Janë të ftuara të gjitha organizatat e sektorit civil, institucionet publike si në nivel kombëtar dhe lokal, bizneset apo subjekte të ndryshme, komunitete dhe grupe formale dhe informale që kanë në mesin e tyre, ose njohin dhe janë të ekspozuar me punën dhe përkushtimin e personave të ndryshëm, përfshi këtu burra dhe gra, të rinj e të reja etj. dedikuar fuqizimit të grave dhe vajzave në zonat rurale dhe ndryshimeve pozitive në komunitet rurale, të nominojnë individë për marrjen e këtij çmimi.

Lexoni më shumë rreth thirrjes në Udhëzuesin e Thirrjes për Aplikime-Edicioni i katërt i çmimit Liljana Isakaj dhe dërgoni aplikimet tuaja duke dërguar formularin e aplikimit në Aneksin I, në adresat e e-mail info@anrd.al dhe info@adadmalore.al deri më datë 30 Shtatorit me titullin Aplikim për çmimin “Liljana Isakaj”.

The post Thirrje për Aplikime: Edicioni i katërt i çmimit “Liljana Isakaj” – Për Lidership në Fuqizimin e Grave të Zonave Rurale appeared first on ANRD.

Rrjeti Shqiptar për Zhvillimin Rural në bashkëpunim me Ministrinë e Bujqësisë dhe Zhvillimit Rural, organizoi më 30 korrik 2026 Tryezën Kombëtare “E ardhmja e bujqësisë familjare në Shqipëri: Qeverisja e tokës bujqësore, të drejtat e fermerëve dhe UNDROP”, duke bërë bashkë më shumë se 30 përfaqësues të institucioneve qendrore dhe vendore, organizatave të fermerëve dhe shoqërisë civile, fereë të rinj, partnerëve ndërkombëtarë, dhe ekspertëve për të diskutuar mbi sfidat dhe perspektivat e bujqësisë familjare në Shqipëri.

Tryeza u zhvillua si një vazhdimësi e dialogut të nisur në Parlamentin e IV Rural Shqiptar, ku forcimi i bujqësisë familjare u identifikua si një ndër prioritete strategjike për zhvillimin rural të vendit. Aktiviteti synoi të zgjerojë debatin publik përtej projektligjit për kalimin në pronësi të tokës bujqësore tek personat fizikë dhe juridikë të huaj, duke e vendosur diskutimin në një kuadër më të gjerë të qeverisjes së tokës, zhvillimit rural, sigurisë ushqimore dhe procesit të integrimit evropian.

Në fjalën hapëse, Kryetari i Bordit të ANRD-së, z. Sotiraq Hroni, theksoi nevojën për partneritet të ngushtë me Ministrinë e Bujqësisë dhe Zhvillimit Rural, si dhe rëndësinë e organizimit të fermerëve në struktura përfaqësuese që mbrojnë interesat e tyre dhe mundësojnë pjesëmarrje më të madhe në hartimin e politikave publike.

Në emër të Ministrisë së Bujqësisë dhe Zhvillimit Rural, z. Ilir Ajdini, Drejtori i Përgjithshëm për Zhvillimin Bujqësor dhe Rural prezantoi zhvillimet më të fundit në proceset e hartimit të politikave dhe legjislacionit në sektor, duke theksuar se projektligji për kalimin në pronësi të tokës bujqësore tek personat fizikë dhe juridikë të huaj është pjesë e angazhimeve që burojnë nga procesi i integrimit evropian dhe Marrëveshja e Stabilizim-Asociimit dhe se aktualisht ndodhet në proces konsultimi publik. Ai prezantoi gjithashtu punën e Ministrisë për zbatimin e kushtëzimeve dhe standardeve të BE-së në bujqësi, duke nënvizuar nevojën për një proces të gjerë informimi dhe edukimi të fermerëve, ku organizatat e shoqërisë civile, përfshirë ANRD-në, mund të japin një kontribut të rëndësishëm.

