, რომ „რუსეთ-უკრაინის ომში ორივე მხრიდან იღუპება მართლმადიდებელი მოსახლეობა, რასაც დიდი გულისტკივილით ვადევნებთ თვალს“, ჯამღაიძემ განაცხადა, რომ „საქართველოს მართლმადიდებელ ეკლესიასთან ყოველგვარი კონსულტაციის ან მისი აზრის გათვალისწინების გარეშე, სრულიად მოულოდნელად გაუგონარი ფაქტის წინაშე დავდექით“.

„ჩვენთვის კატეგორიულად მიუღებელია სამხედრო დანაყოფისათვის ღირსი მამის, არქიმანდრიტ გაბრიელის, აღმსარებლისა და სალოსის სახელის გამოყენება, წმინდა მამის ღვაწლი და ცხოვრება ხომ სრულად მიძღვნილი იყო უფლისა ჩვენისა, იესო ქრისტეს რწმენისადმი, ადამიანთა შორის სიყვარულისა და კაცთმოყვარეობის ქადაგებისადმი“, – განაცხადა ჯამღაიძემ. „შეშფოთებასა და წუხილს იწვევს ის გარემოებაც, რომ ღირსი მამის სახელის ასე მიუღებლად გამოყენებას რუსული ეკლესიის გარკვეული სასულიერო პირები უჭერენ მხარს“.

ქართული მედიის ინფორმაციით, „რია ნოვოსტის“ სტატიაში ნახსენები ბესიკ დანელია 2020 წლის მდგომარეობით, საქართველოს ყოფილი პარლამენტის თავმჯდომარის, ნინო ბურჯანაძის ხელმძღვანელობით მოქმედი პოლიტიკური პარტიის „ერთიანი საქართველოს“ წევრი იყო. მოგვიანებით, 2025 წელს, იგი მოწმის სტატუსით წარდგა ე.წ. წულუკიანის კომისიის წინაშე.

განცხადება 8 სექტემბერს ლიეტუველმა დიპლომატმა აუსრა სემასკიემემ ჯგუფის სახელით გენერალური დებატების დროს გააკეთა. განცხადებას შეუერთდნენ ალბანეთი, ანდორა, ავსტრალია, ავსტრია, ბელგია, კანადა, კვიპროსი, ხორვატია, ჩეხეთი, დანია, ესტონეთი, ფინეთი, საფრანგეთი, გერმანია, ისლანდია, ირლანდია, იტალია, ლატვია, ლიხტენშტეინი, ლიეტუვა, ლუქსემბურგი, მალტა, მონაკო, მონტენეგრო, ნიდერლანდები, ახალი ზელანდია, ნორვეგია, პოლონეთი, პორტუგალია, რუმინეთი, სლოვენია, შვედეთი, შვეიცარია და უკრაინა.

„გვსურს, საბჭოს ყურადღება მივაპყროთ საქართველოში ადამიანის უფლებათა მდგომარეობის გაუარესებას, განსაკუთრებით ბოლო წლებში მიღებული კანონმდებლობის გათვალისწინებით, რომელიც ზღუდავს გამოხატვის, შეკრებისა და გაერთიანების თავისუფლებას და არ შეესაბამება ადამიანის უფლებებათა საერთაშორისო სამართალს“, – ნათქვამია განცხადებაში.

„2024 წლის ნოემბრიდან მოყოლებული, მშვიდობიანი მომიტინგეები, ჟურნალისტები, მედიის წარმომადგენლები, სამოქალაქო საზოგადოება და პოლიტიკური ოპონენტები მუქარის, თავდასხმების, შევიწროების, ჯარიმების და მათი საბანკო ანგარიშების დაყადაღების წინაშე დგანან“, – განაცხადა ლიეტუვამ ჯგუფის სახელით.

განცხადებაში ასევე აღნიშნულია, რომ „ბევრი მომიტინგე და ოპოზიციის ცნობილი ფიგურა“ გაასამართლეს, მათ შორის „ბოლო თვეებში რამდენიმე“.

„ყველა, ვინც თვითნებურად დააკავეს, დაუყოვნებლივ უნდა გათავისუფლდეს“, – ნათქვამია განცხადებაში.

ჯგუფმა სინანული გამოთქვა იმია გამო, რომ „საერთაშორისო საზოგადოების არაერთი მოწოდების მიუხედავად, დემონსტრანტებისა და დაკავებულების მიმართ გადაჭარბებული ძალის გამოყენებისა და არასათანადო მოპყრობის ბრალდებებზე მიუკერძოებელი გამოძიება სრულად არ ჩატარებულა“.

ქვეყნები მოუწოდებენ საქართველოს ხელისუფლებას „გააუქმოს შესაბამისი კანონმდებლობა, ჩაატაროს მიუკერძოებელი გამოძიება ადამიანის უფლებათა სავარაუდო დარღვევებზე, უზრუნველყოს შესაბამის პირთა პასუხისგებაში მიცემა და და  სამოქალაქო საზოგადოებასთან და საერთაშორისო საზოგადოებასთან შინაარსიან დიალოგში ჩაერთოს“.

