WordPress.org Frysk

WordPress 7.1 yn’t Frysk

Remkus de Vries — Fri, 21 Aug 2026 10:03:36 +0000

WordPress is einlik wer folslein yn it Frysk te krijen!

Mei de komst fan WordPress 7.1 is de Fryske oersetting wer hielendal by de tiid. Dat betsjut datst WordPress no wer gewoan yn it Frysk downloade, ynstallearje en brûke kinst.

De Fryske oersetting rûn de lêste jierren flink efter, mar dat is no wer rjochtlutsen. Menu’s, ynstellings, meldingen en de WordPress-editor: alles is wer yn ús eigen taal beskikber.

Brûkst al WordPress? Dan kinst ûnder Ynstellings Algemien Sidetaal Frysk selektearje.

Brûkst noch gjin WordPress? Fan ferzje 7.1 ôf kinst by in nije ynstallaasje wer gewoan foar Frysk kieze.

Mar dêr binne wy noch net mei klear. In oersetting is nea echt ôf. Der sille grif noch wurden en sinnen tusken sitte dy’t better, dúdliker of gewoan Frysker kinne.

Dus: brûkst WordPress yn it Frysk en sjochst wat dat net lekker oerset is? Help dan mei om de Fryske oersetting better te meitsjen. Elkenien kin meidwaan oan de WordPress-oersetting op Translate.WordPress.org. Ek as it mar om ien wurd of ien sin giet: alle ferbetteringen helpe.

Sa kinne wy der mei-inoar foar soargje dat WordPress net allinnich yn it Frysk beskikber is, mar ek echt goed Frysk praat.

In lyts, mar moai ding: ien fan de meast brûkte platfoarms foar it bouwen fan websiden is wer folslein yn it Frysk beskikber.

Wy sykje oersetters

Remkus de Vries — Mon, 21 Sep 2015 08:12:30 +0000

Foar de nijste ferzje fan WordPress sykje wy oersetters dy’t mei helpe kinne om de Fryske ferzje fan WordPress wer hielendal by de tiid te bringen. Mear witte? Lit in reaksje achter en ik nim kontakt op!

WordPress 3.2 no ek yn ‘t Frysk

Remkus de Vries — Tue, 23 Aug 2011 20:08:15 +0000

It hat efkes duorre, mar WordPress 3.2 is no ek yn ‘t Frysk te krijen. Sûnt 3.0 binne der dochs aardich wat teksten by kaam en dy moasten ek allegear oersetten wurde. Dat WordPress 3.2 no ek yn ‘t Frysk beskikber is betsjut ek dat de tema’s Twenty Ten en Twenty Eleven no ek folslein Frysktalich binne. WordPress 3.2 is in ferzje dy’t net in protte nijs bringt, oars as in rapper en moaier Hiem, mar 3.2 sit benammen in stik better yn elkoar. Grutte reden foar dit is dat WordPress 3.2 no minimaal PHP ferzje 5.2.4 en MySQL 5 nêdich is. Soargje dus dat jimme hosting by de tiid is.

Mei de release fan WordPress 3.2 is ek dit filmke beskikber makke dy’t wat mear útleit wat der allegear nij is yn 3.2. Dit filmke is wol yn ‘t Ingelsk:

De lêste ferzje dy’t te krijen is, is WordPress 3.2.1 en dy kinne jimme hjir delhelje.

Wy binne drok dwaande!

Remkus de Vries — Sat, 06 Aug 2011 12:51:38 +0000

It docht bliken dat de lêtste ferzje fan WordPress ( en de tema’s Twenty Ten en Twenty Eleven ) noch net in oersetting yn’t Frysk hienen. Wy binne dêr drok mei dwaande om dat foar elkoar te krijen. Noch krekt eefkes wartsje dus. WordPress 3.2 is wol gewoan te brûken, mar dan is de Fryske oersetting eefkes kwyt.

It giet oan; WordPress yn ‘t Frysk

Remkus de Vries — Fri, 03 Dec 2010 07:02:54 +0000

It giet oan. Fan hjoed ôf is it meast populêre kompjûterprogramma lang om let einliks te brûken yn ‘t Frysk. In heuglik feit dêr’t in protte wurk yn sitten hat fan mysels, mar benammen it oersettiim fan de Ried fan de Fryske Beweging mei Wolter Jetten hawwe in bealchfol wurk ferset by it oersetten.

Fan de haadside ôf kinne jim WordPress Frysk lyk downloade.

No goeie, Wrâld!

Remkus de Vries — Wed, 14 Apr 2010 22:56:01 +0000

Wolkom by WordPress.org.