Një moment i veçantë i tryezës ishte prezantimi, për herë të parë në Shqipëri, i Deklaratës së Kombeve të Bashkuara për të Drejtat e Fermerëve të vegjël dhe Personave të Tjerë që Punojnë në Zonat Rurale (UNDROP). Z. Davit Hakobyan, Nënkryetar i Grupit të Punës të OKB-së për UNDROP, përmes lidhjes online prezantoi arsyet që çuan në miratimin e Deklaratës, rëndësinë e saj për garantimin e të drejtave të fermerëve dhe rolin që ajo luan në orientimin e politikave kombëtare drejt një qasjeje të bazuar në të drejtat e njeriut.

Në vijim, znj. Valbona Ylli, Eksperte Kombëtare për Politikat e Zhvillimit Rural pranë FAO Shqipëri, solli një analizë mbi gjendjen e bujqësisë familjare në vend, duke evidentuar sfidat që lidhen me fragmentimin e tokës, regjistrimin e pronës, funksionimin e tregut të tokës, aksesin në financim, shërbimet këshillimore dhe nevojën për politika të bazuara në evidencë. Ajo theksoi se bujqësia dhe zhvillimit rural në Shqipëri.

Më tej, znj. Evelina Azizaj, Koordinatore kombëtare e ANRD, prezantoi Qëndrimin Publik të ANRD-së mbi projektligjin për kalimin në pronësi të tokës bujqësore tek personat fizikë dhe juridikë të huaj, duke argumentuar se debati nuk duhet të kufizohet vetëm në çështjen e pronësisë, por duhet të shtrihet drejt ndërtimit të një sistemi të integruar të qeverisjes së tokës bujqësore. Dokumenti propozon përshpejtimin e regjistrimit të pronës, hartimin e një politike kombëtare për tokën bujqësore, harmonizimin me strategjitë kombëtare dhe forcimin e konsultimit publik me organizatat e fermerëve dhe aktorët e zhvillimit rural.

Rozeta Gradeci, përfaqësuese e COSPE Shqipëri dhe bashkautore e dokumentit të dytë të ANRD të përgatitur në kuadër të këtij procesi, Të kuptojmë UNDROP – Çfarë do të thotë për Shqipërinë? prezanton për herë të parë në Shqipëri UNDROP si një instrument që mund të kontribuojë në ndërtimin e politikave më gjithëpërfshirëse dhe më të drejta për fermerët dhe komunitetet rurale. Ajo promovon një qasje të bazuar në të drejtat e njeriut, duke vendosur në qendër njerëzit që jetojnë dhe punojnë në zonat rurale dhe duke nxitur reflektimin mbi mënyrën se si politikat publike ndikojnë jetesën dhe mirëqenien e tyre.

Në diskutimin e hapur, pjesëmarrësit ndanë përvoja dhe rekomandime konkrete nga territore të ndryshme të vendit. Përfaqësues të bashkive dhe institucioneve vendore sollën shembuj pozitivë mbi organizimin e fermerëve në Shoqëri të Bashkëpunimit Bujqësor, mbështetjen e varieteteve lokale, shërbimet këshillimore dhe përdorimin e të dhënave statistikore për planifikimin e politikave vendore. U diskutua gjithashtu nevoja për të mbrojtur funksionin bujqësor të tokës, për të vendosur kritere të qarta për përdorimin e saj, për të garantuar akses më të mirë në tokë për fermerët e rinj dhe fermat familjare, si dhe për të zhvilluar procese transparente dhe gjithëpërfshirëse konsultimi gjatë hartimit të legjislacionit.

