WordCamp US 2026 ມາຮອດແລ້ວ! ເບິ່ງວິດີໂອຍ້ອນຫຼັງປະຈຳວັນໃນ YouTube
ສ້າງປະສົບການໃໝ່ໆດ້ວຍ WordPress
ແພັດຟອມການເຜີຍແຜ່ແບບໂອເພນຊອດ ທີ່ເປັນທາງເລືອກສຳລັບເວັບໄຊຫຼາຍລ້ານແຫ່ງທົ່ວໂລກ—ຕັ້ງແຕ່ຜູ້ສ້າງສັນຜົນງານ ແລະ ທຸລະກິດຂະໜາດນ້ອຍ ໄປຈົນເຖິງອົງກອນລະດັບໃຫຍ່.
ອອກແບບ
ສ້າງເວັບໄຊໃດກໍໄດ້ດ້ວຍເຄື່ອງມືການອອກແບບທີ່ຢືດຢຸ່ນ ແລະ ພະລັງຂອງ ບລັອກ. ເລີ່ມຕົ້ນຈາກໜ້າເປົ່າຫວ່າງ ຫຼື ເລືອກ ທິມ. ປັບແຕ່ງທຸກລາຍລະອຽດໄດ້ຕາມໃຈໂດຍບໍ່ຕ້ອງຂຽນໂຄ້ດ.
ສ້າງ
ເບິ່ງຜົນການປ່ຽນແປງຂອງເວັບໄຊໃນເວລາຈິງ, ເຖິງແມ່ນວ່າທ່ານຈະເພີ່ມ, ແກ້ໄຂ ແລະ ຈັດລຽງເນື້ອຫາໃໝ່ ກໍສາມາດເຮັດໄດ້ງ່າຍໆ ດ້ວຍລະບົບການແກ້ໄຂທີ່ໃຊ້ງ່າຍ ແລະ ຄຸນສົມບັດທີ່ຄົບຖ້ວນໃນການຈັດການທຸກຢ່າງ.
ຕໍ່ເຕີມ
ເຮັດໃຫ້ເວັບໄຊຂອງທ່ານເຮັດວຽກໄດ້ຕາມທີ່ທ່ານຕ້ອງການ. ເພີ່ມຮ້ານຄ້າ, ລະບົບວິເຄາະ, ຈົດໝາຍຂ່າວ, ການເຊື່ອມຕໍ່ກັບໂຊຊຽວມີເດຍ; ທ່ານສາມາດຄວບຄຸມທຸກຢ່າງໄດ້ດ້ວຍ ປັກອິນ ທີ່ມີໃຫ້ເລືອກຫຼາກຫຼາຍ.
WordPress 7.1 ເຮັດໃຫ້ການປັບແຕ່ງ
ແລະ ການແກ້ໄຂງ່າຍຂຶ້ນ
ປັບແຕ່ງຮູບແບບບລັອກໃຫ້ຮອງຮັບທຸກຂະໜາດໜ້າຈໍ ແລະ ສະຖານະການໂຕ້ຕອບໄດ້ໂດຍບໍ່ຕ້ອງໃຊ້ CSS. ຕົວແກ້ໄຂສື່ທີ່ປັບປຸງໃໝ່ຈະນຳເອົາເຄື່ອງມືທີ່ເໝາະສົມມາໄວ້ໃຫ້ທ່ານໃຊ້ໄດ້ງ່າຍ, ໃນຂະນະທີ່ບັນທຶກ (Notes) ໃນຕອນນີ້ຮອງຮັບຂໍ້ຄວາມແບບປັບແຕ່ງໄດ້ ແລະ ການແທັກຫາ (@mentions). ແຖບຜູ້ຈັດການຍັງຄົງຢູ່ກັບທ່ານທັງໃນຕົວແກ້ໄຂເວັບໄຊ (Site Editor) ແລະ ຕົວແກ້ໄຂບລັອກ (block editor).
ແພັດຟອມດຽວ, ແຕ່ເຕັມໄປດ້ວຍຄວາມເປັນໄປໄດ້ທີ່ບໍ່ສິ້ນສຸດ
ຄົ້ນພົບຊຸດຕົວຢ່າງເວັບໄຊຈາກທົ່ວທຸກມຸມໂລກ ທີ່ຄັດສັນມາເພື່ອສະແດງໃຫ້ເຫັນການອອກແບບທີ່ສວຍງາມ, ນະວັດຕະກຳທາງເຕັກນິກ ແລະ ພະລັງທີ່ບໍ່ມີຂີດຈຳກັດຂອງ WordPress.
ພົບກັບຊຸມຊົນ WordPress
ຢູ່ເບື້ອງຫຼັງເຕັກໂນໂລຊີນີ້ ແມ່ນການຮ່ວມມື ແລະ ການເຕົ້າໂຮມກັນຂອງກຸ່ມຄົນທີ່ມີຄວາມຫຼາກຫຼາຍຈາກທົ່ວໂລກ. ພວກເຮົາຈັດກິດຈະກຳເປັນປະຈຳ ເພື່ອມອບໂອກາດໃນການຮຽນຮູ້ເພີ່ມເຕີມກ່ຽວກັບ WordPress ແລະ ແນວໂນ້ມເຕັກໂນໂລຊີໃໝ່ໆ, ສ້າງເຄືອຂ່າຍກັບຜູ້ຊ່ຽວຊານໃນຂະແໜງການ, ແລະ ສົ່ງເສີມການເຕີບໂຕໃນວິຊາຊີບຂອງທ່ານ.
ພວກເຮົາຮ່ວມແຮງຮ່ວມໃຈກັນດ້ວຍຈິດວິນຍານຂອງໂອເພນຊອດ ແລະ ເສລີພາບໃນການສ້າງ, ປ່ຽນແປງ ແລະ ແບ່ງປັນໂດຍບໍ່ມີອຸປະສັກ. ຍິນດີຕ້ອນຮັບທຸກຄົນ.
ສ້າງເພື່ອຕົວທ່ານເອງ, ແຕ່ບໍ່ໄດ້ສ້າງຢູ່ຄົນດຽວ
ບໍ່ວ່າທ່ານຈະເປັນຜູ້ປະກອບການ, ຜູ້ພັດທະນາມືອາຊີບ ຫຼື ບລັອກເກີມືໃໝ່, ພວກເຮົາມີຄັງຂໍ້ມູນ ແລະ ເຄື່ອງມືການຮຽນຮູ້ທີ່ພ້ອມສຳລັບທ່ານ. ນອກຈາກນີ້ ທ່ານຍັງມີຊຸມຊົນ WordPress ທັງໝົດທີ່ພ້ອມຈະຊ່ວຍເຫຼືອທ່ານ.
ຂ່າວສານ WordPress ລ່າສຸດ
ເລີ່ມຕົ້ນໃຊ້ງານ
ຄົ້ນຫາທຸກສິ່ງທີ່ທ່ານຕ້ອງການເພື່ອເລີ່ມຕົ້ນ, ດາວໂຫຼດແພັດຟອມ, ຊອກຫາໂຮສຕິງ ແລະ ອື່ນໆ—ບໍ່ວ່າຈະເປັນເວັບໄຊທຳອິດ ຫຼື ເວັບໄຊທີເກົ້າສິບເອັດຂອງທ່ານ.