სუს-ის ინფორმაციით, 2026 წლის ფორუმის ფარგლებში, მსოფლიოს 100-ზე მეტი ქვეყნიდან მიწვეული მაღალი რანგის სტუმრები „გლობალური ტურბულენტური გარემოს ფონზე საზოგადოებრივი უსაფრთხოების მმართველობის საკითხებს განიხილავენ“. ღონისძიებაში მონაწილეობენ სხვადასხვა ქვეყნის უსაფრთხოების სამსახურებისა და სამართალდამცავი უწყებების ხელმძღვანელი პირები.

შინაგან საქმეთა სამინისტროს ინფორმაციით, კირკიტაძემ მონაწილეობა მიიღო ქვე-ფორუმებში, რომელთა ფარგლებში განსახილველი საკითხები მოიცავდა „ნარკოტიკების კონტროლის შესახებ საერთაშორისო თანამშრომლობას, ასევე თანამშრომლობას საპოლიციო განათლების სფეროში“.

ფორუმის გახსნამდე, გეკა გელაძე, ჩინეთის სახალხო რესპუბლიკის საზოგადოებრივი უსაფრთხოების მინისტრ ვანგ სიაოხუნგთან ერთად, გლობალური ფორუმის ფარგლებში გამართულ საზოგადოებრივი უსაფრთხოების ტექნოლოგიების რიგით მე-3 გამოფენას ეწვია და უსაფრთხოების თანამედროვე ტექნოლოგიებს გაეცნო. გამოფენას ჩინეთის სახალხო რესპუბლიკის საზოგადოებრივი უსაფრთხოების პირველმა კვლევითმა ინსტიტუტმა უმასპინძლა.

შეხვედრა საქართველოში ევროკავშირის სადამკვირვებლო მისიის ხელმძღვანელის, ბეტინა პატრისია ბუგანის და სამხრეთ კავკასიაში ეუთოს სპეციალური წარმომადგენლის, კრისტოფ შპეტის ერთობლივი ხელშეწყობით გაიმართა.

შეხვედრის დროს თბილისმა კვლავ წამოჭრა უკანონო დაკავებებისა და ე.წ. ბორდერიზაციის საკითხები, ასევე საქართველოს მოქალაქის, თამაზ გინტურის მკვლელობაში პასუხისმგებელი პირების პასუხისგებაში მიცემის აუცილებლობა. იმავდროულად, ცხინვალის დე ფაქტო ხელისუფლების წარმომადგენლებმა კვლავ მოითხოვეს ჩორჩანა/წნელისის პოლიციის საგუშაგოს გაუქმება და შეშფოთება გამოთქვეს ცხინვალის მკვიდრის, თამაზ გოლოევის, ჯანმრთელობის მდგომარეობასთან დაკავშირებით. ეს უკანასკნელი ამჟამად ჯაშუშობის ბრალდებით თბილისის მიერ კონტროლირებად ტერიტორიაზე იმყოფება პატიმრობაში.

ინციდენტების პრევენციის და მათზე რეაგირების მექანიზმის ფორმატის მორიგი რეგულარული შეხვედრა 2026 წლის 22 ოქტომბერს გაიმართება.

ბანკის ინფორმაციით, ინფლაციის მიზნობრივი 3%-იანი მაჩვენებლიდან გადახრას კვლავ მეტწილად მიწოდების მხრიდან მოქმედი შოკები განაპირობებს, რომელთა შორის მნიშვნელოვანი წვლილი ენერგორესურსების ფასების ზრდას უკავშირდება. „ახლო აღმოსავლეთში გეოპოლიტიკური დაძაბულობის ხელახალი გამწვავება ენერგორესურსების მიწოდებასთან დაკავშირებულ გაურკვევლობასა და საერთაშორისო ფასების მერყეობას ზრდის. ამავდროულად, საერთაშორისო სასურსათო ბაზრებიდან მომდინარე ინფლაციური წნეხიც გაძლიერდა“, – აცხადებს ბანკი.

ეროვნული ბანკის შეფასებით, ინფლაციის მიმდინარე დინამიკა ცენტრალური პროგნოზის შესაბამისია. აღნიშნული სცენარის მიხედვით, სხვა თანაბარ პირობებში, 2026 წელს საშუალო წლიური ინფლაცია 5.2 პროცენტის ფარგლებში იქნება, ხოლო საშუალოვადიან პერიოდში ეტაპობრივად დაუბრუნდება 3 პროცენტიან მიზნობრივ მაჩვენებელს.

მონეტარული პოლიტიკის კომიტეტის შემდეგი სხდომა 2026 წლის 21 ოქტომბერს გაიმართება.