Një kontribut të rëndësishëm dha edhe Drejtori i Drejtorisë së Administrimit, Konsolidimit dhe Mbikëqyrjes së Tokës në MBZHR, z. Eduart Aliaj i cili prezantoi ecurinë e punës për hartimin e ligjit të ri për konsolidimin e tokës bujqësore. Ai nënvizoi se konsolidimi i tokës është një instrument efektiv për rritjen e konkurrueshmërisë së fermave familjare dhe adresimin e problemeve të trashëguara nga fragmentimi i pronësisë, duke informuar se drafti i ligjit pritet të përfundojë gjatë muajve të ardhshëm dhe se Ministria do të zhvillojë konsultime të gjera me aktorët e interesit.

Në përmbyllje të aktivitetit, pjesëmarrësit vlerësuan rëndësinë e krijimit të një dialogu të strukturuar ndërmjet institucioneve publike, organizatave të fermerëve, shoqërisë civile dhe partnerëve të zhvillimit për të ndërtuar politika më efektive dhe më gjithëpërfshirëse për bujqësinë familjare. Tryeza konfirmoi se qeverisja e tokës bujqësore duhet të trajtohet si një çështje që lidhet ngushtë me zhvillimin rural, sigurinë ushqimore, qëndrueshmërinë e territorit dhe procesin e integrimit evropian, ndërsa UNDROP ofron një kornizë të rëndësishme ndërkombëtare për forcimin e të drejtave të fermerëve dhe komuniteteve rurale në Shqipëri.

***
Ky aktivitet u organizua nga Rrjeti Shqiptar për Zhvillimin Rural në kuadër të projektit “Mbështetje për zhvillim rural gjithëpërfshirës dhe të qëndrueshëm në Shqipëri”, me mbështetjen financiare të We Effect dhe Qeverisë së Suedisë. Përmbajtja e aktivitetit dhe e materialeve të përdorura është përgjegjësi e ANRD-së dhe nuk përfaqëson domosdoshmërisht qëndrimet e We Effect apo të Qeverisë së Suedisë.

The post Dialogu mbi të ardhmen e bujqësisë familjare në Shqipëri appeared first on ANRD.

Komunitetet rurale në Shqipëri vijojnë të përballen me sfida ekonomike, sociale dhe mjedisore, ndërsa vendi avancon në procesin e integrimit në Bashkimin Evropian. Në këtë kontekst, bujqësia dhe zhvillimi rural mbeten ndër prioritetet kryesore për forcimin e sigurisë ushqimore, zhvillimin ekonomik, mbrojtjen e mjedisit dhe zhvillimin e balancuar territorial. Arritja e këtyre objektivave kërkon politika që mbështesin jo vetëm konkurrueshmërinë e sektorit, por edhe jetesën dhe mirëqenien e njerëzve që jetojnë dhe punojnë në zonat rurale.

Fermerët familjarë, blegtorët, prodhuesit e vegjël dhe njerëzit e tjerë që jetojnë dhe punojnë në zonat rurale japin një kontribut të rëndësishëm në prodhimin e ushqimit, menaxhimin e burimeve natyrore, ruajtjen e biodiversitetit dhe zhvillimin e territoreve rurale. Mbështetja e tyre dhe krijimi i perspektivave të qëndrueshme që mundësojnë kontributin e tyre aktiv në zhvillimin e vendit janë prioritare për të ardhmen e Shqipërisë rurale.
Në këtë kuadër, Deklarata e Kombeve të Bashkuara për të Drejtat e Fermerëve të vegjël dhe Personave të Tjerë që Punojnë në Zonat Rurale (UNDROP) ofron një kornizë referimi që pasuron dialogun mbi zhvillimin rural. Ajo promovon një qasje të bazuar në të drejtat e njeriut, duke vendosur në qendër njerëzit që jetojnë dhe punojnë në zonat rurale dhe duke nxitur reflektimin mbi mënyrën se si politikat publike ndikojnë jetesën dhe mirëqenien e tyre.

Për Rrjetin Shqiptar për Zhvillimin Rural (ANRD), prezantimi i UNDROP është një vazhdimësi e angazhimit për zhvillim rural gjithëpërfshirës, me pjesëmarrje dhe të qëndrueshëm. ANRD, përmes nismave si Parlamenti Rural Shqiptar, Qendra e Rinisë Rurale, Pro-Grave Rurale, promovimit të qasjes LEADER/CLLD dhe mbështetjes për bujqësinë familjare, ka kontribuar në forcimin e dialogut ndërmjet komuniteteve rurale, institucioneve publike dhe partnerëve të zhvillimit.

Ky publikim synon të prezantojë UNDROP dhe rëndësinë e tij për vendin tonë. Dokumenti shpjegon parimet dhe të drejtat kryesore të njohura nga Deklarata, lidhjen e tyre me prioritetet e zhvillimit rural në vend dhe veçon qeverisjen e tokës bujqësore si një temë me rëndësi për debatin publik. Qëllimi i tij nuk është të ofrojë interpretime ligjore apo rekomandime politike, por të nxisë dialogun dhe reflektimin mbi mënyrën se si parimet e UNDROP mund të kontribuojnë në zhvillimin e qëndrueshëm dhe gjithëpërfshirës të zonave rurale.

Shkarkoni këtu UNDROP paper_ALB

The post Dokument i Politikave appeared first on ANRD.

The post Artur Pocesti appeared first on ANRD.

The post Dokument Politikash: E drejta për të qëndruar nga perspektiva e të rinjve ruralë në Shqipëri appeared first on ANRD.

Për këtë arsye, ANRD, së bashku me organizatat anëtare, e ka shqyrtuar këtë nismë ligjore jo si një analizë juridike të dispozitave të saj, por në dritën e tre dokumenteve themelore që udhëheqin politikat për bujqësinë dhe zhvillimin rural: a) Komunikimit Interpretues të Komisionit Evropian “Acquisition of Farmland and European Union Law” (2017), i cili sqaron se çfarë lejon dhe çfarë nuk kërkon e drejta e BE-së; b) Strategjisë së Bujqësisë, Zhvillimit Rural dhe Peshkimit 2021 2027, e cila përcakton objektivat që Shqipëria i ka vendosur vetes për zhvillimin e sektorit; dhe c) Strategjisë Kombëtare për Konsolidimin e Tokës (2016), e cila evidenton gjendjen reale të tokës bujqësore dhe sfidat strukturore të saj.

Ky qëndrim publik është ndërtuar mbi këtë kuadër strategjik.

Për më shumë informacion shkarkoni këtu QËNDRIM PUBLIK – Mbi projektligjin

The post QËNDRIM PUBLIK appeared first on ANRD.

Takimi u organizua për prezantimin e Deklaratës së Parlamentit IV Rural Shqiptar, dokument që përmbledh mesazhet, prioritetet dhe rekomandimet e dala nga procesi gjithëpërfshirës i konsultimit dhe dialogut të zhvilluar gjatë Parlamentit Rural, i cili mblodhi rreth 300 përfaqësues të komuniteteve rurale, fermerëve, organizatave të shoqërisë civile, grupeve vendore të veprimit, autoriteteve vendore, institucioneve publike, akademisë, biznesit dhe partnerëve të zhvillimit.

Në fjalën e tij të hapjes, Ministri i Bujqësisë dhe Zhvillimit Rural vlerësoi rëndësinë e Deklaratës si një kontribut të vlefshëm që buron nga një proces i gjerë konsultimi me aktorët e zhvillimit rural.

“Jemi këtu për t’u njohur me gjetjet e Deklaratës që buron nga Parlamenti Rural. Procesi i integrimit kërkon instrumente të reja, politika të reja, përafrim të legjislacionit, qasjen LEADER dhe krijimin e rrjeteve kombëtare përmes dialogut dhe rekomandimeve. Jemi këtu për të dëgjuar dhe për të mbajtur shënimet e duhura,” u shpreh Ministri.

Parlamenti Rural si platformë kombëtare për dialog dhe konsultim

Në vijim të fjalës së Ministrit, Kryetari i Bordit të ANRD-së, Sotiraq Hroni theksoi se Parlamenti Rural Shqiptar është shndërruar në një platformë të rëndësishme kombëtare dialogu, e cila gjatë viteve ka forcuar ndërveprimin ndërmjet komuniteteve rurale, organizatave të shoqërisë civile dhe institucioneve publike. Ai solli në vëmendje se edhe gjatë periudhës së pandemisë, përmes organizimit të qelizave komunitare, Parlamenti Rural arriti të sigurojë një pjesëmarrje të gjerë nga territori, duke dëshmuar se dialogu nga poshtë-lart mund të zhvillohet edhe në kushte sfiduese.

Sipas tij, sfida kryesore mbetet institucionalizimi i konsultimit publik dhe ndërtimi i një bashkëpunimi më të strukturuar ndërmjet Ministrisë së Bujqësisë dhe Zhvillimit Rural dhe aktorëve të zhvillimit rural. Ai theksoi se ANRD, përmes rrjetit të saj kombëtar dhe organizatave anëtare me shtrirje në të gjithë territorin, ka krijuar ndër vite një kapital të rëndësishëm ekspertize dhe njohjeje të realitetit rural, i cili duhet të vlerësohet dhe të shfrytëzohet në proceset e hartimit dhe zbatimit të politikave publike. Ai nënvizoi gjithashtu nevojën që të gjitha strukturat e Ministrisë të njihen më mirë me punën, agjendën dhe kontributin që sjell ANRD dhe organizatat e tjera të shoqërisë civile, duke theksuar se forcimi i sinergjisë ndërmjet institucioneve publike dhe rrjeteve të organizuara të aktorëve ruralë do të rriste ndjeshëm cilësinë dhe efektivitetin e politikave për bujqësinë dhe zhvillimin rural.

Dialog i hapur mbi prioritetet e zhvillimit rural

Në vijim të takimit, Koordinatorja Kombëtare e ANRD-së, Evelina Azizaj prezantoi procesin e hartimit të Deklaratës së Parlamentit IV Rural Shqiptar, duke theksuar se ajo përfaqëson zërin kolektiv të komuniteteve rurale dhe një kontribut konkret për hartimin e politikave publike në mbështetje të zhvillimit rural dhe integrimit evropian të Shqipërisë.

Takimi u zhvillua në formën e një dialogu të hapur mbi rekomandimet e Deklaratës dhe jo si një prezantim formal i saj. Katër pjesëmarrës, kontribues të procesit të përgatitjes së Deklaratës që nga disktutimet tematike në Parlamentin rural, Rozeta Gradeci, Besmira Kuka, Nexhmi Torra dhe Petrit Dobi prezantuan mesazhet kryesore dhe rekomandimet e disa prej tematikave prioritare -zhvillimi rural gjithëpërfshirës dhe qasja LEADER/CLLD, fuqizimi i grave në sektorin agro-ushqimor, bujqësia familjare dhe transhumanca – të cilat gjeneruan një shkëmbim aktiv mendimesh ndërmjet përfaqësuesve të Ministrisë, organizatave anëtare të ANRD-së dhe partnerëve të zhvillimit.

Pjesëmarrësit nënvizuan se procesi i integrimit evropian kërkon një dialog më të strukturuar ndërmjet institucioneve publike dhe organizatave të shoqërisë civile, si dhe një njohje më të mirë të kontributit që organizatat ofrojnë përmes ekspertizës, pranisë territoriale dhe përvojës shumëvjeçare në mbështetje të reformave në bujqësi dhe zhvillim rural.

Në diskutim u theksua gjithashtu rëndësia e fuqizimit të qeverisjes vendore dhe përfshirjes së saj në hartimin dhe zbatimin e politikave rurale, ndërsa ANRD prezantoi angazhimin për të aktivizuar forumet rajonale si mekanizma të dialogut dhe advokacisë nga poshtë-lart. Përtej rekomandimeve të Deklaratës, organizatat dhe pjesëmarrësit e pranishëm ndanë iniciativa konkrete që tashmë kontribuojnë në adresimin e prioriteteve të saj. Ndër to u përmendën programet e UN Women Albania për fuqizimin ekonomik të grave rurale, iniciativa e organizatave partnere për organizimin e takimeve rajonale të barinjve në kuadër të Vitit Ndërkombëtar të Pastoralizmit, si dhe projekti i ri i ANRD-së, i mbështetur nga We Effect, që synon forcimin e nismave kolektive dhe advokacisë përmes forumeve rajonale.

Grup pune për vijimin e dialogut

Një nga rezultatet më të rëndësishme të takimit ishte dakordësimi për krijimin e një grupi pune, i cili do të drejtohet nga Zëvendësministri z. Fatmir Guri dhe do të shërbejë si mekanizëm komunikimi ndërmjet Ministrisë dhe ANRD-së për ndjekjen e rekomandimeve të Deklaratës.

Në fjalën e tij, Zëvendësministri theksoi se Parlamenti Rural dhe Deklarata janë pjesë e procesit të politikëbërjes, duke i cilësuar rekomandimet si informacion të gatshëm për përdorim në proceset institucionale. Ai bëri të ditur se Ministria ka nisur procesin e hartimit të Strategjisë së re për Bujqësinë dhe Zhvillimin Rural, duke nënvizuar se rekomandimet e Deklaratës duhet të reflektohen në këtë dokument strategjik dhe se grupi i punës do të luajë një rol të rëndësishëm në këtë proces.

Në përmbyllje të takimit, Koordinatorja Kombëtare e ANRD falenderoi Ministrinë e Bujqësisë dhe Zhvillimit Rural për gatishmërinë për të hapur këtë dialog institucional, organizatat anëtare të ANRD-së, partnerët zhvillimorë dhe të rinjtë e Rural Youth Hub për kontributin e tyre në proces.

Ajo prezantoi gjithashtu projektin e ri të ANRD-së, të mbështetur nga We Effect, i cili synon aktivizimin e forumeve rajonale dhe forcimin e dialogut shumëpalësh për zhvillimin rural në nivel vendor. Në të njëjtën kohë, ANRD shprehu gatishmërinë për të mbështetur Ministrinë në organizimin e proceseve të konsultimit mbi tematika të ndryshme të politikave publike, në mënyrë që nevojat dhe evidencat nga komunitetet rurale të vazhdojnë të informojnë hartimin, zbatimin dhe monitorimin e reformave.

***
Organizimi i Parlamentit të IV Rural Shqiptar dhe përgatitja e Deklaratës së Përbashkët u mundësuan falë mbështetjes së partnerëve dhe projekteve të mëposhtme:

■ Projekti “Mbështetje institucionale për Shqipërinë në sektorët e bujqësisë dhe peshkimit drejt anëtarësimit në Bashkimin Evropian – EU GoAL”, financuar nga Ministria Italiane e Punëve të Jashtme dhe Bashkëpunimit Ndërkombëtar, përmes Agjencisë Italiane të Bashkëpunimit për Zhvillim (AICS), dhe i zbatuar nga CIHEAM Bari;

■ Organizata e Kombeve të Bashkuara për Ushqimin dhe Bujqësinë (FAO), përmes programeve dhe iniciativave që mbështesin transformimin e qëndrueshëm të bujqësisë dhe zonave rurale, përfshirë Business, Partnerships and Solutions for SDGs (B4SDGs), Digital Agriculture and Rural Transformation in Albania (DART), si dhe Mbështetje për përmirësimin e menaxhimit të tokës dhe zhvillimit rural lokal në kontekstin e integrimit në BE.

■ Rrjeti Shqiptar për Zhvillimin Rural, përmes projektit rajonal “Akademia nga Ferma në Tryezë për Ballkanin Perëndimor të Gjelbër – E ardhmja jonë e përbashkët evropiane”, financuar nga Bashkimi Evropian dhe i zbatuar nga konsorciumi i Rrjeteve Kombëtare për Zhvillimin Rural në gjashtë vendet e Ballkanit Perëndimor dhe Kroaci, së bashku me platformën e tyre rajonale të bashkëpunimit, Rrjeti Ballkanik për Zhvillimin Rural.

■ UN Women Shqipëri, në kuadër të projektit “Fuqizimi i grave për zhvillim rural në Shqipërinë e Veriut”, i zbatuar nga UN Women dhe i financuar nga Ministria e Punëve të Jashtme dhe Bashkëpunim Ndërkombëtar e Italisë.
ANRD shpreh mirënjohjen e vet për të gjithë partnerët, bashkitë pritëse, ekspertët, moderatorët, raportuesit dhe pjesëmarrësit që kontribuan në Parlamentin e IV Rural Shqiptar dhe në hartimin e Deklaratës.

The post Dialogu politik mbi prioritetet e Shqipërisë rurale appeared first on ANRD.

The post Deklarata e Përbashkët e Parlamentit IV Rural Shqiptar (2026) appeared first on ANRD.

Për t’iu përgjigjur kësaj sfide, Rrjeti Shqiptar për Zhvillimin Rural (ANRD) dhe VIS Albania po që prej shkurtit 2026 zbatojnë projektin Mbështetje për fuqizimin e grave përmes prodhimit të qëndrueshëm të Bimëve Mjekësore dhe Aromatike në Malësi e Madhe, me mbështetjen e UN Women, në kuadër të programit Empowering Women for Rural Development in Northern Albania, financuar nga Qeveria Italiane përmes Agjencisë Italiane për Bashkëpunim dhe Zhvillim (AICS). Projekti do të zbatohet për periudhën shkurt 2026 – korrik 2027.

Projekti synon të kontribuojë në fuqizimin ekonomik të grave rurale dhe rritjen e pjesëmarrjes së tyre në sektorin e BMA-ve, përmes zhvillimit të kapaciteteve, përmirësimit të aksesit në njohuri teknike dhe sipërmarrëse, si dhe krijimit të mundësive për rritjen e të ardhurave dhe përfshirjen më aktive në zinxhirin e vlerës së sektorit.

Ndërhyrja synon të mbështesë gratë jo vetëm si punëtore në sektor, por si prodhuese, sipërmarrëse dhe aktore të zhvillimit ekonomik lokal. Projekti do të punojë drejtpërdrejt me gratë e angazhuara në kultivimin, mbledhjen dhe përpunimin e BMA-ve në Bashkinë Malësi e Madhe, duke ofruar mbështetje të integruar që kombinon analizën e nevojave, ngritjen e kapaciteteve, asistencën teknike dhe planifikimin ekonomik. Projekti parashikon një paketë të integruar aktivitetesh që ndërtohen mbi nevojat reale të grave dhe potencialin e territorit duke përfshirë, studimin bazë dhe vlerësimin e nevojave të grave të angazhuara në sektorin e BMA-ve; mobilizimin e komunitetit dhe identifikimin e grave përfituese; trajnime mbi administrimin, menaxhimin financiar dhe sipërmarrjen; asistencë individuale për zhvillimin e planeve të biznesit dhe vlerësimin e rentabilitetit të aktiviteteve ekonomike; asistencë teknike agronomike për kultivimin dhe menaxhimin e qëndrueshëm të BMA-ve; vizita studimore dhe shkëmbim përvojash me aktorë të suksesshëm të sektorit, etj.

Përfituesit kryesorë të projektit janë gratë e Bashkisë Malësi e Madhe të angazhuara ose të interesuara për t’u angazhuar në kultivimin, mbledhjen dhe përpunimin e Bimëve Mjekësore dhe Aromatike. Vëmendje e veçantë i kushtohet grave fermere, grave me mundësi të kufizuara ekonomike, grave kryefamiljare dhe atyre që kanë potencial për të zhvilluar aktivitete ekonomike të qëndrueshme në sektor.

Projekti synon të krijojë një model të qëndrueshëm të fuqizimit ekonomik të grave në sektorin e BMA-ve, duke kontribuar në:

• Rritjen e të ardhurave dhe përmirësimin e mirëqenies ekonomike të grave rurale;
• Forcimin e rolit të grave në zinxhirin e vlerës së BMA-ve;
• Përmirësimin e kapaciteteve teknike dhe sipërmarrëse të grave përfituese;
• Rritjen e produktivitetit dhe cilësisë së prodhimit;
• Krijimin e lidhjeve më të forta me tregun dhe mundësitë e financimit.

The post Mbështetje për fuqizimin e grave përmes prodhimit të qëndrueshëm të Bimëve Mjekësore dhe Aromatike në Bashkinë Malësi e Madhe appeared first on ANRD.

Komunitetet rurale në Shqipëri vazhdojnë të përballen me sfida të rëndësishme ekonomike, sociale dhe demografike. Për t’iu përgjigjur këtyre sfidave dhe për të krijuar mundësi të reja zhvillimi, ANRD po zbaton projektin “Mbështetje për zhvillimin rural gjithëpërfshirës dhe të qëndrueshëm në Shqipëri”.

Projekti do të zbatohet gjatë periudhës 2026 – 2028 dhe synon të kontribuojë në përmirësimin e cilësisë së jetës dhe mundësive ekonomike në zonat rurale, përmes forcimit të qeverisjes gjithëpërfshirëse, sistemeve ushqimore lokale dhe barazisë gjinore.

Në qendër të ndërhyrjes qëndron fuqizimi i ANRD-së dhe organizatave anëtare të veta për të ofruar shërbime më cilësore për komunitetet rurale, për të përfaqësuar më mirë interesat e tyre dhe për të kontribuar në proceset e politikëbërjes përmes advokimit të bazuar në evidenca.

Një fokus i veçantë do t’i kushtohet:

• · forcimit të bashkëpunimit ndërmjet aktorëve lokalë përmes platformave rajonale, Grupeve Lokale të Veprimit dhe formave të tjera të veprimit kolektiv;
• · promovimit të sistemeve ushqimore lokale më të qëndrueshme dhe gjithëpërfshirëse;
• · mbështetjes së iniciativave që krijojnë mundësi më të mira ekonomike për fermerët dhe prodhuesit ruralë;
• · avancimit të barazisë gjinore dhe fuqizimit të grave në proceset vendimmarrëse dhe zhvillimore.

Përmes këtij projekti, ANRD synon të kontribuojë në ndërtimin e komuniteteve rurale më të forta, më gjithëpërfshirëse dhe më të lidhura mes tyre, të afta për të ndikuar në zhvillimin e tyre. Projekti mbështet iniciativat lokale, nxit bashkëpunimin ndërmjet aktorëve dhe promovon zgjidhje që i përgjigjen nevojave dhe aspiratave të komuniteteve rurale.

Projekti mbështetet nga We Effect, një organizatë suedeze zhvillimi e angazhuar në fuqizimin e komuniteteve rurale. Përmes veprimtarisë së saj, We Effect promovon barazinë gjinore, zhvillimin rural të qëndrueshëm, përfshirjen financiare dhe rritjen e qëndrueshmërisë ndaj sfidave mjedisore dhe klimatike.

KOMUNITETE RURALE MË TË FORTA. SISTEME USHQIMORE MË TË QËNDRUESHME. MUNDËSI TË BARABARTA PËR TË GJITHË.

The post Mbështetje për zhvillimin rural gjithëpërfshirës dhe të qëndrueshëm në Shqipëri appeared first on ANRD.